30-Mar-2021

ବୌଦ୍ଧ (ପ୍ରେରଣା ଖବର ବ୍ୟୁରୋ) ବୌଦ୍ଧ ଥାନା ପଦ୍ମନପୁର୍‌ ଗ୍ରାମ ପଞ୍ଚାୟତ ଅନ୍ତର୍ଗତ ମକୁନ୍ଦପୁର୍‌ ଗ୍ରାମରେ ରବିବାର ରାତି ଏକ ଅଭାବନୀୟ ଘଟଣା ଘଟିଯାଇଛି। କାହିଁକି ଆମ ପଡାକୁ ଆସିଛ ବୋଲି ପଚାରି ଦେବାରୁ ଜଣେ ଯୁବକଙ୍କୁ ଧାରୁଆବ୍ଲେଡରେ ଆକ୍ରମଣ ହୋଇଥିବା ଘଟଣା ସାଧାରଣରେ ଆଲୋଡନ ସୃଷ୍ଟିକରିଛି।ପ୍ରାପ୍ତ ସୂଚନା ମତେ କଣ୍ଟାମାଳ ବ୍ଲକ ଅନ୍ତର୍ଗତ ଥାଟିପାଲି ଗ୍ରାମର ବୁଲୁ ମହାନନ୍ଦିଆ, ଗମ୍ଭାରୀ ପଦର ଗ୍ରାମର ପ୍ରମୋଦ ମହାନନ୍ଦିଆ ଓ ଜାଲ କୁମ୍ଭାର ନାମକ ୩ଜଣ ଯୁବକ ରବିବାର ରାତି ପ୍ରାୟ ୨ଟା ସମୟରେ ବୌଦ୍ଧ ବ୍ଲକ୍‌ ପଦ୍ମନପୁର୍‌ ଗ୍ରାମ ପଞ୍ଚାୟତ ଅନ୍ତର୍ଗତ ମକୁନ୍ଦପୁର୍‌ ଗ୍ରାମର ହରିଜନପଡାରେ ରହୁଥିବା ରମେଶ ମହାନନ୍ଦିଆଙ୍କ ଘରକୁ ଆସିଥିଲେ । ଏତିକି ବେଳେ ଘରୁ ପଦାକୁ ଆସିଥିବା ସେହି ପଡାର ପଞ୍ଚାନନ କଲତା ନାମକ ଜଣେ ଯୁବକ ସେମାନଙ୍କୁ ଏତେ ରାତିରେ କାହିଁକି ଆମ୍ଭପଡାକୁ ଆସିଛ ଓ କାହା ଘରକୁ ଆସିଛ ବୋଲି ପଚାରିବାରୁ। ଏଥିରେ ଉତ୍ୟକ୍ତ ହୋଇ ବୁଲୁ ମହାନନ୍ଦିଆ ଏକ ବ୍ଲେଡରେ ପଞ୍ଚାନନ କଲତାଙ୍କୁ ଆକ୍ରମଣ କରିଥିଲା । ଆକ୍ରମଣରେ ପଞ୍ଚାନନଙ୍କ ଅନ୍ତବୁଜୁଳା ବାହାରି ପଡିଥିବା ଜଣାପଡିଛି । ପାଟିତୁଣ୍ଡ ଶୁଣି ପଡାବାସୀ ଆକ୍ରମଣକାରୀ ବୁଲୁକୁ କାବୁ କରିଥିବା ବେଳେ ସାଙ୍ଗରେ ଆସିଥିବା ଅନ୍ୟ ଦୁଇଜଣ କୌଶଳକ୍ରମେ ରାତିର ସୁଯୋଗ ନେଇ ଫେରାର ମାରିଥିଲେଖବରପାଇ ଜହ୍ନାପଙ୍କ ଫାଣ୍ଡି ପୋଲିସ ଘଟଣାସ୍ଥଳରେ ପହଁଚି ବୁଲୁ ଓ ରମେଶକୁ ଥାନାକୁ ଆଣି ଅଟକ ରଖିଥିବା ବେଳେ ଗୁରୁତର ଆହତ ବ୍ୟକ୍ତିଙ୍କୁ ବୌଦ୍ଧ ଡାକ୍ତରଖାନା ପଠାଇଥିଲା । ଅବସ୍ଥା ସଂକଟାପନ୍ନ ଥିବାରୁ ସେଠାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି । ପୋଲିସ୍‌ ଘଟଣାର ତଦନ୍ତ କରୁଥିବା ଫାଣ୍ଡି ଅଧିକାରୀ ମମତା ହେମ୍ବ୍ରମ ସୁଚନା ଦେଇଛନ୍ତି