06-Mar-2021

ବରଗଡ଼(ପ୍ରେରଣା ଖବର): ଆଜି ‘ଅନୁସୂଚିତ ଜାତି ପ୍ରତିରୋଧ ଆଇନ୍‌’ ଉପରେ ବିକାଶ ଲ’ ସ୍କୁଲ୍ ଓ ଜିଲ୍ଲା ଆଇନ୍ ପ୍ରାଧୀକରଣ କେନ୍ଦ୍ର ର ମିଳିତ ଆନୁକୂଲ୍ୟରେ ଏକ ସଭା ଅନୁଷ୍ଠିତ ହୋଇଯାଇଛି । ଏ.ଡି.ଜେ. ତଥା ସ୍ପେଶିଆଲ୍ ଜଜ୍ (ପକ୍ସୋ) ଆଶୁତୋଷ ଦାସ ଙ୍କ ପୌରୋହିତ୍ୟରେ ଅନୁଷ୍ଠିତ ଏହି ସଭାରେ ବିକାଶ ଲ’ ସ୍କୁଲ୍ ର ଅଧ୍ୟକ୍ଷ ପ୍ରଫେସର୍ ଡ.ବିକ୍ରମ୍ କୁମାର ଦାସ ଓ ବିକାଶ ଗ୍ରୁପ୍ ର ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ମଂଚାସୀନ ଥିଲେ । ବିକାଶ ଲ’ ସ୍କୁଲ୍ ର କୋଅର୍ଡିନେଟର୍ ଶ୍ରୀ ଶିବାନନ୍ଦ ସାହୁ ଓ ଡି.ଏଲ୍‌.ଏସ୍‌.ଏ. ସମ୍ପାଦକ ଲିଲିମା ପଣ୍ଡା ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ପ୍ରାରମ୍ଭିକ ଭାଷଣରେ ବିକାଶ ଲ’ ସ୍କୁଲ୍ ର ଛାତ୍ରୀ ରାକ୍ଷୀ ପ୍ରଧାନ, ଛାତ୍ର ଚର୍ଚ୍ଚିତ ପ୍ରଧାନ ଓ କାର୍ଯ୍ୟକ୍ରମର ସଂଯୋଜକ ତଥା ଅଧ୍ୟାପକ ଶ୍ରୀ ଜୈମିନୀ କୁମାର ସାହୁ ନିଜର ମତ ମନ୍ତବ୍ୟ ରଖିଥିଲେ । ଏହାପରେ ଜେ.ଏମ୍‌.ଏଫ୍‌.ସି. ନାରୋଜ କୁମାର ସାହୁ, ସବ୍ ଜଜ୍ ବିଶେଷ କୁମାର ସାହୁ, ସି.ଜେ.ଏମ୍‌. ସ୍ରୋତସ୍ୱିନୀ କର, ଡି.ଏସ୍‌.ପି. ସୁଧାକର ସାହୁ ଏହି ଆଇନ୍ ଉପରେ ନିଜ ନିଜର ମତ ରଖିଥିଲେ । ଏ.ଡି.ଜେ. ତଥା ସ୍ପେଶିଆଲ୍ ଜଜ୍ (ପକ୍ସୋ) ଆଶୁତୋଷ ଦାସ ଅନୁସୂଚିତ ଜାତି ଓ ଜନଜାତି ର ଅଧିକାର ଆଇନ୍ ଉପରେ ଆଲୋକପାତ କରିବା ସହିତ ଛାତ୍ରଛାତ୍ରୀଙ୍କୁ ଏହି ଅଧିକାର କୁ ସମାଜର କୋଣ ଅନୁକୋଣରେ ପହଂଚାଇବା ପାଇଁ ଉପଦେଶ ଦେଇଥିଲେ । ବିକାଶ ଲ’ ସ୍କୁଲ୍ ଅଧ୍ୟକ୍ଷ ତାଙ୍କ ଭାଷଣରେ ଛାତ୍ରଛାତ୍ରୀ ମାନଙ୍କୁ ଏହି ଆଇନ୍ ର ମହତ୍ୱ ଓ ସମାଜରେ ଏକତା ଉପରେ ବ୍ୟାଖ୍ୟା କରିଥିଲେ । ବିକାଶ ଗ୍ରୁପ୍ ର ଚେୟାର୍‌ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା, ଏକ୍‌ଜିକ୍ୟୁଟିଭ୍ ଡାଇରେକ୍ଟର୍ ଶ୍ରୀ ଡି.ନାଗେଶ୍ୱର ରାଓ ଏହି ମିଳିତ କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଶେଷରେ ଲ’ ସ୍କୁଲ୍ ର ଅଧ୍ୟାପକ ଶ୍ରୀ ନୟନଜ୍ୟୋତି ଦାସ ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ । ଅଧ୍ୟାପକ ଶ୍ରୀ ଅଭିନନ୍ଦନ ଖୁଣ୍ଟିଆ ଓ ଅଧ୍ୟାପିକା ରୋଜି ମେହେର କାର୍ଯ୍ୟକ୍ରମରେ ସହଯୋଗ କରିଥିଲେ ଏବଂ ଏହି ସଭାରେ ବିକାଶ ଲ’ ସ୍କୁଲ୍‌, ବିକାଶ ଡିଗ୍ରୀ କଲେଜ, ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍ ର ଛାତ୍ରଛାତ୍ରୀ ବହୁସଂଖ୍ୟାରେ ଯୋଗଦେଇ କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିଥିଲେ ।