11-Feb-2026

ବଲାଙ୍ଗୀର (ପ୍ରେରଣା ଖବର)-ବଲାଙ୍ଗୀର ରାମମନ୍ଦିର ପଛ ପଟେ ଦୈନିକବଜାର ପାଖରେ ଥିବା କ୍ରିଷ୍ଣା ଏଜେନ୍ସୀ ଉପରେ ଆଜି ଡ୍ରଗ ଇନ୍ସପେକ୍ସର ଚଢାଉ କରିଛନ୍ତି । ଏଠାରେ ହୋଲସେଲ ପଏଣ୍ଟରେ ରିଟେଲରେ ଔଷଧ ବିକ୍ରି କରୁଥିବା ଅଭିଯୋଗ ହୋଇଥିଲା । ଗୋଟିଏ ସ୍ଥାନରେ ଉଭୟ ହୋଲସେଲ ଓ ରିଟେଲ ଔଷଧ କାଉଣ୍ଟର ରହିବାର ନୀୟମ ନାହିଁ । କିନ୍ତୁ କ୍ରିଷ୍ଣା ଏଜେନ୍ସୀର ମାଲିକ ସ୍ଥାନୀୟ ଡ୍ରଗ ଇନ୍ସପେକ୍ସରଙ୍କୁ ଧରି ଚଞ୍ଚକତାକରି ଏକ ରିଟେଲ ଲାଇସେନ୍ସ ମଧ୍ୟ ନେଇ ହୋଲସେଲ ପଏଣ୍ଟରେ ରିଟେଲରେ ଔଷଧ ବିକ୍ରି କରୁଛନ୍ତି । ଏହାକୁ ଜିଲ୍ଲା ଡ୍ରଗିଷ୍ଟ ଏଣ୍ଡ କେମିଷ୍ଟ ଏସୋସିଏସନ ପକ୍ଷରୁ ବିରୋଧ କରାଯାଇ ଡ୍ରଗ୍ସଇନ୍ସପେକ୍ଟରଙ୍କଠାରେ ଗତକାଲି ଲିଖିତ ଅଭିଯୋଗ କରାଯାଇଥିଲା। ଆଜି ଡ୍ରଗସଇନ୍ସପେକ୍ସର ରଂଜନକୁମାର ମେହେର  କ୍ରିଷ୍ଣା ଏଜେନ୍ସୀ ରେ ପହଞ୍ଚି ଯାଞ୍ଚକଲା ବେଳେ ଜିଲ୍ଲା ଡ୍ରଗିଷ୍ଠ ଏଣ୍ଟ କେମିଷ୍ଟ ଏସୋସିଏସନର ସଭାପତି ଲୋଟସ ଷଢଙ୍ଗୀଙ୍କ ନେତତ୍ୱରେ ଶତାଧିକ ଔଷଧଦୋକାନୀ ପହଞ୍ଚି ଥିଲେ । କ୍ରୀଷ୍ଣା ଏଜେନ୍ସିୀର ମାଲିକ ରଂଜନ ଅଗ୍ରୱାଲଙ୍କ ଉପସ୍ଥିତିରେ ଡ୍ରଗ୍ସଇନ୍ସପେକ୍ଟରଙ୍କୁ ଏଭଳି ବେଆଇନ କାମକୁ କିଭଳି ପ୍ରଶ୍ରୟ ଦିଆଯାଉଛି ବୋଲି ପ୍ରଶ୍ନ କରିଥିଲେ । ତେବେ ଯାଞ୍ଚପରେ କ୍ରିଷ୍ଣା ଏଜେନ୍ସିର ଏକ ହୋଲସେଲ ଲାଇସେନ୍ସ ଥିବା ବେଳେ ଏକ ରିଟେଲ ଲାଇସେନ୍ସ ମଧ୍ୟ ହାତେଇଛନ୍ତି । କିଭଳି ଓ କେଉଁ ଆଇନରେ ତାଙ୍କୁ ଏଭିଳି ସୁଯୋଗ ଦିଆଯାଇଛି ତାହା ତଦନ୍ତ ସାପେକ୍ଷ ବୋଲି କୁହାଯାଉଛି। ଏଠାରେ ପୂର୍ବରୁ ସବଷ୍ଟାଣ୍ଡାର୍ଡ ନକଲି ଔଷଧ ମଧ୍ୟ ବିକ୍ରୀ ହେଉଥିବା ମଧ୍ୟ ଅଭିଯୋଗ ହୋଇଥିଲା। ୨୦୦୭ ମସିହାରେ ବହୁଚର୍ଚ୍ଚିତ ନକଲି ଔଷଧ କାରବାର ଧରପଗଡ ସମୟରେ ଏହିମାଲିକ ନାମରେ ଏକ ମାମଲା ମଧ୍ୟ ରୁଜୁ ହୋଇଥିବା କୁହାଯାଉଛି । ରାଜ୍ୟସରକାର ତୁରନ୍ତ ଏଦିଗରେ ପଦକ୍ଷେପ ନେବାକୁ ଦାବି ହେଉଛି । ତେବେ ବଲାଙ୍ଗୀର ଡ୍ରଗ୍ସଇନ୍ସପେକ୍ଟର ରଂଜନକୁମାର ମେହେରଙ୍କୁ ପଚାରିବାରୁ ଆମେ ଅଭିଯୋଗ ପାଇଲା ପରେ ଯାଞ୍ଚ କରାଯାଇଛି । କ୍ରିଷ୍ଣା ଏଜେନ୍ସୀର ଉଭୟ ହୋଲସେଲ ଓ ରିଟେଲ ଲାଇସେନ୍ସ ଥିବାର ଜଣାପଡିଛି। ଯାହା ଯାହା ତୃଟିବିଚ୍ୟୁତି ରହିଛି ସେ ବିଷୟରେ ମାଲିକକୁ କାରଣ ଦର୍ଶାଅ ନୋଟିସ ଜାରି କରାଯିବ ବୋଲି ଶ୍ରୀ ମେହେର କହିଛନ୍ତି। ତେବେ କ୍ରୀଷ୍ଣା ଏଜେନ୍ସୀର ମାଲିକ ରଂଜନ ଅଗ୍ରୱାଲଙ୍କର କୌଣସି ପ୍ରତିକ୍ରୀୟା ମିଳିପାରିନାହିଁ ।