12-Aug-2021

ବିନିକା(ହିମାଂଶୁ ଶେଖର ପୁଟେଲ) - ଗୋଡ଼ଭଗା ମୁଖ୍ୟରାସ୍ତା ର ଅରିଗାଁ ଜିରା ନଦୀ ପୋଲ ନିକଟରେ ଦୁଇଟି ବାଇକ ମୁହାଁମୁହିଁ ଧକ୍କା ହେବାରୁ ଏଥିରେ ୩ ଜଣ ଆହତ ହୋଇଛନ୍ତି | ପ୍ରାଥମିକ ଚିକିତ୍ସା ପରେ ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ଅଧିକ ଚିକିତ୍ସା ପାଇଁ ବୁର୍ଲା ବଡ଼ ମେଡିକାଲ କୁ ପଠାଯାଇଛି | ଘଟଣାରୁ ପ୍ରକାଶ ଯେ ବରଗଡ଼ ଜିଲ୍ଲା ଭେଡେନ ଥାନା  ଗଣ୍ଠିଆପାଲି ଗ୍ରାମର ମନୋରଞ୍ଜନ ଶୁକ୍ଲା (୪୦) କବିରାଜ ଭଏନା (୫୨) ଏକ ବାଇକ ଯୋଗେ ତାଙ୍କ ନିଜ ଘରକୁ ଫେରୁଥିବା ବେଳେ ବିନିକା ଥାନା କମ୍ଭୀରା ଗ୍ରାମର ମୋହନ ପଧାନ ତୁରୁମ ପଟରୁ ବିନିକା ପଟକୁ ଆସୁଥିବା ବେଳେ ଉଭୟ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା |

ଫଳରେ ସମସ୍ତେ ଆହତ ହୋଇଥିଲେ | ଖବର ପାଇ ବିନିକା ଦମକଳ ବାହିନୀ ଘଟଣା ସ୍ଥଳକୁ ଯାଇ ଆହତଙ୍କୁ ବିନିକା ଡାକ୍ତରଖାନାକୁ ଆଣିଥିଲେ | ସେଠାରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ହେବାରୁ ମନୋରଞ୍ଜନ ଓ ମୋହନଙ୍କୁ ବୁର୍ଲା ଡାକ୍ତରଖାନାକୁ ପଠାଯାଇଛି | ବିନିକା ପୁଲିସ ଘଟଣାସ୍ଥଳ କୁ ପହଂଚି ଘଟଣା ର ତଦନ୍ତ ଜାରିରଖିଛି |