21-Jun-2026

ବରଗଡ଼: ଆଜି ସ୍ଥାନୀୟ ବିଜୁ ପଟ୍ଟନାୟକ ଟାଉନ ହଲ ଠାରେ ବରଗଡ଼ ଜିଲ୍ଲା ଅଟୋ ରିକ୍ସା ମାଲିକ ସଂଘ ପକ୍ଷରୁ ସଭାପତି ସର୍ଦାର ପ୍ରିତମ ସିଂହ ଙ୍କ ସଭାପତିତ୍ବରେ ୨୭ ତମ ବାର୍ଷିକ ଉତ୍ସବ ପାଳିତ ହୋଇ ଯାଇଅଛି । ଏଥିରେ ମୁଖ୍ୟ ଅତିଥି ଭାବେ ବରଗଡ଼ ବିଧାୟକ ଶ୍ରୀ ଅଶ୍ବିନୀ ଷଡ଼ଙ୍ଗୀ ଯୋଗ ଦେଇସମସ୍ତ ଅଟୋ ରିକ୍ସା ମାଲିକ ଓ ଅଟୋ ଚାଲକ ମାନଙ୍କ ସମସ୍ୟା ର ସମାଧାନ କରିବାକୁ ପ୍ରତିଶ୍ରୁତି ଦେଇଥିଲେ । iଅନ୍ୟାନ୍ୟ ମଞ୍ଚାସିନ ସମ୍ମାନିତ ଅତିଥି ମାନଙ୍କ ମଧ୍ୟରେ ବରଗଡ ପୌରପାଳିକା ନିର୍ବାହୀ ଅଧିକାରୀ ଦେବାନନ୍ଦ ସାହୁ, ବରଗଡ଼ ପରିବହନ ଅଧିକାରୀ ଶ୍ରୀ  ସାବୁଆ ମାଝୀ, ବରଗଡ଼ ଆଇ. ଆଇ. ସି .ଚିତ୍ତରଞ୍ଜନ ମେହେର ଯୋଗ ଦେଇ ଅଟୋ ମାଲିକ

ମାନଙ୍କ ସେବା ମନୋଭାବ କୁ ଭୂୟସୀ ପ୍ରଶଂସା କରିଥିଲେ । ଅନ୍ୟ ମାନଙ୍କ ମଧ୍ୟରେ ସ୍ବତନ୍ତ୍ର ଅତିଥି ସେଖ ନଜିମୁଦ୍ଧିନ, ସଂପାଦକ ସୁଦର୍ଶନ ମହାନ୍ତି ଯୋଗ ଦେଇ ନିଜ ନିଜ ବକ୍ତବ୍ୟ ଉପସ୍ଥାପିତ କରିଥିଲେ । ଉପଦେଷ୍ଟା ତଥା ସାମ୍ବାଦିକ ଆଶୁତୋଷ ରଥ ମଞ୍ଚ ପରିଚାଳନା କରିଥିଲେ । ଏହି ପରିପ୍ରେକ୍ଷୀରେ  ଉଲ୍ଲେଖନୀୟ ଅବଦାନ ପାଇଁ କେତେକ ସାମ୍ବାଦିକ ବନ୍ଧୁ ମାନଙ୍କୁ ସ୍ମୃତି ଚିହ୍ନ, ଉପଢୌକନ ଓ ପୁଷ୍ପ ଗୁଛ ଦେଇ ସମ୍ମାନିତ କରିଥିଲେ। ସକାଳ ୮ଘଣ୍ଟା ସମୟରେ ତିନି ଶହ ଅଟୋ ଚାଳକ ମାନଙ୍କ ଏକ ଅଟୋ ରେଲି ଲୋକମଣ୍ଡପ ପଡ଼ିଆରୁ ବାହାରି ନଗର ପରିକ୍ରମା ପରେ ବିଜୁ ପଟ୍ଟନାୟକ ଟାଉନ ହଲରେ ପହଁଞ୍ଚିଥିଲା। ଉକ୍ତ ସମସ୍ତ କାର୍ଯ୍ୟକ୍ରମ କୁ ସଫଳ କରିବାରେ ଶ୍ରୀ ଜୟ ତାଣ୍ଡି,ଯୁଗନୁ ସିଂହ, ରାଜେଶ ମୁରଜନୀ, ପ୍ରଶାନ୍ତ କୁମ୍ଭାର,ହରିଷ କୁମ୍ଭାର, ଇନ୍ଦ୍ର ସାହୁ,ତରଣୀ ସୁରଜାଲ,ବନମାଳୀ ପାତ୍ର, ସୁଶାନ୍ତ ଦାସ, ନିରଞ୍ଜନ କୁମ୍ଭକାର,ବୁଲୁ ଦଳେଇ,କିଶୋର ସୁନା,ବୃନ୍ଦାବନ ବେହେରା,ରମେଶ ଦାଶ୍,ସଂଜୀବ ପାଢ଼ୀ, ସୁରେନ୍ଦ୍ର ଦାଶ୍,ମନୋଜ ଜୁଆଡ଼ି,ଦାମ ସାହୁ ସହ  ଅନ୍ୟାନ୍ୟ ପ୍ରମୂଖ ସଦସ୍ୟ ସହଯୋଗ କରିଥିଲେ।
ଶେଷରେ ସାରଥୀ ମେହେର ଧନ୍ୟବାଦ ଅର୍ପଣ କରିଥିଲେ ।
         ----------×××----------