17-Mar-2026

ବଲାଙ୍ଗିର(ପ୍ରେରଣା ଖବର): ଆଜି ବଲାଙ୍ଗୀର ପୋଲିସର ଏକ ଦଳ ଚଢ଼ାଉ କରି ବିପୁଳ ପରିମାଣର ଗଞ୍ଜେଇ ଜବତ କରିବା ସହ ଦୁଇ ଜଣ ଯୁବକଙ୍କୁ ଗିରଫ କରିଛି ।  ବାହାର ରାଜ୍ୟକୁ ଅବୈଧ ଗଂଜେଇ ଚାଲାଣ ହୋଥିବା ନେଇ କୌଣସି ବିଶ୍ୱସ୍ତ ସୂତ୍ରରୁ ଖବର ପାଇ ବଲାଙ୍ଗୀର ପୋଲିସ ମାଲପଡା ରେଲୱେ ଷ୍ଟେଷନ ରୋଡରେ ଦୁଇ ଜଣ ବ୍ୟକ୍ତିଙ୍କୁ କାବୁ କରିଥିଲା । ଏଇ ୨ଜଣ ବିହାର ରାଜ୍ୟର ବୋଲି ଜଣାପଡିଛି ।  ଏମାନେ ପୋଲିସକୁ ଦେଖି ଦୌଡ଼ି ପଳାଉଥିବା ବେଳେ ବଲାଙ୍ଗୀର ପୋଲିସ ଏମାନଙ୍କ ଉପରେ ମାଡି ବସିଥିଲା। କଣ୍ଟାମାଳ ର ଜଣେ ବ୍ୟକ୍ତି ଏମାନଙ୍କୁ ଗଞ୍ଜେଇ ଆଣି ଦେଇଥିବା ପୋଲିସ ସୂଚନା ଦେଇଛି। ଗିରଫ ଦୁଇଜଣ ହେଲେ  ବିହାର ପୂର୍ବ ଚମ୍ପାରନର ସୁଗାଉଲି ଥାନା ଅନ୍ତର୍ଗତ ସୁଗାଓଁ ର ମିକି ମଶ୍ର(୨୧) ଓ ଛୋଟା ବୌଦ୍ଧର ଆକାଶ କୁମାର(୨୬) । ସେମାନଙ୍କ ଠାରୁ ୨୯କେଜି ୯୭ଠଗ୍ରାମ ଗଂଜେଇ ଜବତ କରିବା ସହ ଦୁଇଟି ମୋବାଇଲ, ଗିରଫ ଅଭିଯୁକ୍ତ ଆକାଶର ଆଧାରକାର୍ଡ ଓ ମିକି ମିଶ୍ରର ପରିଚୟ ପତ୍ର ମଧ୍ୟ ଜବତ କରାଯାଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୧୩ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ବଲାଙ୍ଗୀର ଏସ୍‌ପି ଙ୍କ ନିର୍ଦ୍ଦେଶକ୍ରମେ ଇନିସପେକ୍ଟର ଏ.କେ. ସାହୁ, ଏସ୍‌.ଏଫ୍ ଏକ୍କା, ଏସ୍‌.ଆଇ ଦେବାଶିଷ ଶତପଥୀ ବୈକୁଣ୍ଠ ଦେହେରୀ, ଏଏସ୍‌ଆଈ ଶ୍ରୀ ଏ.କେ. ପାଣ୍ଡେ, ବି.ଡି, ଭୋଇ ପ୍ରମୁଖ ଏହି ଘଟଣାର ବିଭିନ୍ନ ଦିଗକୁ ନେଇ ଅନୁସନ୍ଧାନ ଜାରିରଖିଛନ୍ତି । ଗିରଫ ବ୍ୟକ୍ତି ମାନଙ୍କ ନାମରେ ଟାଉନ ପି.ଏସ୍ କେଶ ନମ୍ବର ୧୪୪, ଦଫା୨ଠ(ବି)ଆଇଆଇ(ସି) ଏନ୍‌ଡିପିଏସ୍ ଆକ୍ଟରେ ଏକ ମାମଲା ରୁଜୁ ହୋଇଛି ।