13-Jan-2026

ବିନିକା(ହିମାଂଶୁ ଶେଖର ପୁଟେଲ)ଐତିହାସିକ ପୀଠ ବିନିକାର ମୁକ୍ତିତୀର୍ଥ ନାମରେ ନାମିତ ପାପକ୍ଷୟ ଲୋକ ମହୋତ୍ସବର ଆଜି ୩ୟ ସନ୍ଧ୍ୟାରେ ବରଗଡ଼ ଫୁଲ ଗଜରା କଳା ପରିଷଦ ଓ ଖଟଖଟିଆର କଳାକାର ମାନଙ୍କ ଦ୍ବାରା ଲୋକ ନୃତ୍ୟ ପରିବେଷଣ ଦର୍ଶକ ମାନଙ୍କୁ ବାନ୍ଧି ରଖିଥିବା ଦେଖିବାକୁ ମିଳିଥିଲା।ସେହିପରି ନୃତ୍ୟ ନିକେତନ,ଶଳାବୁଡ଼ା ବଦଲାର ନାୟକ ଜିତଙ୍କ ଅଭିନୟ ଶୈଳୀ ଏବଂ କଣ୍ଠ ଶିଳ୍ପୀ,ଦେବାନନ୍ଦ ଦାସ,ତପସ୍ଵିନୀ ଦାସ,ପ୍ରତ୍ୟୁଷ ରଞ୍ଜନ ବାଘଙ୍କ ସହ ଆହୁରି ଅନେକ କଳାକାରଙ୍ଗ ସୂ ମଧୁର କଣ୍ଠ ସ୍ଵରରେ ବିଭିନ୍ନ ପ୍ରକାରର ଗୀତ ପରିବେଷଣ ଦର୍ଶକଙ୍କୁ ବାନ୍ଧି ରଖିଥିଲା। ମହୋତ୍ସବ କମିଟି ସଭାପତି ପ୍ରଶାନ୍ତ ଦଣ୍ଡସନାଙ୍କ ସଭପତିତ୍ତରେ ଓ ହିମାଂଶୁ ଭୂଷଣ ପଣ୍ଡାଙ୍କ ସଂଯୋଜନାରେ ଅନୁଷ୍ଟିତ ସଭାରେ ମୁଖ୍ୟ ଅତିଥି ଭାବେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା,ସ୍ଵତନ୍ତ୍ର ଅତିଥି ଜିଲ୍ଲା ପରିଷଦ ସଦସ୍ୟ ଲବ କୁମାର ସାହୁ,ସମ୍ମାନିତ ଅତିଥି ବିନିକା ବ୍ଲକ ପୂର୍ବତନ ଅଧ୍ୟକ୍ଷ ଅଶୋକ ନନ୍ଦ,କମିଟି ଉପ ସଭାପତି ପ୍ରଦୀପ ସେଠୀ,କଂଗ୍ରେସ ଯୁବ ନେତା ପ୍ରିୟବ୍ରତ ସାହୁ,ବିଜେଡି ନେତା କୃତିବାସ ମିଶ୍ର,କମିଟି ସମ୍ପାଦକ ଧର୍ମେନ୍ଦ୍ର ସାହୁ,କୋଷାଧ୍ୟକ୍ଷ କାହ୍ନୁ କର୍ଣ୍ଣ ପ୍ରମୁଖ ମଞ୍ଚରେ ଉପସ୍ଥିତ ଥିଲେ ।ଏହି ଅବସରରେ ପାପକ୍ଷୟ ସମ୍ମାନରେ ଜିତେନ୍ଦ୍ରିୟ ହୋତା ଓ ମାଟିର ମହକ

ସମ୍ମାନରେ ଦେବାନନ୍ଦ ଦାଶ ଓ ରୀନା କୁମ୍ଭାରଙ୍କୁ ସମ୍ମାନିତ କରାଯାଇଥିଲା।ସେହିପରି ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ଓ କଳା ଅନୁଷ୍ଠାନର କଳାକାର ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା।କମିଟି ଉପଦେଷ୍ଟା ସୁଧାଂଶୁ ଶେଖର ଦାଶ,ଧର୍ମରାଜ ପଣ୍ଡା,ସାଂସ୍କୃତିକ କୋଡିନେଟର ଧର୍ମେନ୍ଦ୍ର ଥନାପତି,ଉପ ସଭାପତି ବିଜୟ ବରାଇ,ସହ ସମ୍ପାଦକ ଉମାକାନ୍ତ ଦୀପ,କେଦାର ପଣ୍ଡା, କୋଡିନେଟର ନବକୃଷ୍ଣ ଦନ୍ତା,ମଧୁସୁଦନ ଖେତିଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।