12-Feb-2026

ନୂଆପଡ଼ା (ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଲର୍କା ଉଚ୍ଚ ମାଧ୍ୟମିକ ବିଦ୍ୟାଳୟରେ ପ୍ରଧାନ ଶିକ୍ଷକ ପରେଶ ଚନ୍ଦ୍ର ମାଝୀଙ୍କ ସଭାପତିତ୍ବରେ ୪୬ ତମ ବାର୍ଷିକ ଉତ୍ସବ ପାଳନ ଅବସରରେ ମୁଖ୍ୟ ଅତିଥି ଭାବରେ ଚୈତନ୍ୟ ହୋତା ପୂର୍ବତନ ଗୋଷ୍ଠୀ ଶିକ୍ଷା ଅଧିକାରୀ,ମୁଖ୍ୟ ବକ୍ତା ରୂପେ ଲଳିତ କୁମାର ସୁନାରୀ ପ୍ରଧାନ ଶିକ୍ଷକ ପି ଏମ ଶ୍ରୀ ସରକାରୀ ଉଚ୍ଚ ବିଦ୍ୟାଳୟ ସିନାପାଲି,ସମ୍ମାନିତ ଅତିଥି ଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ବନବିହାରୀ ମେହେର,ଅବସର ପ୍ରାପ୍ତ ବିଜ୍ଞାନ ଶିକ୍ଷକ ନକୁଲି ଚରଣ ସାହୁ,ସି ଆର୍ ସି ସି ଶୁଭେନ୍ଦୁ ଯୋଶୀ ପ୍ରମୁଖ ମଞ୍ଚାଶିନ ଥିଲେ । ଶିକ୍ଷକ  ଗୌର ହରି ମେହେର,ମାମିନା ସାହୁ ଓ ପ୍ରିୟଙ୍କା ପଟ୍ଟନାୟକ ନିଜ ନିଜ ସୁନ୍ଦର ଶବ୍ଦ ସଂଯୋଜନାରେ ମଞ୍ଚ ପରିଚାଳନା କରି ମଞ୍ଚର ଶୋଭା ବର୍ଦ୍ଧନ କରିବା ଦେଖିବାକୁ ମିଳିଥିଲା ।ଏହି ଅବସରରେ ୨୦୨୪-୨୫ ବର୍ଷରେ ଦଶମ ଶ୍ରେଣୀରେ ସର୍ବୋଚ୍ଚ ନମ୍ବର ରଖିଥିବା ଛାତ୍ର ପ୍ରଦୀପ କୁମାର ରଣାଙ୍କୁ ସମ୍ମାନିତ କରିବା ସହିତ ତାଙ୍କର ଉଜ୍ଜ୍ବଳ ଭବିଷ୍ୟତ କାମନା କରିଥିଲେ ତଥା ବାର୍ଷିକ କ୍ରୀଡ଼ାରେ ଚାମ୍ପିଅନ ହୋଇଥିବା ପ୍ରତିଯୋଗୀ ସିନିୟର ବାଳକ ଅମୂଲ୍ୟ ଶବର, ସିନିୟର ବାଳିକା ଲତିକା ଶବର, ଜୁନିୟର ବାଳକ ଭବାନୀ ଶଙ୍କର ମାଝୀ, ଜୁନିୟର ବାଳିକା ଅମଲି ଶବରଙ୍କୁ ଟ୍ରଫି ସହ ମାନ ପତ୍ର ଦେଇ ସମ୍ମାନିତ କରାଯାଇଥିଲା।ବେଷ୍ଟ ଟିଚର ଭାବରେ ବିଜ୍ଞାନ ଶିକ୍ଷକ ପିତବାସ ମେହେରଙ୍କୁ ସମ୍ମାନିତ କରି ସମସ୍ତେ ଆହୁରି ଖୁସି ଅନୁଭବ କରିଥିଲେ ।ବାର୍ଷିକ ଉତ୍ସବ ପାଳନ ପାଇଁ ଆୟୋଜନରେ ସମସ୍ତ ଶିକ୍ଷକ ଶିକ୍ଷୟତ୍ରୀ,ଛାତ୍ର ଛାତ୍ରୀ,ପରିଚାଳନା କମିଟି ସଦସ୍ୟ ସଦସ୍ୟା ସହଯୋଗ କରିଛନ୍ତି ।ଶିକ୍ଷକ ଯଶୋବନ୍ତ ସା ଧନ୍ୟବାଦ୍ ଅର୍ପଣ କରିଥିଲେ ।