27-Dec-2025

ଟୋନିସ ରୋହିଦାସ୍ ରିପୋର୍ଟ 

ବିବାହିତ ଓ ଅବିବାହିତା ମହିଳାଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା 

ସୁନ୍ଦରଗଡ,ସୁନ୍ଦରଗଡ଼ ଜିଲା ଟାଙ୍ଗରପାଲି ବ୍ଲକ ଅନ୍ତର୍ଗତ ଧଉଁରାଅଢା ଠାରେ ଅଠରଗଡ଼ ଫୁଲମାଳୀ ସମାଜର ତ୍ରୟୋଦଶ ବାର୍ଷିକ ମହୋତ୍ସବ ଗୁରୁବାର ଉଦଯାପିତ ହୋଇଯାଇଛି | ଆୟୋଜିତ ଉଦଯାପନୀ କାର୍ଯ୍ୟକ୍ରମରେ ସୁନ୍ଦରଗଡ଼ ମଣ୍ଡଳ ଉପସଭାପତି ରାଜୁ ପଟେଲଙ୍କ ସଭାପତିତ୍ୱରେ  ବିଧାୟକ ଯୋଗେଶ କୁମାର ସିଂ ମୁଖ୍ୟଅତିଥି ଭାବେ ଯୋଗଦାନ କରି ସମାଜର ବିକାଶ କ୍ଷେତ୍ରରେ ଏକତା

ଜରୁରୀ ବୋଲି ମତାମତ ପ୍ରଦାନ କରିଥିଲେ | ସମ୍ମାନୀତ ଅତିଥି ଭାବେ ସମାଜର ସଭାପତି ପରସରାମ ପଟେଲ, ଛତିଶଗଡ ରାଜ୍ୟର ସାହାଯ୍ୟକାରୀ ସଭାପତି ଲମ୍ବୋଦର ପଟେଲ, ସରିଆ ଉପସଭାପତି କମଲେଶ ପଟେଲ, ସାରଙ୍ଗଗଡ଼ ଉପସଭାପତି ଭିଚରଣ ପଟେଲ, ପୂର୍ବତନ ସାହାଯ୍ୟକାରୀ ସଭାପତି ଟଙ୍କଧର ମାଝୀ, ସମ୍ପାଦକ ଖଗପତି ମାଲାକାର, ପୂର୍ବତନ ସମ୍ପାଦକ କମଲ ପଟେଲ ପ୍ରମୁଖ ମଞ୍ଚାସୀନ ରହି ସମାଜର ବିକାଶ ଦିଗରେ ଭିନ୍ନ ଭିନ୍ନ ଭାବେ ମତାମତ ପ୍ରଦାନ କରିଥିଲେ | ଏଥିରେ ବିବାହିତା ଏବଂ ଅବିବାହିତା ବର୍ଗରେ ଝୋଟି, ରଙ୍ଗୋଲି ତଥା ଗୀତ, ଏକ ମିନିଟ କଳା ପ୍ରଦର୍ଶନ, ଲକ୍ଷ୍ମୀ ପୁରାଣ ପଠନ ହୁଳହୁଳି, ଶଙ୍ଖବାଦନ, ଝିଅ ନଂ 1 ପ୍ରତିଯୋଗିତା କରାଯାଇଥିଲା | କାର୍ଯ୍ୟକ୍ରମ ପ୍ରାରମ୍ଭରେ ଆରାଧ୍ୟାଦେବୀ ମାଆ ସମଲେଇଙ୍କ ପୂଜାର୍ଚ୍ଚନା କରାଯାଇଥିଲା | ପରେ କୃତୀ ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା | କାର୍ଯ୍ୟକ୍ରମକୁ ଫିରୋଜ କୁମାର ପଟେଲ, ଜଗନ୍ନାଥ ଠାକୁର ଉଦିତ ପଟେଲ, ଲଳିତ ପଟେଲ ପ୍ରମୁଖ ପରିଚାଳନା କରିଥିଲେ | କାର୍ଯ୍ୟକ୍ରମକୁ ସୁନ୍ଦରଗଡ଼

ମଣ୍ଡଳ ଏବଂ ଧଉଁରାଅଢ଼ା ଗାଦୀର ମିଳିତ ଉଦ୍ୟମରେ ଆୟୋଜନ କରାଯାଇଥିଲା | ସମାଜର ଅନନ୍ତ ରାମ ପଟେଲ ଡୋଲାମଣି ପାଣ୍ଡେ ପବିତ୍ର ମୋହନ ନାଏକ ରାମଜୀ ପଟେଲ ଦେଶରଞ୍ଜନ ପଟେଲ ହେମନ୍ତ ପଟେଲ ପୌଲସ୍ତୀ ପାଣ୍ଡେ ପ୍ରମୁଖ ଜାତିଭାଇ ନେତୃତ୍ୱ ନେଇଥିଲେ | ପରିଶେଷରେ ଅଶୋକ ପଟେଲ ଧନ୍ୟବାଦ ପ୍ରଦାନ କରିଥିଲେ | ଏଥିରେ ବହୁ ସଂଖ୍ୟାରେ ସୁନ୍ଦରଗଡ଼ ଝାରସୁଗୁଡା ସମ୍ବଲପୁର ବରଗଡ଼, ସମେତ ଛତିଶଗଡ ରାଜ୍ୟରୁ ସମାଜର ମହିଳା ଓ ପୁରୁଷ ଯୋଗଦାନ କରିଥିଲେ |