20-Jul-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ଚାରମାଳ ଥାନା ବଂଶାଜାଳ ଗ୍ରାମ ନିକଟରୁ ଡିଜେଲ ଚୋରି ଘଟଣାରେ ଜଣକୁ ଗିରଫ କରି କୋର୍ଟ ଚାଲାଣ କରିଛି ଚାରମାଳ ପୋଲିସ । ପୋଲିସ ସୂତ୍ରରୁ ପ୍ରକାଶ ଯେ ପାରାଦୀପ ସମ୍ବଲପୁର ଆଇଓସିଏଲ ପାଇପ ଲାଇନରୁ ଗତ ୧୩ ତାରିଖରେ ତେଲଚୋରି ହୋଇଥିବା ନେଇ ଆଇଓସିଏଲ ନିଗମର ସହାୟକ ପ୍ରବନ୍ଧକ ସୁଭ୍ରଜିତ ଜେନା ୧୪ ତାରିଖରେ ଚାରମାଳ ଥାନାରେ ଅଭିଯୋଗ କରିଥିଲେ । ଏ ସଂକ୍ରାନ୍ତରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରି ୧୫ ତାରିଖରେ ଜଣେ ଯୁବକଙ୍କୁ ଅଟକରଖି ତଦନ୍ତ ଚଲେଇଥିବା ବେଳେ ସୋମବାର ଦିନ ଜୁଜୁମୁରା ଥାନା ଫୁଲଝରଣ ଗ୍ରାମରେ ଚଢ଼ାଉ କରି ଏମଡି ଆତିକ ଖାନ (୩୬) କୁ ଗିରଫ କରି ତାଙ୍କ ପାଖରୁ ସାତ ବେରେଲ ଭର୍ତ୍ତି ୧୪ ଶହ ଲିଟର ଡିଜେଲ ଓ ୨୮ ଟି ଖାଲି ବେରେଲ ଜବତ କରି କୋର୍ଟ ଚାଲାଣ କରିଥିବା ବେଳେ ଫେରାର ଥିବା ଅନ୍ୟ ଅଭିଯୁକ୍ତ ମାନଙ୍କୁ ଗିରଫ କରିନଥିବା ଚାରମାଳ ଥାନା ଅଧିକାରୀ ବସନ୍ତ କୁମାର ଦଲେଇ ସୂଚନା ଦେଇଛନ୍ତି