06-Mar-2021

ବଲାଙ୍ଗୀର,(ସନ୍ତୋଷ କୁମାର ଠାକୁର): ବଲାଙ୍ଗୀରରେ ବିଜେଡିର ଯୁବନେତା ଅର୍କେଶଙ୍କ ଡ୍ରୀମପ୍ରୋଜେକ୍ଟ ଅତ୍ୟାଧୁନିକ ବସଟର୍ମିନାଲ ଶେଷ ହେବାକୁ ଯାଉଛି । ବସଟର୍ମିନାଲ କାମ ଦୃତବେଗରେ ଆଗେଇଚାଲିଛି । ଖୁବକମ ଦିନରେ ଏହା ଶେଷହୋଇ ଏଠାରେ ବଲାଙ୍ଗୀରର ସମସ୍ତ ବସରହିବ । ତେବେ ଏଠିକି ବସଷ୍ଟାଣ୍ଡ ସ୍ଥାନାନ୍ତର ନେଇ କେତେକ ସମସ୍ୟା ରହିଛି । ସେହି ସବୁ ସମସ୍ୟା ଦୂର କରିବାକୁ ଆଜି ଅର୍କେଶନାରାୟଣ ସିଂଦେଓଙ୍କ ନେତୃତ୍ୱରେ ରାଜ୍ୟ ପରିବହନମନ୍ତ୍ରୀ ପଦ୍ମନାଭ ବେହେରାଙ୍କୁ ଭୁବନେଶ୍ୱରରେ ବଲାଙ୍ଗୀର ଘରୋଇ ବସମାଲିକ ସଂଘର ଏକ ପ୍ରତିନିଧିଦଳ ଭେଟିଛନ୍ତି । ଏହି ଅବସରରେ ୯ଦଫା ସମ୍ମଲିତ ଏକ ଦାବିପତ୍ର ମନ୍ତ୍ରୀଙ୍କୁ ପ୍ରଦାନ କରିବା ସହିତ ସମାଧାନ କରିବାକୁ ଆଲୋଚନା କରିଛନ୍ତି । ମନ୍ତ୍ରୀଙ୍କ ପାଖରେ ସଂଘ ଦାବି କରିଛି ଯେ,ବଲାଙ୍ଗୀର ସହରର ଯେତେ ସ୍ଥାନରେ ବସରହୁଛି ସେ ସବୁକୁ ନୂତନ ବସଟର୍ମିନାଲରେ ରଖାଯିବା,ବସମାନଙ୍କ ପାଇଁ ଏକ ସ୍ଥିରିକୃତ ବସଷ୍ଟାଣ୍ଡ ଫି ଘରୋଇବସମାଲିକସଂଘ ସହିତ ଆଲୋଚନା କରାଯାଇ ସ୍ଥିର କରାଯିବା,ଟର୍ମିନାଲ ପରିସରରେ ଘରୋଇ ବସମାଲିକ ସଂଘର ଏକ ଉନ୍ନତ ସଂଘକାର୍ଯ୍ୟାଳୟ ଦେବା,ଯାତ୍ରୀ ଓ ସମସ୍ତଙ୍କ ସୁରକ୍ଷା ପାଇଁ ଏକ ପୋଲିସ ଆଉଟପୋଷ୍ଟ ସ୍ଥାପନ କରିବା,ବସମରାମତି,ସଫେଇ ବ୍ୟବସ୍ଥା ଓ ପ୍ରେସରର ସ୍ୱତନ୍ତ ବ୍ୟବସ୍ଥା କରାଇବା,ବର୍ତ୍ତମାନ ବସଷ୍ଟାଣ୍ଡରେ ଥିବା ଦୋକାନୀଙ୍କୁ ନୂତନ ଷ୍ଟାଣ୍ଡରେ ଥଇଥାନ କରାଯିବା,ବସମାଲିକମାନଙ୍କୁ ତାଙ୍କର କାର୍ଯ୍ୟାଳୟ ପାଇଁ ଷ୍ଟଲ ଯୋଗାଇ ଦେବା,ଷ୍ଟାଣ୍ଡର ପରିଚାଳନା ଦାୟୀତ୍ୱ ଘରୋଇ ବସମାଲିକସଂଘକୁ ଦିଆଯିବା ଦାବି ରହିଛି । ଏହି ସବୁ ସୁବିଧା ସୁଯୋଗ ସହିତ ବସଷ୍ଟାଣ୍ଡକୁ ସିଫ୍ଟକରାଗଲେ ଆଗାମୀଦିନରେ ପରିଚାଳନାଗତ ତୃଟି ଉପୁଜିବ ନାହିଁ ବୋଲି ସଂଘ ପକ୍ଷରୁ ଦାବି କରାଯାଇଛି । ମନ୍ତ୍ରୀ ପଦ୍ମନାଭ ବେହେରାଙ୍କ ସହିତ ଆଜିର ଆଲୋଚନା ସଫଳ ହୋଇଛି ଓ ତାଙ୍କ ନିର୍ଦ୍ଦେଶରେ ଆସନ୍ତାଦିନରେ ରାଜ୍ୟପରିବହନ ନୀଗମର ଅଧିକାରୀଙ୍କ ସହିତ ଦ୍ୱିତୀୟ ପର୍ଯ୍ୟାୟ ଆଲୋଚନା ହେବ ବୋଲି ଘରୋଇ ବସମାଲିକ ସଂଘର ସଭାପତି ହେମନ୍ତକୁମାର ପଣ୍ଡା କହିଛନ୍ତି । ଏହି ପ୍ରତିନିଧିଦଳରେ ସଂଘର ସଭାପତି ହେମନ୍ତକୁମାର ପଣ୍ଡା,ସଂପାଦକ ପ୍ରଦ୍ୟୁତ ମିଶ୍ର,ଭବାନୀ ପଟେଲ,ସଂଜୀବ ପଣ୍ଡା,ହିମାଂଶୁ ନାୟକ,ଡମ୍ବରୁଧର ଅଚାର୍ଯ୍ୟ,ଟିକେଶ୍ୱର ନନ୍ଦ,ଦେବଦତ୍ତ ବେହେରା  ପ୍ରମୁଖ ରହିଥିଲେ । ପ୍ରକାଶ୍ୟ ଯେ,ଗତ ୨୦୧୬ ମସିହାରେ ବିଜେଡିର ଯୁବନେତା ଅର୍କେଶନାରାୟଣ ସିଂଦେଓଙ୍କ ନେତୃତ୍ୱରେ ଏକ ଟିମ ତତକାଳୀନ ପରିବହନମନ୍ତ୍ରୀଙ୍କୁ ଭେଟି ବଲାଙ୍ଗୀରରେ ବସଟର୍ମିନାଲ ପାଇଁ ଦାବି କରାଯାଇଥିଲା । ଏହି ଦାବିକୁ ଗ୍ରହଣ କରି ବସଟର୍ମିନାଲ ଅନୁମୋଦନ ହୋଇଥିଲା । ସେତେବେଳର ରାଜ୍ୟସଭା ସାଂସଦ ଅନଙ୍ଗଉଦୟ ସିଂଦେଓ,ଲୋକସଭା ସାଂସଦ କଳିକେଶ ନାରାୟଣ ସିଂଦେଓ ଘରୋଇବସ ମାଲିକ ସଂଘ,ଜିଲ୍ଲାପାଳଙ୍କ ସହିତ ଆଲୋଚନା ପରେ ୨୦୧୭ ମସିହାରେ ଟର୍ମିନାଲକାମ ଆରମ୍ଭ ହୋଇଥିଲା ।