30-Dec-2025

ବଲାଙ୍ଗିର: ଆଜି ଜେ ଏସ ଏମ କଲେଜ ର ବାର୍ଷିକ ଉତ୍ସବ କଲେଜ ର ନିର୍ଦ୍ଦେଶକ ସି.ଏ.ଶ୍ରୀକାନ୍ତ ଶର୍ମା ଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି। ଶିକ୍ଷାବିତ୍ ତଥା ବଲାଙ୍ଗିର ନାଗରିକ କମିଟି ର ପୂର୍ବତନ ସାଧାରଣ ସମ୍ପାଦକ ମନୋରଞ୍ଜନ ସାହୁ ସ୍ବାଗତ ଭାଷଣ ଏବଂ ଅତିଥି ପରିଚୟ ପ୍ରଦାନ କରିଥିଲେ।କଲେଜ ର ଅଧ୍ୟକ୍ଷା ମନସ୍ମିତା ମିଶ୍ର ବାର୍ଷିକ ବିବରଣୀ ପାଠ କରିଥିବା  ବେଳେ ଏ ବି ରାମ ଲିପ୍ସା ସଭା ସଂଯୋଜନା କରିଥିଲେ। ଦିବସର ମୁଖ୍ୟଅତିଥି ଭାବରେ ବଲାଙ୍ଗିର ମହିଳା

ମହାବିଦ୍ୟାଳୟର  ଅଧ୍ୟକ୍ଷ ଡ.ଅରବିନ୍ଦ କୁମାର ଓଝା ଯୋଗଦାନ କରି ଛାତ୍ରଛାତ୍ରୀ ମାନଙ୍କ ସାମଗ୍ରିକ ବିକାଶ ଉପରେ ଉପାଦେୟ ବକ୍ତବ୍ୟ ପ୍ରଦାନ କରିଥିଲେ।  ଛାତ୍ରଛାତ୍ରୀ ମାନଙ୍କ ହୃଦୟକୁ ଯାଇ ପାଠ ପଢାଇବା ଶିକ୍ଷକ ମାନଙ୍କ ଦାୟିତ୍ଵ ବୋଲି ଶ୍ରୀ ଓଝା କହିଥିଲେ l ଜୟପୁର ସ୍ଥିତ ବିକ୍ରମଦେବ ୟୁନିଭରସିଟି,କମର୍ସ ବିଭାଗର ମୁଖ୍ୟ ଡ଼କ୍ଟର ଦେବଦତ୍ତ ଇଣ୍ଡୋରିଆ ମୁଖ୍ୟବକ୍ତା ଭାବେ ଯୋଗଦାନ କରି ଶିକ୍ଷା ସହ ଜଡ଼ିତ ଥିବା ଅନେକ ମହାମନିଷୀ ମାନଙ୍କ ସଂପର୍କରେ ତଥ୍ୟ ଉପସ୍ଥାପନ କରିଥିଲେ।ସମ୍ମାନିତ ଅତିଥି ଭାବେ ସ୍ବରାଜ ହସ୍ପିଟାଲର ପ୍ରତିଷ୍ଠାତା,ଡାକ୍ତର ସୂଜ୍ୟାନେନ୍ଦ୍ର ମିଶ୍ର, ଜେଏସଏମ କଲେଜ ର ନିର୍ଦେଶକ,ପୀତବାସ ପଣ୍ଡା, ଟିଟିଲାଗଡ ଡିଏଭି ଅଟୋନମସ କଲେଜ କମର୍ସ ବିଭାଗ ମୁଖ୍ୟ

ଡକ୍ଟର କେ.ଦେବୀ, ରାଉରକେଲା ଷ୍ଟିଲ ପ୍ଲାଣ୍ଟ ଏଜିଏମ ଡକ୍ଟର ଅଶୋକ କୁମାର ଜେନା ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ନିଷ୍ଟା ଏବଂ ଆତ୍ମବିଶ୍ବାସର ସହ ଅଧ୍ୟୟନ କଲେ ସଫଳତା ନିଶ୍ଚିତ ମିଳିବ ବୋଲି କହିଥିଲେ।ଏହି ଅବସରରେ ଡାକ୍ତର ସୁଜ୍ୟାନେନ୍ଦ୍ର ମିଶ୍ର,ଦିଲୀପ ଧଳ ଏବଂ ମୟ ପଧାନି ଙ୍କୁ ମାନପତ୍ର ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ପୂର୍ବରୁ କଲେଜ ପକ୍ଷରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର  କୃତୀ ପ୍ରତିଯୋଗୀ ମାନଙ୍କୁ  ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା l ଶେଷରେ କଲେଜର ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।