27-Aug-2021

 ବିନିକା (ହିମାଂଶୁ ଶେଖର ପୁଟେକ ) ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଗସ୍ତରେ ଆସି ପ୍ରଦେଶ କଂଗ୍ରେସ ରାଜ୍ୟ କିସାନ ସେଲ ସଭାପତି ସିଂହିଜୁବା ପଞ୍ଚାୟତ ଘାଟି ଜାମପାଳି ଠାରେ ଅନୁଷ୍ଠିତ କୃଷକ ସମ୍ପର୍କ ଅଭିଯାନରେ  ମୁଖ୍ୟ ଅତିଥି ଭାବେ ଯୋଗଦେଇ ଦୁନିଆକୁ ଯୋଗାଉଥିବା ଆହାର ଚାଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଧୁଥିବା ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ବର୍ଶିଥିଲେ l ଫମ୍ଫା ପ୍ରତିଶ୍ରୁତି ଦେଇ ଆସୁଥିବା ଉଭୟ ସରକାରଙ୍କ ଚାଷୀ ମାରଣ ନୀତି ଯୋଗୁଁ ଚାଷୀ ସବୁ କ୍ଷେତ୍ରରେ ବିଫଳ ହେବା ସହ ତଳିତଳାନ୍ତ ହେଉଥିବା  ଜଣାପଡିଛି l ରାଜ୍ୟ ସରକାର ମିଲର ଓ ପ୍ରଶାସନିକ ସହ ଭିତିରିଆ ସମ୍ପର୍କ ରଖି ଚାଷୀଙ୍କୁ ଲୁଟି ଚାଲିଥିବାରୁ ଚାଷୀ ଅବସ୍ଥା ଦିନକୁ ଦିନ ଦୟନୀୟ ହେବାରେ ଲାଗିଥିବାରୁ ଚାଷୀ ଆଖିରୁ ଲୁହ ଗଡାଉଛି lତେଣୁ ଚାଷୀ ପାଇଁ ହେଉଥିବା ଅନ୍ୟାୟ ବିରୁଦ୍ଧରେ ରାଜ୍ୟ କିସାଣ କଂଗ୍ରେସ ଲଢେଇ ଜାରି ରଖିବ ବୋଲି ଶ୍ରୀ ପଟ୍ଟନାୟକ ଉପସ୍ଥିତ ଚାଷୀ ମାନଙ୍କୁ ଆହ୍ୱାନ ଦେଇଛନ୍ତି l ଏଥିରେ ଅନ୍ୟମାନଙ୍କ ମଧ୍ୟରେ

ଥିବା ଯୁବନେତା ପ୍ରଦୀପ ସେଠୀ,ଜିଲ୍ଲା କୀସାନ ସେଲ ସଭାପତି ନରେନ୍ଦ୍ର ପଣ୍ଡା,ବ୍ଲକ କଂଗ୍ରେସ ସଭାପତି ରବୀନ୍ଦ୍ର କୁମାର ହୋତା,କଂଗ୍ରେସ ସାଧାରଣ ସଂପାଦକ  ସପନେଶ୍ୱର ପୃଷ୍ଟି,ଜିଲ୍ଲା ଯୁବ କଂଗ୍ରେସ ସଭାପତି ପ୍ରିୟବ୍ରତ ସାହୁ,କଂଗ୍ରେସ ନେତା ନରେନ୍ଦ୍ର ସାହୁ,ସଂଗ୍ରାମ କେଶରୀ ନାୟକ,ମିଡ଼ିଆ ସେଲ ସଭାପତି ସୁମନ୍ତ ସାହୁ,କଂଗ୍ରେସ ନେତା ବିଜୟ ଭୋଇ,ଵୈସାଖୁ ଖମାରୀ,ସୈାମିତ୍ରୀ ସାହୁ, ହଜାରୁ ସାହୁ ପ୍ରମୁଖଙ୍କ ସମେତ ଆଖପାଖ ଅଂଚଳର ବହୁ କଂଗ୍ରେସ କର୍ମୀ ଉପସ୍ଥିତ ଥିଲେ l