25-Apr-2026

ବଲାଙ୍ଗୀର,  (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଗ୍ରାମୀଣ ଗୃହ ନିର୍ମାଣ ଯୋଜନା ରେ ସଫଳ କାର୍ଯ୍ୟକାରିତା ପାଇଁ ଓଡ଼ିଶାରେ ଦ୍ଵିତୀୟ ପୁରସ୍କାର ହାସଲ କରିଛି l ଜାତୀୟ ପଞ୍ଚାୟତିରାଜ ଦିବସ ପାଳନ ଅବସର ରେ ବଲାଙ୍ଗୀର ଗାନ୍ଧୀ ଷ୍ଟାଡିୟମ୍ ରେ ଏହି ପୁରସ୍କାର ପ୍ରଦାନ କରାଯାଇଥିଲା l ଉକ୍ତ ଯୋଜନାରେ 2025-26 ଆର୍ଥିକ ବର୍ଷରେ ମଞ୍ଜୁର ହେଇଥିବା 1946ଟି ପି ଏମ ଏ ୱାୟୀ ଘର ମଧ୍ୟରୁ 1123 ଟି ସମ୍ପୂର୍ଣ ହୋଇଥିବା ବ୍ଲକ ପ୍ରଶାସନ ପକ୍ଷରୁ ପ୍ରକାଶ l ଏଣୁ ପଞ୍ଚାୟତିରାଜ ଦିବସ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଆଗଲପୁର ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ ଓ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଙ୍କୁ ସ୍ମାରକୀ ଓ ୭ ଲକ୍ଷ ଟଙ୍କାର ଚେକ୍ ପ୍ରଦାନ କରିଥିଲେ l ଏହି ଯୋଜନାରେ ହିନ୍ଦୋଳ ବ୍ଲକ ପ୍ରଥମ ଓ ଗୁମ୍ମା ବ୍ଲକ ତୃତୀୟ ପୁରସ୍କାର ହାସଲ କରିଛି l ବି ଡି ଓ ମହାପାତ୍ର କୁଲଦୀପ ମହାନ୍ତି ଆଗଲପୁର ଙ୍କ ନେତୃତ୍ୱ ଓ ସମସ୍ତ ବ୍ଲକ୍ ଟିମ୍ ର ନିଷ୍ଠାପର ଉଦ୍ୟମ କୁ ବ୍ୟାପକ ଭାବେ ପ୍ରଶଂସା କରା ଯାଇଛି l ଗତ କିଛିଦିନ ହେଉଛି ଜାନୁୟାରୀ 2026 ରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ଙ୍କ ଦ୍ୱାରା ବ୍ଲକ ପ୍ରଶାସନ ବିରୁଦ୍ଧରେ କରା ଯାଇଥିବା ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଘଟଣା ଯୋଗୁଁ କାର୍ଯ୍ୟ ଦକ୍ଷତା ପ୍ରଭାବିତ ହୋଇଥିଲା l ନଚେତ୍ ଆଗଲପୁର ବ୍ଲକ ଓଡ଼ିଶାରେ ପ୍ରଥମ ପୁରସ୍କାର ପାଇଥାନ୍ତା ବୋଲି ବୁଦ୍ଧିଜୀବୀ ତଥା ଜନସାଧାରଣ ରେ ଚର୍ଚ୍ଚା ହେଉଛି l