27-Dec-2025

ବେଟୀ ବଚାଓ, ବେଟୀ ପଢ଼ାଓ ଏକ ପ୍ରହସନ 

ଭୁବନେଶ୍ବର(ପ୍ରେରଣା ଖବର): ପିସିସି ଅଧ୍ୟକ୍ଷ ଭକ୍ତ ଚରଣ ଦାସ ଏବଂ ପିସିସିର ଏକ ବୃହତ ପ୍ରତିନିଧି ଦଳ ଚାନ୍ଦବାଲି ଦୁଷ୍କର୍ମ ଓ ହତ୍ୟା ପୀଡ଼ିତାଙ୍କ ଆତ୍ମୀୟ ସ୍ୱଜନଙ୍କ ସହିତ ସାକ୍ଷାତ କରିବା ସହ ଏବଂ ଭଦ୍ରକ ଆରକ୍ଷୀ ଅଧିକ୍ଷକଙ୍କୁ କଂଗ୍ରେସ ଦଳ ପକ୍ଷରୁ ଦାବୀ ଜଣାଇଥିଲେ ।

ଆୟୋଜିତ ସଭାରେ ସମ୍ବୋଧିତକରି ଶ୍ରୀ ଦାସ କହିଲେ, ଚାନ୍ଦବାଲି ଦିବଙ୍ଗତା ଝିଅର ମାଆ ବାପା, ମାମୁ ଓ ମାଉସୀଙ୍କ ସାଥିରେ ଆମେ ଅନେକ ସମୟ ବସି କଥାବାର୍ତ୍ତା କଲୁ । ଆଜି ସମଗ୍ର ରାଜ୍ୟ ଆନ୍ଦୋଳିତ ହୋଇଛି । ଭଦ୍ରକର ଚାନ୍ଦବାଲିର ଏହି ଶୋକ ସଭାରେ ଆପଣଙ୍କ ସମ୍ମୁଖରେ ଆମେ ସମସ୍ତେ ହୃଦୟର ସହିତ ଦୁଃଖ ପ୍ରକାଶ କରୁଛୁ । ଆମ ଦଶ ବର୍ଷର ନିର୍ଦୋଷ ଝିଅର ବର୍ବର ବଳାତ୍କାର ଓ ହତ୍ୟା କେବଳ ମୁଁ ନୁହେଁ ସମସ୍ତ ନେତୃ ମଣ୍ଡଳୀ ଏବଂ ରାଜ୍ୟବାସୀ ଭାଙ୍ଗି ପଡିଛନ୍ତି । ଏକ କ୍ଷୁଦ୍ର ପବିତ୍ର ଶରୀରକୁ ଅତ୍ୟାଚାର କରି ବର୍ବର ଭାବରେ ନଷ୍ଟ କରି ଦିଆଗଲା । ତାଙ୍କ ପରିବାରର ଦୁଃଖ, କ୍ଷୋଭ ଆମ ବିଫଳତା ପ୍ରତିଫଳିତ କରୁଛି ।
ସମସ୍ତ ପ୍ରକାର ନିଶାଦ୍ରବ୍ୟ ରାସ୍ତାଘାଟରେ ଘୁରି ବୁଲୁଛି । କଂଗ୍ରେସ ବାଲେଶ୍ୱର ଝିଅ ପାଇଁ ଓଡିଶା ବନ୍ଦ କରିଥିଲୁ । ବଳଙ୍ଗା ଦୋଷୀ ଧରାପଡ଼ିଲା ନାହିଁ । 
ଭଦ୍ରକ ଜିଲ୍ଲାରେ ୧୫/୧୭ ମାସ ମଧ୍ୟରେ ୧୩୭୧ ନାରୀ ଅତ୍ୟାଚାର ଘଟଣା ଘଟିଛି । ବିଜେପି ଶାସନର ୧୮ ମାସ ମଧ୍ୟରେ ଏତେ ବଡ଼ ବଡ଼ ଘଟଣା ଘଟିଛି । ଭଦ୍ରକ ଜିଲ୍ଲାରେ ସରକାର, ପ୍ରଶାସନ, ଏସପି କଲେକ୍ଟର ଆଦି ଅଛନ୍ତି ତ ବୋଲି ଶ୍ରୀ ଦାସ ପ୍ରଶ୍ନ ପଚାରିଥିଲେ । ସେ କହିଥିଲେ, ଏହା ସରକାରୀ ଦଳର ମୁଖିଆଙ୍କ ନିର୍ବାଚନ ମଣ୍ଡଳୀ ଠିକ ସେହି ଭଳିଆ ମୁଖ୍ୟମନ୍ତ୍ରୀଙ୍କ ନିଜ ଜିଲ୍ଲାରେ କେତେ ଦୁଷ୍କର୍ମ ହେଲାଣି ।
ସରକାର ବିଜେପିର ଅଛି । ଏସବୁ ବର୍ବର କାଣ୍ଡ କେବେ ବନ୍ଦ ହେବ ସରକାର ଜବାବ ଦିଅନ୍ତୁ । ବେଟୀ ବଚାଓ ବେଟୀ ପଢ଼ାଓ ନାରା ଦେଉଥିବା ପ୍ରଧାନମନ୍ତ୍ରୀ ଏହି ବେଟିକୁ ବଞ୍ଚାଇ ପାରିଲା ନାହିଁ ।
ବିଧାନସଭା କଂଗ୍ରେସ ଘେରାଉ କରି ଦୀର୍ଘ ୧ମାସ ବିଧାନସଭା ଅଚଳ କରିଥିଲା । ଆମ ବିଧାୟକ ତଥା କଂଗ୍ରେସ ଦଳର ଗୋଟିଏ ମାତ୍ର ଦାବୀ ଥିଲା ନାରୀ ଅତ୍ୟାଚାରକୁ ନେଇ ଏକ ଗୃହ କମିଟି ଗଠନ କରି ପ୍ରତି ଜିଲ୍ଲାରେ ତଦାରଖ କରନ୍ତୁ । ଚାନ୍ଦବାଲିରେ ଯେଭଳି ସାଧାରଣ ଜନତା ଜାଗ୍ରତ ହେଲେ ସେଭଳି ସବୁସ୍ଥାନରେ ଜାଗ୍ରତ ହେବାର ଆବଶ୍ୟକତା ରହିଛି ।

