07-Feb-2021

ବଲାଙ୍ଗୀର(ପ୍ରେରଣା ଖବର)-କରୋନା ମହାମାରୀ ସମୟରେ ସହରର ପରିମଳ ବ୍ୟବସ୍ଥାକୁ ସୁଧାରିବା ଦିଗରେ ସଫେଇ କର୍ମଚାରୀ ମାନଙ୍କ ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା । ଏହାକୁ ଉପଲବ୍ଧି କରି  ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ତହସିଲ କାର୍ଯ୍ୟଳୟ ପରିସରରେ ବଲାଙ୍ଗୀର ମୁନିସିପାଲିଟିରେ କାର୍ଯ୍ୟରତ ୨ଠଠଜଣ ସଫେଇ କର୍ମଚାରୀଙ୍କୁ ଜଣେ ଜଣେ କୋଭିଡ ଯୋଦ୍ଧା ଭାବରେ ଫୁଲତୋଡା ଦେଇ ସମ୍ବଦ୍ଧିତ କରାଯାଇଥିଲା । ଏହି ଅବସରରେ ସ୍ଥାନୀୟ ରେଭିନ୍ୟୁ କୋର୍ଟ ପରିସରରେ ଏକ ସମ୍ବର୍ଦ୍ଧନ ସଭାର ଆୟୋନ ହୋଇଥିଲା । ଓକିଲ ସଂଘର ସଂପାଦକ ବାସୁଦେବ ରଥଙ୍କ ପୌରହିତ୍ୟରେ ତଥା ସଂଘର ସଭାପତି ପ୍ରବୀଣ କୁମାର ସଂଯୋଜନାରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବରେ ବଲାଙ୍ଗୀର ତହସିଲଦାର ମନୋଜ ମହାନନ୍ଦ ଓ  ଅତିରିକ୍ତ ତହସିଲଦାର ମଘମନ ବାଗ ଯୋଗ ଦେଇ ସଫେଇ କର୍ମଚାରୀ ମାନଙ୍କୁ ଉତ୍ସାହିତ କରିଥିଲେ । ଏଥିସହ ଜିଲ୍ଲା ଓକିଲ ସଂଘରେ କାର୍ଯ୍ୟରତ କିରାଣୀ ଗଙ୍ଗାଧର ନନ୍ଦଙ୍କୁ ମଧ୍ୟ ସମ୍ବଦ୍ଧିତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଏଡ୍‌ଭୋକେଟ ନିତ୍ୟାନନ୍ଦ ବରେଇ,  ଶୁଭ୍ରାଂଶୁ ଶେଖର ପଣ୍ଡା ଓ ଓମ୍‌କାର ନାୟକ ପ୍ରମୁଖ ନିଜର ମତାମତ ଉପସ୍ଥାପନ କରିଥିଲେ । କାର୍ଯ୍ୟକ୍ରମକୁ ସଫଳ କରିବାରେ ସଂଜୀବ ହୋତା, ବିଜୟ ରଥ, ରଶ୍ମୀରଂଜନ ପଣ୍ଡା, ଜିତେନ୍ଦ୍ର ଷଡଙ୍ଗୀ, ବଲାଜୀ ପଣ୍ଡା ପ୍ରମୁଖ ସହଯୋଗ କରିଥିଲେ ।