31-Oct-2021

ଢେଙ୍କାନାଳ (ତାପସ ଦାସ) ହିନ୍ଦୋଳ - ପ୍ରଧାନ ମନ୍ତ୍ରୀ ଆବାସ ଘର ବିଲ କରିଦେବା ପାଇଁ ୩ହଜାର ଟଙ୍କା ଲାଞ୍ଚ । ଆଉ ଲାଞ୍ଚ ନେଉଥିବାବେଳେ ଭିଜିଲାନ୍ସରେ କାବୁ ହେଲେ ଜଣେ ସରକାରୀ ବାବୁ । ଏହି ସରକାରୀ ବାବୁ ଜଣଙ୍କ ହେଲେ ଢେଙ୍କାନା ଳ ଜିଲ୍ଲା ହିନ୍ଦୋଳ ବିଜ୍ଞାପିତ ପରିଷଦ କାର୍ଯ୍ୟାଳୟରେ କାର୍ଯ୍ୟରତ ଯନ୍ତ୍ରୀ ରଶ୍ମିରଞ୍ଜନ ବେହେରା । ଭିଜିଲାନ୍ସ ତାଙ୍କୁ ଲାଞ୍ଚ ଟଙ୍କା ନେଉଥିବା ୧୫ଶହ ଟଙ୍କା ସହ କାବୁ କରିଛି । ହିନ୍ଦୋଳ ବିଜ୍ଞାପିତ ପରିଷଦ ଅନ୍ତର୍ଗତ ୱାର୍ଡ ନଂ.୬ ସରଧାପୁରର ଶାନ୍ତି ଲତା ବେହେରା ନାମକ ଜଣେ ଆବାସ ହିତାଧିକାରୀଙ୍କୁ ତାଙ୍କ ବିଲ କରିଦେବା ପାଇଁ ୩ହଜାର ଟଙ୍କା ଦାବି କରିଥିଲେ । ତେବେ ଶାନ୍ତି ଲତାଙ୍କ ପୁଅ ମାନସ ବେହେରାଙ୍କ ଠାରୁ ପ୍ରଥମେ ୧୫ଶହ ଟଙ୍କା ନେଇଥିଲେ ମଧ୍ୟ ଆହୁରି ୧୫ଶହ ଟଙ୍କା ଦେଲେ ଯନ୍ତ୍ରୀ ରଶ୍ମି ରଞ୍ଜନ ବେହେରା ଫାଇନାଲ ବିଲ କରିବେ ବୋଲି ଦାବି କରିଥିଲେ । ଫଳରେ ମାନସ ବେହେରା ଅନୁଗୁଳ ଭିଜିଲାନ୍ସ ରେ ଅଭିଯୋଗ ମୁତାବକ ଆଜି ଭିଜିଲାନ୍ସ ଜଗି ରହିଥିଲେ । ଫଳରେ ମାନସଙ୍କ ଠାରୁ ୧୫ଶହ ଟଙ୍କା ଲାଞ୍ଚ ଗ୍ରହଣ କରିବା ବେଳେ ଛକି ରହିଥିବା ଭିଜିଲାନ୍ସ ଟିମ ଯନ୍ତ୍ରୀ ରଶ୍ମିରଞ୍ଜନ ବେହେରାଙ୍କୁ ତାଙ୍କ କାର୍ଯ୍ୟାଳୟରେ କାବୁ କରିଥିବା ଜଣାପଡ଼ିଛି ।  ରଶ୍ମିଙ୍କୁ ଗିରଫ କରି ଭିଜିଲାନ୍ସ ଟିମ ଅନୁଗୁଳକୁ ନେଇଯାଇ ତଦନ୍ତ କରୁଥିବା ଜଣାପଡିଛି ।