30-Dec-2025

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)
ସ୍ଵଚ୍ଛ ଭାରତ ସଙ୍ଗଠନ ସୋନପୁର -ମନମୁଣ୍ଡା ପକ୍ଷରୁ ଆକର୍ଷଣୀୟ ପର୍ଯ୍ୟଟନ ସ୍ଥଳ ତ୍ରିବେଣୀ ସଙ୍ଗମ ରାମେଶ୍ୱର ମନ୍ଦିର ପରିସର ଓ ମହାନଦୀ ପୀଠ ଠାରେ  ସ୍ଵଚ୍ଛତା ପରିବେଶ ସୁରକ୍ଷା ଓ ପଲିଥିନ୍ ମୁକ୍ତ ସଚେତନତା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ମୂଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପରାଜ ସାହୁ ଯୋଗଦେଇ ଏ କାର୍ଯ୍ଯକ୍ରମକୁ ଭୂୟସୀ ପ୍ରଶଂସା କରି ନୂଆଁ ବର୍ଷରେ ଏହାକୁ ସ୍ପଷ୍ଟ ରୂପରେଖ ଦେଇ ବିଭିନ୍ନ ଏଜେଣ୍ଡା ତିଆରି କରି ସମଗ୍ର ଜିଲ୍ଲାକୁ, ମହାନଦୀକୁ ଅ ସ୍ଵଚ୍ଛ ରଖିବାକୁ ମିଳିତ ଉଦ୍ୟମ କରିବା ବୋଲି କହିଥିଲେ । ଓ ସୋନପୁରର ସମସ୍ତ ସ୍ବେଚ୍ଛାସେବୀ ଅନୁଷ୍ଠାନ ପବ୍ଲିକ ପ୍ରଶାସନ ସହ ପ୍ରତ୍ୟେକ କାର୍ଯ୍ଯରେ ସକାରାତ୍ମକ ଭାବେ ଯୋଡି ହୋଇଥିବା ବିଷୟ ଜିଲ୍ଲା ପାଇଁ ଖୁସୀ ଓ ଶୁଭଙ୍କର ବୋଲି ଡ଼. ସାହୁ କହିଥିଲେ । ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ନାରାୟଣ ନାୟକ, ପୌର ପରିଷଦର କାର୍ଯ୍ୟ ନିର୍ବାହ ଅଧିକାରୀ ଋଷି ମାଝି, ଗଞ୍ଜାମ ଜିଲ୍ଲା ବ୍ରହ୍ମପୁରରୁ ଆସିଥିବା ପର୍ଯ୍ୟଟକ, ବରିଷ୍ଠ ଆଇନଜୀବୀ ତଥା ନୋଟାରୀ ଶ୍ରୀ ରମା ମହାପାତ୍ର ଓ ପ୍ରତିଭା ରେଡ୍ଡୀ ଯୋଗଦେଇ କେବଳ ପରିବେଶ ନୁହେଁ ମନ କୁ ସ୍ବଚ୍ଛତା ନିଜ ଦାୟିତ୍ୱ କୁ ସ୍ବଚ୍ଛତା ଭାବେ ଅବଲମ୍ବନ କଲେ ପ୍ରଧାନ ମନ୍ତ୍ରୀ ଙ୍କ ଏ ସ୍ଵଚ୍ଛ ଭାରତ ଅଭିଯାନ ସଫଳ ହେବ ବୋଲି କହିଥିଲେ।  ଜିଲ୍ଲାପାଳ ଏସପି ଓ ସମସ୍ତ ଅତିଥି ସ୍ବେଛାସେବୀଙ୍କ ସହ ଝାଡୁ ଧରି ମନ୍ଦିର ଓ ମହାନଦୀ ପାର୍ଶ୍ୱ ରେ ସଫେଇ କାର୍ଯ୍ୟ ରେ ସାମିଲ ହୋଇ ଉତ୍ସାହିତ କରିଥିଲେ ।

ମନୋରଞ୍ଜନ ତ୍ରିପାଠୀ ସଭା ସଂଯୋଜନା କରିଥିବା ବେଳେ ପ୍ରଦୀପ ପୁରୋହିତ ସ୍ବାଗତ ଭାଷଣ ଓ ଏନସିସି ଲ୍ୟାଫ୍ଟନେଣ୍ଟ ଆଶିଷ ଅଗ୍ରୱାଲ ଧନ୍ୟବାଦ୍ ଅର୍ପଣ କରିଥିଲେ । ସାନିଟାରୀ ଇନ୍ସପେକ୍ଟର ଅଜୟ କୁମାର ସ୍ୱାଇଁ, ସ୍ବଚ୍ଛ ଭାରତ ସଂଗଠନ ସଭାପତି ସୟଦ ଅଲିମୂଲ ଇସଲାମ, ଉପସଭାପତି ଇନ୍ଦୁମତୀ ପୁରୋହିତ, ବୈକୁଣ୍ଠ ଶତପଥୀ, ଲଡୁ କିଶୋର ମଲ୍ଲିକ, ପ୍ରମୋଦ କୁମାର ସାହୁ, ପ୍ରହଲ୍ଲାଦ ମିଶ୍ର, ମଦନ ସୁନ୍ଦର କ୍ଷେତି, ତରଣି ମେହେର,  ଡ଼ା ସରୋଜ ପଟେଲ୍, ଗୋକୁଳ ଠାକୁର, ଦିଲ୍ଲିପ ଭୁକ୍ତା, ଜୟ ନାରାୟଣ ସାହୁ, ଜୟନ୍ତ ବେହେରା, ସୁଶାନ୍ତ ସାହୁ, ପ୍ରଫୁଲ୍ଲ ନାଏକ, ନାରାୟଣ ରଥ, ତ୍ରିଲୋଚନ ତରିଆ ଙ୍କ ସହିତ ସମସ୍ତ କର୍ମକର୍ତ୍ତା, ସୋନପୁର କଲେଜ୍ ଏନସିସି , ଦିବ୍ୟଊର୍ଯ୍ୟା ଯୋଗ ସମିତି ସଭାପତି ଗୋପାଳ ନେଗି ଓ କର୍ମକର୍ତା , ସାମ୍ୱାଦିକ  ଓ ପୌର ପରିଷଦ ସଫେଇ କର୍ମଚାରୀ  ଏଥିରେ ସାମିଲ ଥିଲେ ।