27-Dec-2025

ବରପାଲି (ସୁଦାମ ଦୀପ) କଦଳୀପାଲିସ୍ଥିତ ଜଗବନ୍ଧୁ ଦାଶ ସ୍ନାତକ ମହିଳା ମହାବିଦ୍ୟାଳୟରେ ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ପଦ୍ମିନୀ ଦାଶଙ୍କ ସଭାପତିତ୍ବରେ 
ଯୁବ ଲେଖକ ନିଲେଶ କୁମାର ଦାଶଙ୍କ ନବୀନ ଇଂରାଜୀ ଉପନ୍ୟାସ ‘Tell Me a Beautiful Lie’ ପୁସ୍ତକର ଉଦ୍ଘାଟନ ହୋଇଯାଇଛି।
ସଭା ପ୍ରାରମ୍ଭରୁ ଅଧ୍ୟାପକ ଯତୀନ୍ଦ୍ର କୁମାର ସାହୁ ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରିତ କରିଥିଲେ।ପ୍ରଭୁ ଗଜାନନଙ୍କ ପାଖରେ ଦ୍ଵୀପ ପ୍ରଜ୍ବଳନ ହେବା ସହ ଅଧ୍ୟାପକ ସୁଧାଂଶୁ କୁମାର ଦାଶଙ୍କ ଦ୍ଵାରା ସଭା ପରିଚାଳିତ ହୋଇଥିଲା।ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ସମ୍ବଲପୁରର ରେଜିଷ୍ଟ୍ରାର ଡ଼. ଚିତ୍ତରଞ୍ଜନ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଉପନ୍ୟାସର ବିଷୟବସ୍ତୁ ଓ ସାମୟିକ ପ୍ରସଙ୍ଗିକତା ଉପରେ ଆଲୋଚନା କରିଥିଲେ। ଇଂରାଜୀ ସାହିତ୍ୟର ପ୍ରଫେସର ଡ଼. ଉମେଶ ଚନ୍ଦ୍ର ମହାପାତ୍ର ଓ ଶ୍ରୀଯୁକ୍ତ ମାନଭଞ୍ଜନ ପାଣିଗ୍ରାହୀ ଉପନ୍ୟାସର ଶୈଳୀ, କାହାଣୀ ଗଠନ ଓ ଆଧୁନିକ ପାଠକ ମନୋଭାବ ସହିତ ତାହାର ସମ୍ପର୍କକୁ ସରଳ ଭାବେ ଉପସ୍ଥାପନ କରିଥିଲେ।ନିଲେଶ କୁମାର ଦାଶଙ୍କ ସାହିତ୍ୟିକ ଯାତ୍ରା ଦୀର୍ଘ ସାଧନାର ଫଳ। ଶିଶୁବୟସରୁ ସାହିତ୍ୟ ତାଙ୍କ ପାଇଁ ଏକ ଆଶ୍ରୟ ଓ ଆତ୍ମସନ୍ଧାନର ମାଧ୍ୟମ। ପ୍ରଥମେ କବିତା ଲେଖନ ମାଧ୍ୟମରେ ସେ ନିଜ ଭାବନାକୁ ପ୍ରକାଶ କରିଥିଲେ। ତାଙ୍କ କବିତା ସଂଗ୍ରହ ‘Whispers of Heart’ ପାଠକମାନଙ୍କ ମଧ୍ୟରେ ତାଙ୍କୁ ଏକ ପରିଚିତ ନାମ କରିଥିଲା।‘Tell Me a Beautiful Lie’ ଉପନ୍ୟାସରେ ଲେଖକ ମାନବ ସମ୍ପର୍କ, ମନସିକ ଦ୍ୱନ୍ଦ୍ୱ, ସତ୍ୟ ଓ ମିଥ୍ୟାର ଜଟିଳ ସମ୍ପର୍କକୁ ଥ୍ରିଲର ଶୈଳୀରେ ଉପସ୍ଥାପନ କରିଛନ୍ତି। ଏହା କେବଳ ଏକ ରୋମାଞ୍ଚକ କାହାଣୀ ନୁହେଁ, ବରଂ ଆମ ସମାଜର କିଛି ଅକୁହା ସତ୍ୟକୁ ଆଇନା ଭଳି ଦେଖାଏ।

ଶ୍ରୀମାନ ନିଲେଶ କୁମାର ଦାଶଙ୍କ ଲେଖନୀରେ ଦେଖାଯାଏ ସୂକ୍ଷ୍ମ ପର୍ଯ୍ୟବେକ୍ଷଣ, ସରଳ ଭାଷା ଓ ଗଭୀର ଅନୁଭୂତି। ଶିକ୍ଷା ଓ ସୃଜନଶୀଳତାକୁ ସମାନ ଗୁରୁତ୍ୱ ଦେଇ ସେ ଆଗକୁ ବଢ଼ୁଛନ୍ତି। ଏହି ଉପନ୍ୟାସ ତାଙ୍କ ସାହିତ୍ୟିକ ଯାତ୍ରାର ଏକ ଗୁରୁତ୍ୱପୂର୍ଣ୍ଣ ପଦଚିହ୍ନ।ଯାହା ଅତିଥି ମାନେ ମତରଖିଥିଲେ।
‘Tell Me a Beautiful Lie’ ମାଧ୍ୟମରେ ନିଲେଶ କୁମାର ଦାଶ ଆଧୁନିକ ଇଂରାଜୀ ସାହିତ୍ୟରେ ନିଜର ଏକ ସ୍ୱତନ୍ତ୍ର ପରିଚୟ ଗଢ଼ିବାର ସଂକେତ ଦେଇଛନ୍ତି—ଯାହା ଆଗାମୀ ଦିନରେ ଆହୁରି ସଶକ୍ତ ହେବ ବୋଲି ଆଶା କରାଯାଉଛି।
ପରିଶେଷରେ ଅଧ୍ୟାପକ ସୁଧାଂଶୁ କୁମାର ଦାଶ ଧନ୍ୟବାଦ୍ ଅର୍ପଣ କରିଥିଲେ।