17-Jun-2026

(ପ୍ରିୟଦର୍ଶିନୀ ପାତ୍ର,)
ପାପଡାହାଣ୍ଡି ବ୍ଲକ ଅନ୍ତର୍ଗତ ସେମଳା ସାଧନ କେନ୍ଦ୍ରରେ ବିଦ୍ୟାଳୟ ସ୍ତରୀୟ ସୁରକ୍ଷା ଓ ନିରାପତ୍ତାକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ସିଆରସିସି ଶ୍ରୀ ବାବୁଲାଲ ସାଗର, ବିଆରସିସି ଶ୍ରୀ ପୂର୍ଣ୍ଣଚନ୍ଦ୍ର ପୂଜାରୀ ଏବଂ ବିଇଓ ଶ୍ରୀ ସୁଦୀପ୍ତ ଦାଶଙ୍କ ମିଳିତ ପରିଦର୍ଶନ ଅନୁଷ୍ଠିତ ହୋଇଥିଲା।
ଏହି ଅବସରରେ ଚନ୍ଦ୍ରପୁର ଆଶ୍ରମ ବିଦ୍ୟାଳୟ ଓ ଭଗତ ଗୁଡା , ପଣ୍ଡିତଗୁଡ଼ା ପ୍ରାଥମିକ ବିଦ୍ୟାଳୟ ପରିଦର୍ଶନ କରାଯାଇ ବିଦ୍ୟାଳୟ ପରିବେଶ, ଶ୍ରେଣୀଗୃହର ସ୍ୱଚ୍ଛତା, ଶୌଚାଳୟର ବ୍ୟବସ୍ଥା, ନୂତନ ଶିକ୍ଷାବର୍ଷ ପାଇଁ ପାଠ୍ୟପୁସ୍ତକ ବଣ୍ଟନ, ସମୟ ସାରଣୀର ପ୍ରଦର୍ଶନ, ବିଦ୍ୟାଳୟ ସୁରକ୍ଷା ନିୟମାବଳୀର କାର୍ଯ୍ୟକାରିତା ଏବଂ ଶିଶୁ ସୁରକ୍ଷା ସମ୍ବନ୍ଧୀୟ ବିଭିନ୍ନ ବ୍ୟବସ୍ଥାର ସମୀକ୍ଷା କରାଯାଇଥିଲା।
ସିଆରସିସି ଶ୍ରୀ ବାବୁଲାଲ ସାଗରଙ୍କ ଦ୍ୱାରା ବିଦ୍ୟାଳୟ ସୁରକ୍ଷା, ମୌଳିକ ସୁବିଧା, ପରିଚାଳନା ଓ ଶିକ୍ଷାଗତ କାର୍ଯ୍ୟକଳାପ ସମ୍ବନ୍ଧୀୟ ଦୁଇ ପୃଷ୍ଠା ବିଶିଷ୍ଟ ସମନ୍ୱିତ ତଥ୍ୟ ସଂଗ୍ରହ ପତ୍ର ପ୍ରସ୍ତୁତ କରାଯାଇଥିଲା। ଉକ୍ତ ପତ୍ରକୁ ସମସ୍ତ ବିଦ୍ୟାଳୟ ପ୍ରଧାନଶିକ୍ଷକମାନଙ୍କ ଦ୍ୱାରା ପୂରଣ କରି ୧୮ ଜୁନ ୨୦୨୬ ସୁଦ୍ଧା ଦାଖଲ କରିବାକୁ ନିର୍ଦ୍ଦେଶ ପ୍ରଦାନ କରାଯାଇଥିଲା।
ପରିଦର୍ଶନ ସମୟରେ ସିଆରସିସିଙ୍କ ବିକାଶମୂଖୀ କାର୍ଯ୍ୟଧାରା, ନିୟମିତ ବିଦ୍ୟାଳୟ ଅନୁଧ୍ୟାନ ଓ ଶିକ୍ଷାର ଗୁଣାତ୍ମକ ଉନ୍ନତି ପ୍ରତି ତାଙ୍କର ଦାୟିତ୍ୱବୋଧକୁ ବିଇଓ ଶ୍ରୀ ସୁଦୀପ୍ତ ଦାଶ ଏବଂ ବିଆରସିସି ଶ୍ରୀ ପୂର୍ଣ୍ଣଚନ୍ଦ୍ର ପୂଜାରୀ ପ୍ରଶଂସା କରିଥିଲେ। ବିଇଓ ଓ ଵିଆରସିସି ସାର  ବିଦ୍ୟାଳୟଗୁଡ଼ିକରେ ଛାତ୍ରଛାତ୍ରୀଙ୍କ ସୁରକ୍ଷା, ସ୍ୱଚ୍ଛ ପରିବେଶ ଓ ଗୁଣାତ୍ମକ ଶିକ୍ଷା ନିଶ୍ଚିତ କରିବା ପାଇଁ ସମସ୍ତଙ୍କ ସମନ୍ୱିତ ପ୍ରୟାସ ରେ ସଫଳତାର  ରୂପରେଖ ପ୍ରଦାନ ପାଇଁ  ଗୁରୁତ୍ୱ ଦେଇଥିଲେ।