29-Apr-2026

କଣ୍ଟାମାଳ (ପ୍ରେରଣା ଖବର )
 ସଂକୀର୍ତ୍ତନ୍ୟମହୋତ୍ସବ ଓ ୨୧ ତମ ରାଜ୍ୟ ସ୍ତରୀୟ ଲୋକ କଳା ଉତ୍ସବ ନିମନ୍ତେ ଏକ ପ୍ରସ୍ତୁତି ବୈଠକ ପ୍ରଗତି ସଭାଗୃହ ଠାରେ କମିଟିର ଆବାହକ ଦିବ୍ୟଶଙ୍କର ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି l ଆସନ୍ତା ମଇ ମାସ ୨୦ ତାରିଖରୁ ୨୪ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି ମହୋତ୍ସବରେ ୨୦, ୨୧ ଓ ୨୨ତାରିଖରେ ସଂକୀର୍ତ୍ତନ୍ୟ ଓ ୨୩ ଏବଂ ୨୪ ତାରିଖରେ ରାଜ୍ୟ ସ୍ତରୀୟ ଲୋକ କଳା ମହୋତ୍ସବର ଆୟୋଜନ କରିବାକୁ ନିଷ୍ପତ୍ତି ଗ୍ରହଣ କରାଯାଇଥିଲା l  ୨୦ ତାରିଖରେ  ଆକର୍ଷଣୀୟ     ସାଂସ୍କୃତିକ ଶୋଭାଯାତ୍ରାର ଆୟୋଜନ କରିବା ସହ ପଶ୍ଚିମ ଓଡ଼ିଶାର ନାଁ କରା ସଂକୀର୍ତ୍ତନ୍ୟ ଗାୟିକା ଅଞ୍ଜନା ଦେହୁରୀ, ଚୁମକି ବେହେରା , ରୋଜି ବରିହା, ଶ୍ରୀୟା ମେହେର ଓ ଗାୟକ ପ୍ରଭାତ ସାହୁ, ବୁଲୁ ଶତପଥୀ, ବାୟକ ବିଶ୍ଵାମିତ୍ର ପାଣ୍ଡେ, ଓଁକାର ବିଶ୍ୱାଳ, ନରେନ୍ଦ୍ର ଧରୁଆ ଓ ସୁନୀଲ ସେଠଙ୍କୁ ଆମନ୍ତ୍ରଣ କରିବାକୁ ନିଷ୍ପତ୍ତି କରା ଯାଇଥିଲା l ସେହିପରି ଶେଷ ଦୁଇଦିନର ଲୋକ କଳା ଉତ୍ସବରେ ରାଜ୍ୟର ବିଭିନ୍ନ ଜିଲ୍ଲାର ଲୋକ ନୃତ୍ୟ ଦଳଙ୍କୁ ଡାକିବା ସହ ସ୍ଥାନୀୟ କଳାକାରଙ୍କୁ ସାମିଲ କରିବାକୁ ନିଷ୍ପତ୍ତି ନିଆ ଯାଇଥିଲା l  ଏହି ପ୍ରସ୍ତୁତି ବୈଠକରେ ଏବଂ ଆମେ ସଭାପତି ପୂର୍ଣ୍ଣଚନ୍ଦ୍ର ଖଟୁଆ, ସତ୍ୟନାରାୟଣ ରଣା, ଦୀନବନ୍ଧୁ ସୁନା, ରାଜକିଶୋର ବାଘ, ମନୋଜ ରାଜହଂସ, ରଞ୍ଜନ କୁମାର ପାତ୍ର, ନବୀନ କୁମାର ନାଏକ, ଅରୁଣ କୁମାର ଖଟୁଆ, ଶରତ କୁମାର ସାହୁ, ସୁଦାମ ମିଶ୍ର, ମଦନ ବେହେରା, ପ୍ରେମରଞ୍ଜନ ନାଏକ, ସାମ୍ବାଦିକ ବିଶ୍ଵାମିତ୍ର ପାଢୀ, ଅକ୍ରୁର ସାହୁ, କୃଷ୍ଣ ପୁଟେଲ ପ୍ରମୁଖ ଯୋଗ ଦେଇ ବୈଠକରେ ମତ ବ୍ୟକ୍ତ କରିଥିଲେ l ରଞ୍ଜନ କୁମାର ପାତ୍ର ପ୍ରାରମ୍ଭିକ ଅଭିଭାଷଣ ରଖି ଥିବା ବେଳେ ପୂର୍ଣ୍ଣ ଚନ୍ଦ୍ର ଖଟୁଆ ଧନ୍ୟବାଦ ପ୍ରଦାନ କରିଥିଲେ l