22-Oct-2026

ଟିଟିଲାଗଡ - ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଟିଟିଲାଗଡ ହାଟପଦା ପଡ଼ା ତରଫରୁ ସ୍ଥାନୀୟ ଡିଏଭି ମହାବିଦ୍ୟାଳୟ ଖେଳ ପଡ଼ିଆ ଠାରେ ୧୪ ତମ ରାବଣ ପୋଡି ମହୋତ୍ସବ ଶୁଭ୍ରାଂଶୁ ଦାଶଙ୍କ ପ୍ରତୀକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ ଟିଟିଲାଗଡ ବିଧାୟକ ଶ୍ରୀଯୁକ୍ତ ନବୀନ ଜୈନ, ସମ୍ମାନିତ ଅତିଥି ଭାବେ ଟିଟିଲାଗଡ ପୌର ପରିଷଦର ଅଧ୍ୟକ୍ଷା ଶ୍ରୀମତୀ ମମତା ଦେବୀ ଜୈନ, ଟିଟିଲାଗଡ ସହରର ପ୍ରତିଷ୍ଠିତ ସମାଜସେବୀ  ଶ୍ରୀଯୁକ୍ତ ଲାୟନ ଦୀପକ କୁମାର ସାହୁ , ଓମ ଭ୍ୟାଲି ସ୍କୁଲର ପ୍ରତିଷ୍ଠାତା ସଦସ୍ୟ ଶ୍ରୀମତୀ ସଙ୍ଗୀତା ସାହୁ ଯୋଗ ଦେଇଥିବା ବେଳେ ଅନ୍ୟ ମାନଙ୍କ ମଧ୍ୟରେ ସହରର ବିଶିଷ୍ଟ ଉଦ୍ୟୋଗୀ ଶ୍ରୀଯୁକ୍ତ ପ୍ରକାଶ ଗୋଏଲ, ସମାଜସେବୀ ହିଫଜୁଲ ରେହେମାନ, ବିଧାୟକଙ୍କ ଶିକ୍ଷା ବିଭାଗର ପ୍ରତିନିଧି ଶ୍ରୀଯୁକ୍ତ ସୁବୋଧ ଦାସ, ପୂର୍ବତନ କାଉନସିଲର ଶ୍ରୀଯୁକ୍ତ ପ୍ରକାଶ ସରାଫ, ରାବଣ ଦହନ କମିଟିର ସଭାପତି ଶ୍ରୀ ଶ୍ରୀପତି ସାହୁ, ସମ୍ପାଦକ ଶ୍ରୀ ସୁଧୀର ଘଡ଼େଇ, ସଂଯୋଜକ ଲାୟନ ଲିଙ୍ଗରାଜ ସାହୁ, କମିଟିର ଖ୍ୱାଜ ମହମ୍ମଦ, ରିଙ୍କୁ ଦାସ, ଦେବେନ ବେହେରା, ହାଟପଦା ପଡ଼ା ଦୁର୍ଗା ପୂଜା କମିଟିର ସଭାପତି ସୁମନ୍ତ ବେହେରା, ସମ୍ପାଦକ ହର ପ୍ରତାପ ଦାସ, ପଡ଼ାର ବରିଷ୍ଠ ସଦସ୍ୟ ଶ୍ରୀଯୁକ୍ତ ଶେଖର ସିନହା ଉପସ୍ଥିତ ଥିବା ବେଳେ ମଞ୍ଚ ପରିଚାଳନା କରିଥିଲେ ସଞ୍ଜୀବ ତ୍ରିପାଠୀ। ମଞ୍ଚ ତଳେ ଅନ୍ୟତମ ଅତିଥି ଭାବରେ ଟିଟିଲାଗଡ ତହସିଲଦାର ଶ୍ରୀଯୁକ୍ତ ଶଙ୍କର ବାଗ, ଏସଡିପିଓ ଶ୍ରୀଯୁକ୍ତ ଯଶୋବନ୍ତ ନାରାୟଣ ପ୍ରଧାନୀ, ଥାନାଧିକାରୀ ଶ୍ରୀ ମନୋଜ କୁମାର ମୁଣ୍ଡା ଉପସ୍ଥିତ ଥିଲେ।

    ଅତିଥିଙ୍କୁ ପ୍ରଥମେ ଫୁଲତୋଡ଼ା ଦେଇ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିବା ପରେ କାର୍ଯ୍ୟକ୍ରମ ଆଗକୁ ନେଇ ଯାଇଥିଲେ ଶ୍ରୀଯୁକ୍ତ ଲିଙ୍ଗରାଜ ସାହୁ। ଅତିଥିଙ୍କ ଦ୍ୱାରା ରାବଣ ପୋଡି ମହୋତ୍ସବ ଉପରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ। ତେବେ ମଙ୍ଗଳବାର ସନ୍ଧ୍ୟାରେ ଟିଟିଲାଗଡ ବିଧାୟକ ଶ୍ରୀଯୁକ୍ତ ନବୀନ ଜୈନଙ୍କୁ କଟାକ୍ଷ କରି ପ୍ରଶ୍ନ ତଥା ବିଭିନ୍ନ ବିଷୟରେ ପ୍ରଶ୍ନ ପଚାରିଥିବା ବେଳେ ବୁଧୁବାର ସନ୍ଧ୍ୟାରେ ଟିଟିଲାଗଡ ବିଧାୟକ ଶ୍ରୀଯୁକ୍ତ ନବୀନ ଜୈନ ପୂର୍ବତନ ମନ୍ତ୍ରୀ ଶ୍ରୀମତୀ ଟୁକୁନି ସାହୁଙ୍କୁ ଜବାବ ଦେବା ସହ ତାଙ୍କର ତଥା ତାଙ୍କ ସ୍ୱାମୀ କେଉଁଠୁ ଟଙ୍କା ଆଣିଲେ ? ଜୁଲି ବସର ଟିକେଟ କାଟୁଥିବା ବ୍ୟକ୍ତି ଆଜି ତାଙ୍କର ସ୍ତ୍ରୀ ତଥା ପୂର୍ବତନ ମନ୍ତ୍ରୀଙ୍କ ପାଖରେ ଟଙ୍କା କେଉଁଠୁ ଆସିଲା ବୋଲି ପ୍ରଶ୍ନ କରିବା ସହ ଏବେ କିଛି ଦିନ ତଳେ ଏକ୍ସିସ ବ୍ୟାଙ୍କରୁ ତିନି କୋଟି ଟଙ୍କା ତାଙ୍କ ଆକାଉଣ୍ଟକୁ କିପରି ଗଲା ? ତାହାର ତର୍ଜମା କରନ୍ତୁ, ସତିଘାଟ ଠାରେ କରିଥିବା ଫାର୍ମ ହାଉସ କିପରି ନିର୍ମାଣ ହେଲା ? ଏସସି ଲୋକର ଜମିରେ କିପରି ଏତେ ବଡ ଫାର୍ମ ହାଉସ ହେଲା? ତାହାର ଜୱାବ ଦିଅନ୍ତୁ ?  ଏହାପରେ କମିଟି ପାଇଁ କାର୍ଯ୍ୟ କରିଥିବା ବ୍ୟକ୍ତି ଓ ମିଡିଆ ସଦସ୍ୟଙ୍କୁ ସମ୍ବର୍ଦ୍ଧିତ କରାଯାଇଥିଲା।ସଭା କାର୍ଯ୍ୟ ଆରମ୍ଭ ହେବା ପୂର୍ବରୁ ଦର୍ଶକଙ୍କ ମନୋରଞ୍ଜନ ପାଇଁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।