29-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଏସ ଇ ଏ ପମ୍ପ ଚାଳକ ସଂଘ ପକ୍ଷରୁ ୮ ଦଫା ଦାବିପତ୍ର ପ୍ରଦାନ କରିଥିବା ଜଣାପଡିଛି। ସୂଚନାଯୋଗ୍ୟ ଯେ ୨୫.୯.୨୧ ଦିନ ଠାରୁ ଓଡ଼ିଶାର ଏସ ଇ ଏମ୍ ଓ ଜଳ ଯୋଗାଣ କର୍ମଚାରୀ   ମାନେ ୮ ଦଫା ଦାବି ନେଇ ଭୁବନେଶ୍ଵର ଲୋୟର ପି ଏମ୍ ଜି ଠାରେ

ଦେଇଛନ୍ତି। ତଥାପି ରାଜ୍ୟ ସରକାର ତାଙ୍କ ଗ୍ରହଣ କରୁନଥିବା ରୁ ରାଜ୍ୟ ମହାସଂଘର ନିର୍ଦ୍ଦେଶକ୍ରମେ ରାଜ୍ୟ ର ଏସ ଇ ଏମ୍ ଓ ପମ୍ପ ଚାଳକ କାର୍ଯ୍ୟ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି। ଏଥିପାଇଁ ରାଜ୍ୟ ସରକାର କୁ ଦାୟୀ ରହିବେ ବୋଲି ଚେତାବନୀ ଦେଇଛନ୍ତି। ତାଙ୍କ ଦାବି ହେଉଛି ଯେ ଏସ ଇ ଏମ୍ କୁ ହଟାଯାଉ ଓ ଜଳ ଯୋଗାଣ କର୍ମଚାରୀ ର ମାନ୍ୟତା

ଦିଆଯାଉ,ସମାନ କାମକୁ ସମାନ ଦରମା ଦିଆଯାଉ, ଗ୍ରାମ ପଞ୍ଚାୟତ ରୁ ଦରମା ବନ୍ଦକରି ବିଭାଗୀୟ ଦରମା ଦିଆଯାଉ,୫ ବର୍ଷ ର ବୟସ କୋହଳ କରାଯାଉ,୧୦ ବର୍ଷ ର ଏରିୟର ଦିଆଯାଉ, କାର୍ଯ୍ୟ କରୁଥିବା ସମୟରେ କୌଣସି କର୍ମଚାରୀ ଦୁର୍ଘଟଣା କିମ୍ବା ମୃତ୍ୟୁ ବରଣ କଲେ ୨୦ ଲକ୍ଷ ଟଙ୍କା କ୍ଷତିପୂରଣ ଦିଆଯାଉ ଏବଂ ସେହି ସଂସ୍ଥା ରେ ସେହି ପରିବାର ର ଜଣକୁ ଚାକିରି ଦିଆଯାଉ । ଏହି ଦାବି ପତ୍ର ଦେବା ସମୟରେ ବେଲପଡା ବ୍ଳକ ସଂଘ ର ସଭାପତି ଶଙ୍କର ବେହେରା, ସମ୍ପାଦକ ବୁଦ୍ଧିବନ୍ତ ଦନ୍ତା, ରଘୁନାଥ ସିଂ ବାବୁ, ଇନ୍ଦ୍ରମଣି ବାଗ ସମେତ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ।