19-Jul-2021

ଲୋଇସିଂହା/ଆଗଲପୁର(ବିନୋଦ କୁମାର ଦୀପ): କଥାରେ ଅଛି ଗରିବ ଖଟି ଖଟି ମରିବ l ଦୀର୍ଘ ଦୁଇ ବର୍ଷ ହେଲା କରୋନାରେ ହନ୍ତସନ୍ତ ଦେଶବାସୀ ଖଟି ଖାଉଥିବା ଗରିବ ପାଇଁ ବୋଝ ଉପରେ ନଳିତା ବିଡା ସଦୃଶ ହୋଇଛି l ରାଜ୍ୟ ଓ କେନ୍ଦ୍ର ସରକାର ଶ୍ରମିକଙ୍କ ପାଇଁ ମନରେଗା ଯୋଜନା କରିଛନ୍ତି, କିନ୍ତୁ  ପ୍ରଶାସନିକ ଅବହେଳା ଯୋଗୁଁ ଏମାନେ ପ୍ରାପ୍ୟ ପାଇବାରୁ ବଞ୍ଚିତ ରହୁଛନ୍ତି l  ଏମିତି ଏକ ଚାଞ୍ଚଲ୍ୟକର ଖବର ଆସିଛି ଦାଦନ ପ୍ରବଣ ବଲାଙ୍ଗୀର ଜିଲ୍ଲା ଆଗଲପୁର ବ୍ଳକ ଭରସୁଜା ପଂଚାୟତରୁ l ଏଠାରେ ମଣିଷ ବଦଳରେ ମେସିନ କାମ କରୁଥିବାର ଅଭିଯୋଗ କରୁଛନ୍ତି ଶ୍ରମିକ l ଶ୍ରମିକ ମାନେ ବିଭାଗକୁ ଅଭିଯୋଗ ଗଲେ ମଧ୍ୟ ନିଜ ସ୍ୱାର୍ଥ ରେ ବ୍ୟସ୍ତ ରହୁ ଥିବା ଅଭିଯୋଗ ହୋଇଛି l   ଅଞ୍ଚଳରେ ମନରେଗା ଦୁର୍ନୀତିର ଗନ୍ତାଘର ପାଲଟି ଥିବା  ଅଭିଯୋଗ ହୋଇଛି l ପୂର୍ବରୁ ଏହି ବ୍ଳକ ର ବିଭିନ୍ନ ପଞ୍ଚାୟତରେ ମନରେଗା ଦୁର୍ନୀତି ହୋଇସାରିଛି, କିନ୍ତୁ ବର୍ତମାନ ଭରସୁଜା ପଞ୍ଚାୟତ ରେ ମନରେଗା ଯୋଜନା କୃଷି ପୋଖରୀ ଖନନ କାମର ଦୁର୍ନୀତିର ବାସ୍ନା ଚହଟି ବାରେ ଲାଗିଛି l ଜେମାପାଲି ଗାଁ ର ଚାଷୀ ଯୁଧିଷ୍ଠିର ସାହୁ ଏକ ଲକ୍ଷ୍ୟ କୋଡିଏ ହଜାର ଟଙ୍କା ର ପୋଖରୀ ଖନନ କରି ପ୍ରାପ୍ୟ ରୁ ବଂଚିତ ରହିଛନ୍ତି, ଏହି ବୃଦ୍ଧ ଚାଷୀ

ଅଭିଯୋଗ କରିଛନ୍ତି ଏଠାରେ ଯିଏ ଲାଞ୍ଚ ଦେଉଛି ତାଙ୍କୁ ଟଙ୍କା ମିଳୁଛି ନ ହେଲେ ନାହିଁ, ଏହି ଅଭିଯୋଗ ସମ୍ପର୍କ ରେ ଆମେ ବିଭାଗୀୟ ଅଧିକାରୀ ସ୍ୱୟଂପ୍ରଭା ସିଂ କୁ ଫୋନ ଯୋଗେ ଯୋଗାଯୋଗ କରିବାରୁ ସେ ନିମ୍ନ ମାନର କାମ ହୋଈଥିବାର କହିଛନ୍ତି, ଉପରିସ୍ଥ ଆଧିକାରୀ ଏହାର ତଦନ୍ତ କରିବା ପାଇଁ ଲୋକମହଲରେ ଦାବି ହେଉଛି l