06-Apr-2026

ବଲାଙ୍ଗୀର/ଖପ୍ରାଖୋଲ(ପ୍ରେରଣା ଖବର): ବଲାଙ୍ଗିର ଜିଲ୍ଲା ଖପ୍ରାଖୋଲର ବିଶ୍ବାସଘାତକ ବ୍ୟାଙ୍କ କର୍ମଚାରୀଙ୍କ  ପ୍ରେମ ପ୍ରତାରଣା ମାମଲା ଜନସାଧାରଣଙ୍କ ବିଶ୍ବାସକୁ ଦୋହଲାଇ ଦେଇଛି। 
   ସୂଚନାରୁ ପ୍ରକାଶ ଯେ, ପାଟଣାଗଡ ଉପଖଣ୍ଡ ଲରମ୍ଭା ପୋଲିସ ସୀମା ଅନ୍ତର୍ଗତ ଡାଙ୍ଗବାହାଲ ଗ୍ରାମର ବାସିନ୍ଦା ନରେନ୍ଦ୍ର ଭୋଇ ପୂର୍ବରୁ ଖପ୍ରାଖୋଲର ଏସବିଆଇ ରେ କ୍ୟାସିୟର ଭାବରେ କାର୍ଯ୍ୟ କରୁଥିଲେ। ଭାରତୀୟ ଷ୍ଟେଟ ବ୍ୟାଙ୍କର ପୂର୍ବତନ କର୍ମଚାରୀ ଜଣେ ଯୁବତୀଙ୍କୁ  ବିବାହର ପ୍ରତିଶୃତି ଦେଇ ପ୍ରେମଫାଶରେ ପକାଇ ତାଙ୍କୁ ପ୍ରତାରଣା କରିଥିବା ଅଭିଯୋଗ ହୋଇଛି।

ତାଙ୍କ କାର୍ଯ୍ୟକାଳ ମଧ୍ୟରେ ଯୁବତୀ ଜଣକ ଅଭିଯୋଗ କରିଥିଲେ ଯେ, ପ୍ରେମ ବାହାନାରେ ଖପ୍ରାଖୋଲ ବ୍ଲକ କଲୋନିର ଜଣେ ଯୁବତୀଙ୍କ ସହ ସମ୍ପର୍କ ଗଢ଼ି ଉଠିଥିଲା। ପରେ, ବରଗଡ଼ ଜିଲ୍ଲାର ପଦମପୁର ନିକଟସ୍ଥ ଏସ ଵି ଆଇ ତାଲପାଲି ଶାଖାକୁ ସ୍ଥାନାନ୍ତର ହେବା ପରେ, ସେ ନିଜକୁ ଦୂରେଇ ରଖୁବା ଆରମ୍ଭ କରିଥିଲେ ଏବଂ ପୀଡିତା ଙ୍କୁ ବିଭିନ୍ନ ଆଳରେ ଠକି ଚାଲିଥିବା ପୀଡିତା ଅଭିଯୋଗ କରିଛନ୍ତି । ପୀଡିତାଙ୍କ କହିବା କଥା ହେଲା, ନରେନ୍ଦ୍ର ଭୋଇ ଅନ୍ୟତ୍ର ବିବାହ କରିଛନ୍ତି।
ଏହା ଜାଣିବା ପରେ ପୀଡିତା ଜଣକ ନ୍ୟାୟ ପାଇଁ ଖପ୍ରାଖୋଲ ପୋଲିସ ଷ୍ଟେସନର ଦ୍ବାରସ୍ଥ ହୋଇଛନ୍ତି ।
ଏହି ସମୟରେ, ଅଭିଯୁକ୍ତ ଫେରାର୍ ହୋଇଯାଇଥିବାରୁ ତାଙ୍କ ବିରୁଦ୍ଧରେ ସନ୍ଦେହ ଆହୁରି ଘନୀଭୂତ ହୋଇଛି। ଖପ୍ରାଖୋଲ ପୋଲିସ ଷ୍ଟେସନରେ ମାମଲା (କେସ୍ ନଂ.୬୩/୨୦୨୬) ରୁଜୁ କରାଯାଇଛି।
ଭାରତୀୟ ନ୍ୟାୟ ସଂହିତା ୬୯, ୩୫୧(୨), ୩(୫) ସହିତ ଏସ ସି ଆଣ୍ଡ ଏସ ଟି (ଅତ୍ୟାତାର ନିବାରଣ) ଆଇନର ଧାରା ୩(୧) (ଆର )(ଏସ ) ଏବଂ ୩(୨)(ଭି) ରେ ଏକ ମାମଲା ରୁଜୁ ହୋଇଛି। ଯଦି ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରା ନ ଯାଏ ତେବେ  ଆଗାମୀ ଦିନରେ ପୀଡିତା ବଲାଙ୍ଗିର ଏସ.ପି ଙ୍କୁ ଭେଟିବା ସହିତ ଭୁବନେଶ୍ବର ମହିଳା କମିଶନରଙ୍କ ଦ୍ୱାରସ୍ଥ ହେବେ ବୋଲି ବିଭିନ୍ନ ଗଣମାଧ୍ୟମ ଆଗରେ କାନ୍ଦି କାନ୍ଦି ଦୁଃଖ ପ୍ରକାଶ କରିଛନ୍ତି l