17-Jun-2026

କଟକ(ତପନ ମହାନ୍ତି) ଦୀର୍ଘ ଦିନ ହେଲାଣି ୱାଟକୋ ପାଇପ୍ ଫାଟି କଟକ-ପାରାଦୀପ ରାସ୍ତାର ଚାଉଳିଆଗଞ୍ଜସ୍ଥିତ ଏକ ନର୍ସିହୋମ୍ ସମ୍ମୁଖରେ ପାଣି ଭାସୁଛି। ଅର୍ଥତ ୱାଟକୋ ଇଂଜିନିୟର ଜାଣିପାରୁନାହାନ୍ତି । କର୍ମଚାରୀଙ୍କୁ ପଚାରିଲେ କୁହନ୍ତି ଯିଏ ପାଣି ପାଇପ୍ ବିଛାଇଛି ସିଏ କହିପାରିବ ।କଂକ୍ରିଟ ରାସ୍ତା ତଳେ ଯାଇଥିବାରୁ। ଆମେ ଜାଣି ପାରୁନୁ ଆମେ ନୂଆ ଆସିଛୁ ବୋଲି ୱାଟକୋ ଇଂଜିନିୟର କହୁଥିବା ଅଭିଯୋଗ କାରୀଙ୍କ ଠାରୁ ଶୁଣିବାକୁ ମିଳେ । ଏବେ ଏ ପାଣି ପାଇପ୍ ଲାଇନ କିଏ ମରାମତି କରିବ ବୋଲି  ପ୍ରଶ୍ନ ହେଉଛି । ସମାଜସେବୀ କାଳୀ ସାହାଣୀ, ଲକ୍ଷ୍ମୀଧର ସାହୁ, , ମହେଶ ପାତ୍ର ପ୍ରମୁଖ ମହାନଦୀ ବିହାର ୱାଟକୋ ଅଫିସରେ ଏ ନେଇ ଅଭିଯୋଗ କରିଛନ୍ତି। ୧୦ ଦିନ ବିତି ଯାଇଥିଲେ ମଧ୍ୟ ଏ ପର୍ଯ୍ୟନ୍ତ ବିଭାଗ ପକ୍ଷରୁ ପ୍ରତିକାର କରାଯାଇନି। ମହାନଦୀ ବିହାର ୱାଟକୋ ଅଫିସ ସହକାରୀ ଯନ୍ତ୍ରୀ ପ୍ରଜ୍ଞା ପରମିତା ମଲ୍ଲ କହିଛନ୍ତି ଅଭିଯୋଗ ଆସିଛି। କର୍ମଚାରୀଙ୍କୁ ନେଇ ଘଟଣାସ୍ଥଳ ଅନୁଧ୍ୟାନ କରିଛି। କଣ କରାଯାଇପାରିବ ଚିନ୍ତା କରୁଛୁ । କଂକ୍ରିଟ ତଳେ ଯାଇଥିବା ପାଇପ୍ ୨୦/୩୦ ବର୍ଷର ହେବ କେଉଁ ଜାଗାରେ ପାଇପ୍ ଫାଟିଛି ଜଣା ପଡୁନାହିଁ । ଖୁବଶୀଘ୍ର ଯାହା କିଛି କରିବୁ । ଧର୍ଯ୍ୟ ଧରନ୍ତୁ ।