06-Apr-2026

(ପ୍ରିୟଦର୍ଶିନୀ ପାତ୍ର)
ପାପଡାହାଣ୍ଡି ବ୍ଲକ ଅନ୍ତର୍ଗତ ସେମଳା ସାଧନ କେନ୍ଦ୍ର ବୁଟିଆଗୁଡା ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷକମାନଙ୍କ  ନିଆରା ପରମ୍ପରା  ୫ମ ଶ୍ରେଣୀର ଛାତ୍ରଛାତ୍ରୀମାନଙ୍କୁ ଏକ ନିଆରା ବିଦାୟ ସମ୍ବର୍ଦ୍ଧନା ସଭା ଗର୍ଭରାଇ ମନ୍ଦିର ପ୍ରାଙ୍ଗଣରେ ଆୟୋଜିତ ହୋଇଥିଲା। ଶିକ୍ଷା ମନ୍ଦିରରୁ ବିଦାୟ ନେଉଥିବା ପିଲାମାନଙ୍କ ଭବିଷ୍ୟତ ଜୀବନ ଉଜ୍ଜ୍ୱଳ ଓ ଶିକ୍ଷା ଜୀବନରେ ଉତ୍ତରୋତ୍ତର ଉନ୍ନତି ହେଉ ବୋଲି ଶିକ୍ଷକମାନେ ତାଙ୍କୁ ଆଶୀର୍ବାଦ ଜଣାଇଥିଲେ।
ଶିକ୍ଷକମାନେ ପିଲାମାନଙ୍କୁ ଭଗବାନଙ୍କ ଦିବ୍ୟ ସନ୍ତାନ ଭାବେ ଦେଖି ତାଙ୍କର ମାନସିକ ଓ ନୈତିକ ଗଢ଼ାଣି ପାଇଁ ନିଜ ଜୀବନ ଉତ୍ସର୍ଗ କରୁଥିବା କଥା ଏହି ସଭାରେ ପ୍ରକାଶ ପାଇଥିଲା। ନୂଆ କୋଟ ଗର୍ଭରାଇ ମନ୍ଦିରରେ ପିଲାମାନଙ୍କୁ ବିଦାୟ ଦେବାର ଏହି ନୂତନ ପରମ୍ପରା ସମାଜ ଓ ଶିକ୍ଷା ଜଗତ ପାଇଁ ଏକ ପ୍ରେରଣାଦାୟକ ଓ ଅବିସ୍ମରଣୀୟ ଘଟଣା ଭାବେ ପରିଗଣିତ ହୋଇଛି।
ଏହି ଅବସରରେ ସିଆରସିସି ବାବୁଲାଲ ସାଗର ନିଜ ଉଦ୍ବୋଧନରେ କହିଥିଲେ ଯେ ଶିକ୍ଷକଙ୍କ ଜୀବନ ପିଲାମାନଙ୍କ ଗଢ଼ାଣି ପାଇଁ ସମର୍ପିତ। ଶିକ୍ଷକଙ୍କ ସ୍ନେହ, ନିଷ୍ଠା ଓ ପରିଶ୍ରମ ଦ୍ୱାରା ପିଲାମାନେ ଭଲ ମଣିଷ ଭାବେ ଗଢ଼ିଉଠନ୍ତି। ଶିକ୍ଷକ ରମେଶ ଵେନିଆ,ପରମେଶ ନାୟକ  ଏହି ସେବାମୂଳକ କାର୍ଯ୍ୟ ପାଇଁ ଗ୍ରାମବାସୀ, ଅଭିଭାବକ ଓ ସମାଜ ପାଇଁ ଚିରଦିନ ସ୍ମରଣୀୟ ହୋଇ ରହିବ ବୋଲି ସେ କହିଥିଲେ।
ଏହି ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଗ୍ରାମବାସୀ, ଅଭିଭାବକ ଓ ଶିକ୍ଷକମାନଙ୍କ ମଧ୍ୟରେ ଗଭୀର ସମ୍ମାନ ଓ ସନ୍ତୋଷର ପରିବେଶ ସୃଷ୍ଟି କରିଥିଲା।