20-Jul-2021

ବିନିକା (ହିମାଂଶୁ ଶେଖର ପୁଟେଲ) : ସବୁ ସ୍ଥାନକୁ ଗମନାଗମନ ର ସୁବିଧା ପାଇଁ ଉଭୟେ ରାଜ୍ୟ ଓ କେନ୍ଦ୍ର ସରକାର କୋଟି କୋଟି ଟଙ୍କା ଅନୁଦାନ ଯୋଗାଇ ଦେଉଛନ୍ତି ହେଲେ ରାସ୍ତାଘାଟର ଉନ୍ନତି ସମୁଦ୍ର କୁ ଶଙ୍ଖେ ପରି ହେଉଛି l ସତରେ କଣ ପ୍ରଶାସନ ଦେଖୁ ନାହିଁ କି ଏଥିପାଇଁ ଅନୁଦାନ ଆସୁନାହିଁ l ରାସ୍ତା ଟି ପାଲଟିଛି ମରଣଯନ୍ତା ଯାହାକି ସାଧାରଣ ଲୋକ ଟିଏ ଯିବା ଦୂରର କଥା ଯମ ବି ଯିବା ମସ୍କିଲ ହୋଇପଡିଛି l ଦେଖିବାକୁ ମିଳିଛି ବିନିକା ବିଜ୍ଞାପିତ ଅଞ୍ଚଳରେ l ସୂଚନାଯୋଗ୍ୟ ଯେ ବିନିକା ବିଜ୍ଞାପିତ ପରିଷଦ ଅଧୀନ ଭମରପାଲି  ବାଉଁଶ ନାଲା ଠାରୁ ପର୍ଯ୍ୟଟନ କ୍ଷେତ୍ର ପାପକ୍ଷୟ ଯାଇଥିବା ରାସ୍ତାଟି ଅତ୍ୟନ୍ତ ଶୋଚନୀୟ ହୋଇପଡିଛି l ଏହି ରାସ୍ତାର ମରାମତି ପାଇଁ ଗ୍ରାମବାସୀଙ୍କ ତରଫରୁ ଅନେକ ଥର ପ୍ରଶାସନିକ ଅଧିକାରୀ ଙ୍କ ଠାରେ ଦାବି ହୋଇ ଆସୁଥିଲେ ମଧ୍ୟ ଦୃଷ୍ଟି ନ ଦେବା ଅତ୍ୟନ୍ତ ପରିତାପର ବିଷୟ ବୋଲି ସାଧାରଣରେ ଅସନ୍ତୋଷ ପ୍ରକାଶ ପାଇଛି l ବିଶେଷ କରି ବର୍ଷା ମାସ ଯାକ ଉକ୍ତରାସ୍ତା ଟି ଅବସ୍ଥା ଲୋକଙ୍କ ପାଇଁ ବିପଦଜନକ ପାଲଟିଛି l