କଂଗ୍ରେସ ପକ୍ଷରୁ ପୀଡିତ ପରିବାରକୁ ୫୦ ଲକ୍ଷ ଟଙ୍କା ସହ ସୁରକ୍ଷା । ଦୋଷୀକୁ ଫାଷ୍ଟ ଟ୍ରାକ କୋର୍ଟ ମାଧ୍ୟମରେ ବିଚାର କରି ଫାଶୀ ଦଣ୍ଡ ଦିଆଯାଉ ।
ଭଦ୍ରକ ଆରକ୍ଷୀ ଅଧିକ୍ଷକଙ୍କୁ ଭେଟିଲା ପରେ ସାମ୍ବାଦିକଙ୍କୁ କହିଥିଲେ, ଏସବୁ ବର୍ବର କାଣ୍ଡ ଭଦ୍ରକରେ ଆଶାତୀତ ବୃଦ୍ଧି ପାଇଛି । ଏଥିପାଇଁ ନିଶାଦ୍ରବ୍ୟ ଦାୟୀ । ଏହା ଉପରେ ସମ୍ପୂର୍ଣ ନିୟନ୍ତ୍ରଣ ଆବଶ୍ୟକ । ଯୁବକଙ୍କୁ ନିଶାରୁ ବଞ୍ଚାଇବାକୁ ପଡ଼ିବ । ଚାନ୍ଦବାଲି ଜନତା ନିଜ ପ୍ରତିକ୍ରିୟା ପ୍ରକାଶକରି ଏକ ଉଦାହରଣ

ସୃଷ୍ଟି କରିଛନ୍ତି । ରାଜ୍ୟ ସାରା ସମସ୍ତେ ଏଭଳି ଜାଗ୍ରତ ହେବାର ଆବଶ୍ୟକତା ରହିଛି ।
ଚାନ୍ଦବାଲି ପୀଡିତା ପରିବାରଙ୍କ ସହ ଭେଟ ଏବଂ ଶ୍ରଦ୍ଧାଞ୍ଜଳି ସଭାରେ ପିସିସି ଟିମରେ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା, ପୂର୍ବତନ ପିସିସି ସଭାପତି ଜୟଦେବ ଜେନା, କଂଗ୍ରେସ ବିଧାୟକ ଦଳ ଉପନେତା ଅଶୋକ ଦାସ, ମହିଳା କଂଗ୍ରେସ ଅଧ୍ୟକ୍ଷା ମିନାକ୍ଷୀ ବାହିନୀପତି, ଯୁବ କଂଗ୍ରେସ ସଭାପତି ରଞ୍ଜିତ ପାତ୍ର, ଯୁବନେତା ମନୋଜ ବିଶ୍ୱାଳ, ଭଦ୍ରକ ଜିଲ୍ଲା ସଭାପତି ନଳିନୀ ମହାନ୍ତି, କେନ୍ଦ୍ରାପଡ଼ା ଜିଲ୍ଲା ସଭାପତି ଦେବସ୍ମିତା ଶର୍ମା, ପୂର୍ବତନ ସାଂସଦ ଅନନ୍ତ ସେଠୀ, ନଗେନ୍ଦ୍ର ପ୍ରଧାନ, ବରିଷ୍ଠ ନେତା ଅସିତ ପଟ୍ଟନାୟକ, ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ, ସାଂସଦ ପ୍ରାର୍ଥୀନୀ ମଧୁସ୍ମିତା ସେଠୀ,ଚାନ୍ଦବାଲି ନିର୍ବାଚନ ମଣ୍ଡଳୀ ନେତା ଅମୀୟ ମହାପାତ୍ର, ଦିଗାମ୍ବର ଦାସ ସହିତ ବହୁ କଂଗ୍ରେସ ନେତା ସାମିଲ ଥିଲେ ।