30-Dec-2025

ନୂଆପଡ଼ା (ରାମନାଥ ପଣ୍ଡା)
ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସଙ୍କୁ ବି ଏମ ଏସ ନୂଆପଡ଼ା ସଭାପତି ପ୍ରଦୀପ କୁମାର ଦଣ୍ଡସେନାଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଯୁଗ୍ମ ଅଭିଯୋଗ ଶୁଣାଣୀ ଶିବିର ସିନାପାଲି ଠାରେ ସାକ୍ଷାତ କରି ଉଭୟ ମୌଖିକ ଓ ଲିଖିତ ଅନୁରୋଧ କରିଛନ୍ତି।ଅନୁରୋଧ ଗୁଡ଼ିକ ଥିଲା - ବର୍ଷ ବର୍ଷ ଧରି ଜିଲ୍ଲା ଶ୍ରମ କାର୍ଯ୍ୟାଳୟରେ ପଡ଼ି ରହିଥିବା ନିର୍ମାଣ ଶ୍ରମିକ ମାନଙ୍କ ସହାୟତା ରାଶି ଏବଂ ସାମଗ୍ରୀ ଯଥା ସାଇକେଲ, ଯନ୍ତ୍ରପାତି ସୁରକ୍ଷା ସମ୍ବନ୍ଧିତ  ସାମଗ୍ରୀ,ବିବାହ ଓ ମୃତ୍ୟୁ କାଳୀନ ସହାୟତା,ଶିକ୍ଷା ସହାୟତା,ଘର ତିଆରି ସମ୍ବନ୍ଧୀୟ ଆବେଦନ ପତ୍ର ଗୁଡ଼ିକୁ ଶୀଘ୍ର ସମାଧାନ କରି ନିର୍ମାଣ ଶ୍ରମିକ ମାନଙ୍କୁ ପ୍ରଦାନ କରାଯାଉ ।ପ୍ରତି ବ୍ଲକରେ ଜଣେ ଜଣେ ସହ ଶ୍ରମ ଅଧିକାରୀ ନିଯୁକ୍ତି ଦିଆଯାଉ,ପ୍ରବାସୀ ଶ୍ରମିକ ମାନଙ୍କ ପଞ୍ଜିକରଣ ଓ ମୌଳିକ ସୁବିଧା ପ୍ରଦାନ କରାଯାଉ ।ଶ୍ରମିକ କଲ୍ୟାଣ ବୋର୍ଡ,ଶ୍ରମିକ ବିଶ୍ରାମଗାର,ଶ୍ରମିକ ଭବନ ତିଆରି କରାଯାଉ ତଥା ଦାଦନ ସମସ୍ୟାର ସମାଧାନ ପାଇଁ ଜିଲ୍ଲାରେ ଶିଳ୍ପାନୁଷ୍ଠାନ ପ୍ରତିଷ୍ଠା କରାଯାଉ ।ଉପରୋକ୍ତ ସବୁ ଦାବି ଗୁଡ଼ିକ ଜଣାଇଛନ୍ତି । ଏସବୁ ଉପରେ ପଦକ୍ଷେପ ଗ୍ରହଣ କରାଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।ସାକ୍ଷାତ ସମୟରେ ରାଜ୍ୟ ପ୍ରଭାରୀ ଡଃ ବିରଞ୍ଚି ନାରାୟଣ ପଣ୍ଡା,ଜିଲ୍ଲା ପ୍ରଭାରୀ ବିଶ୍ଵ ରଞ୍ଜନ ସା,ଜିଲ୍ଲା ସମ୍ପାଦକ ବାବୁଲାଲ ମାଝୀ,କାର୍ଯ୍ୟକାରୀ ସଭାପତି କୁଞ୍ଜ ବିହାରି କଟା,ଜିଲ୍ଲା ମେଡିଆ ସେଲ ରାମନାଥ ପଣ୍ଡା, ରାମକୁମର ରାଉତ,ସଞ୍ଜୟ ନାଏକ,ଆକାଶ କଟା,ଲୋକ ନାଥ ସୁନାନି, ପିଣ୍ଟୁ ହଂସ,ବିନୟ କୁମାର ରାଉତ ପ୍ରମୁଖ ଉପସ୍ଥିତ ଥିଲେ ।ଜିଲ୍ଲାପାଳଙ୍କୁ ସାକ୍ଷାତ ପୂର୍ବରୁ ଡଃ ବିରଞ୍ଚି ନାରାୟଣ ପଣ୍ଡା ଓ ବିଶ୍ବରଂଜନ ସା ସ୍ଥାନୀୟ ଧାନ ମଣ୍ଡି ପରିଦର୍ଶନ କରି ସେଠାରେ ହେମାଳ ମାନଙ୍କ ସହିତ ଆଲୋଚନା କରି ହେମାଳ ମାନଙ୍କ ବିଭିନ୍ନ ସମସ୍ୟା ଗୁଡ଼ିକର ସମାଧାନ ପାଇଁ ପ୍ୟାକ୍ସ ସେକ୍ରେଟାରୀ ସହ କଥା ବାର୍ତ୍ତା କରିଥିଲେ ।ଜିଲ୍ଲାପାଳଙ୍କୁ ସାକ୍ଷାତ ପରେ ଉଭୟ ରାଜ୍ୟ ଓ ଜିଲ୍ଲା ପ୍ରଭାରୀଙ୍କ ନେତୃତ୍ୱରେ  ସ୍ଥାନୀୟ ସାମ୍ବାଦିକ ଭବନରେ ଜିଲ୍ଲା କାର୍ଯ୍ୟକାରୀ କମିଟିର ଏକ ବୈଠକ ବସିଥିଲା ।