29-Jul-2021

ବଲାଙ୍ଗିର (ପ୍ରେରଣା ଖବର): ଗତକାଲି ବଲାଙ୍ଗିର ବିଜେପି ପକ୍ଷରୁ ଭୀମସାର ରେ ଏକମୋ ମେସିନ ସ୍ଥାପନ ପାଇଁ ରାଜ୍ୟପାଳ ଙ୍କ ଉଦ୍ଦେଶ୍ୟ ରେ ଦାବିପତ୍ର ପ୍ରଦାନ କରାଯାଇଥିଲା I  ଏହି ଅବସରରେ  ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ରାଜ୍ୟ ସରକାରଙ୍କ

ବିରୋଧରେ ସ୍ଲୋଗାନ ଦେଇଥିଲେ ବିଜେପି କର୍ମୀ । ରାଜ୍ୟପାଳ ଙ୍କ ଉଦ୍ଦେଶ୍ୟରେ ଏକ ୧୧  ଦଫା ଦାବି ପତ୍ର ପ୍ରଦାନ କରାଯାଇଥିବା ଦାବିପତ୍ର ରେ ଭୀମସାର କୁ ସମ୍ପୁର୍ଣ୍ଣ ସ୍ବୟଂଶାସିତ କ୍ଷମତା ପ୍ରଦାନ କରିବା, ଭୀମସାର ରେ ଏକମୋ ମେସିନ ଲଗେଇବା, ରାଜ୍ୟ ବଜେଟ ରେ ଭୀମସାର ପାଇଁ ସ୍ୱତନ୍ତ୍ର ପାଣ୍ଠି ବ୍ୟବସ୍ଥା କରାଯିବା, ଆଇ.ସି.ୟୁ ଶଯ୍ୟା ସଂଖ୍ୟା ବୃଦ୍ଧି କରିବା, ଜିଲ୍ଲା ମୁଖ୍ୟ ଚିକିତ୍ସାଳୟ ସମେତ ସମସ୍ତ ପି.ଏଚ.ସି, ସି.ଏଚ.ସି ରେ ଡାକ୍ତର, ସ୍ୱାସ୍ଥ୍ୟ କର୍ମୀ ପଦପଦବୀ ପୂରଣ କରିବା, ଭୀମସାର ରେ କର୍କଟ ରୋଗ, ସ୍ନାୟୁ ରୋଗ, ଯକୃତ ରୋଗ, ହୃଦ ରୋଗ ଭଳି ଜଟିଳ ଓ ବଡ ରୋଗ ର ସମ୍ପୂର୍ଣ୍ଣ ଚିକତ୍ସା ସୁବିଧା ଯୋଗେଇବା ଭଳି ଅନେକ ସମସ୍ୟା ର ଶୀଘ୍ର ଓ ସ୍ଥାୟୀ ସମାଧାନ ଉଲ୍ଲେଖ ରହିଛି । ଜିଲ୍ଲା ସଭାପତି  ଶିବାଜୀ ନାହାନ୍ତିଙ୍କ ନେତୃତ୍ୱରେ ହୋଇଥିବା ଏହି କାର୍ଯ୍ୟକ୍ରମ ରେ ଲୋଇସିଂହା ବିଧାୟକ ମୁକେଶ ମହାଲିଙ୍ଗ, ଜିଲ୍ଲା 

ଉପସଭାପତି ରାଜେଶ ପାଣିଗ୍ରାହୀ, ପ୍ରଭାସ ପାଣିଗ୍ରାହୀ, ଅମିତ ସିଂହ ନୀନା, ବସୁଦେବ ସିଂହ ନୀନା, ଚିତ୍ତରଞ୍ଜନ ମିଶ୍ର, ରଞ୍ଜିତ ପାଣିଗାହି, ଟଙ୍କଧର ପ୍ରଧାନ, ଦିନେଶ ଶର୍ମ ପ୍ରମୁଖ ସାମିଲ ହୋଇ ରାଜ୍ଯ ସରକାର ଙ୍କ ବିରୁଦ୍ଧରେ ଗର୍ଜି ଥିଲେ l ଆଗାମୀ ଦିନରେ ସରକାର ପଶ୍ଟିମ ଓଡ଼ିଶାରେ ସ୍ୱାସ୍ଥ୍ୟ ସେବାରେ ସୁଧର ନ ଆଣିଲେ ଭାଜପା ପୁଣି ରାଜରାସ୍ତା କୁ ଓହ୍ଲାଇବ ବୋଲି ଚେତାବନୀ ଦିଆଯାଇଛି l