15-Oct-2021

ବଲାଙ୍ଗିର (ପ୍ରେରଣା ଖବର) : ଆଜି ସ୍ଥାନୀୟ ଏଲ ଏଣ୍ଡ ଏସ କ୍ଲବ ସଭାକକ୍ଷ ଠାରେ ଶିଶୁ ବିକାଶ କେନ୍ଦ୍ର, ବଲାଙ୍ଗୀରର ୩୭ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି l ଅନୁଷ୍ଠାନର ସଭାପତି ମଦନ ମୋହନ ରଥଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଅନୁଷ୍ଠାନର ଉପଦେଷ୍ଟା ଜୟରାମ ମିଶ୍ର, ବିକ୍ରମାନନ୍ଦ ବହିଦାର ମଞ୍ଚାସୀନ ଥିଲେ l ଏହି ଅବସରରେ ଆଦର୍ଶ ଶିକ୍ଷୟିତ୍ରୀ ରଂଜିତା ରଶ୍ମି ସାହୁଙ୍କୁ ସମ୍ମାନିତ କରାଯାଇଥିଲା l ଆରମ୍ଭରେ ଅନୁଷ୍ଠିତ କଣ୍ଠ ସଂଗୀତ ପ୍ରତିଯୋଗିତାରେ  ଲେଖକ ଜ୍ୟୋତିରଞ୍ଜନ ମିଶ୍ର, ଗୀତିକାର ହୃଷିକେଶ ପୁରୋହିତ, ଓ କଣ୍ଠଶିଳ୍ପୀ ଧୀରେନ୍ଦ୍ର ନାରାୟଣ ସିଂହଦେଓ ବିଚାରକ ଭାବରେ ଯୋଗଦେଇ ଥିଲେ l ପରେ ପରେ ଅନୁଷ୍ଠିତ ସଭାରେ କସ୍ତୁରୀ ରଥ ଅତିଥି ମାନଙ୍କୁ ସ୍ୱାଗତ ସହ ବେଦପଠନ କରିଥିଲେ l ଅନୁଷ୍ଠାନର ପତାକା କୁନି କୁନି ପିଲାମାନ ଦ୍ୱାରା ଉତ୍ତୋଳନ  କରାଯାଇଥିଲା l ମଂଚାସୀନ ଅତିଥି ମାନେ ସାମ୍ପ୍ରତିକ ସମୟରେ ଶିଶୁମାନଙ୍କ ସର୍ବାଙ୍ଗିନ ଉନ୍ନତି ପାଇଁ ଶିକ୍ଷକ, ଶିକ୍ଷୟିତ୍ରୀ ଓ ପିତାମାତା ଙ୍କ ଭୂମିକା ଉପରେ ଆଲୋଚନା କରିଥିଲେ l ଏହି ଅବସରରେ ଅନୁଷ୍ଠିତ ବକୃତା, ପ୍ରବନ୍ଧ, ଓ କଣ୍ଠ ସଂଗୀତ ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇ ଥିଲା l ସଭା ପରିଚାଳନା କରିଥିଲେ ଅନୁଷ୍ଠାନର ସମ୍ପାଦକ ରତ୍ନମୟ ତ୍ରିପାଠୀ  l  ସଭାକୁ ସଫଳ କରିବାରେ ସୁନାଧର ବନଛୋର, ଅରୁଣ କୁମାର ଖୁଆସ, ପ୍ରଶାନ୍ତ ଷଡ଼ଙ୍ଗୀ, ମାନସ ବାଗ, କେଶବ ମିଶ୍ର ସହଯୋଗ କରିଥିଲେ l ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଚୁଡେନ୍ଦ୍ର କୁମାର ବେହେରା l