08-Feb-2021

ବଲାଙ୍ଗୀର(ପ୍ରେରଣା ଖବର) ସ୍ଥାୟୀ ନିଯୁକ୍ତି ଦାବିରେ ଉତ୍କଳ ଗ୍ରାମ୍ୟ ବ୍ୟାଙ୍କର ଅସ୍ଥାୟୀ କର୍ମଚାରୀମାନଙ୍କ ବିକ୍ଷୋଭ। ଏ ନେଇ ୧୭ ଜିଲ୍ଲାର କର୍ମଚାରୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି। ୨ ଦିନ ଗଣଧାରଣା ପରେ ଯଦି ସମାଧାନ ବାଟ ନ ଖୋଲେ, ତେବେ ଆମରଣ ଅନଶନ କରିବେ ବୋଲି କର୍ମଚାରୀ ଚେତାବନୀ ଦେଇଛନ୍ତି। ବ୍ୟାଙ୍କରେ କାଗଜପତ୍ର ନେବ ଆଣିବାଠାରୁ ଆରମ୍ଭ କରି ଝାଡୁ ମରା ମର୍ଯ୍ୟନ୍ତ ସବୁ କାମରେ ସହଯୋଗ କରି ଆସୁଛନ୍ତି ଉତ୍କଳ ଗ୍ରାମ୍ୟ ବ୍ୟାଙ୍କର ମେସେଞ୍ଜର କର୍ମଚାରୀ। ହେଲେ ଆଜି ଯାଏଁ ସ୍ଥାୟୀ ନିଯୁକ୍ତି ମିଳି ନାହିଁ କି ଦରମା ମଧ୍ୟ ବଢ଼ି ନାହିଁ।ଏ ନେଇ ବିଭିନ୍ନ ସମୟରେ ଉପରିସ୍ଥ ଅଧିକାରୀଙ୍କ ଠାରୁ ୟୁନିୟନକୁ ଲିଖିତ ଅଭିଯୋଗ ମଧ୍ୟ ହୋଇଛି। ହେଲେ ତାହା ମଧ୍ୟ ଫଳପ୍ରଦ ହେଲା ନାହିଁ l ଏ ନେଇ ୧୭ ଟି ଜିଲ୍ଲାର ପାଖାପାଖି ଏକ ଶହରୁ ଅଧିକ କର୍ମଚାରୀ ବିକ୍ଷୋଭ  ପ୍ରଦର୍ଶନ କରିବା ସହ ବଲାଙ୍ଗୀର ଉତ୍କଳ ଗ୍ରାମ୍ୟ ବ୍ୟା ସାମ୍ନାରେ ଧାରଣା ଦେଇଛନ୍ତି।