23-Dec-2025

ସୁବର୍ଣ୍ଣପୁର (ମନୋରଞ୍ଜନ  ତ୍ରିପାଠୀ ) ଗତକାଲି ରାତି ବୁର୍ଡା ରାସ୍ତାର ସର୍ଗୁଣାମୁଣ୍ଡା ଛକ ପାଖରୁ ଯୁବକଙ୍କ ପାଖରୁ ଜବତ ହେଲା ବିପୁଳ ପରିମାଣର କଫ ସିରଫ । ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାୟକ କୌଣସି ସୂତ୍ରରୁ କଫ ସିରଫ ଚୋରା ଚାଲାଣ ହେଇଥିବା ଓ ତାହା ଅର୍ଜୁନପୁର -ବୁର୍ଡା ରାସ୍ତା ରେ ସୋନପୁର ପଟକୁ ଆସୁଥିବା ଖବର ପାଇ ତୁରନ୍ତ ପୋଲିସ ଟିମକୁ ଏବଂ ହରଡଖୋଲ ଆଉଟ୍ ପୋଷ୍ଟ  ଅଧିକାରୀ ରାଜକିଶୋର ବାରିକଙ୍କୁ ଏକତ୍ରିତ ହୋଇ ପେଟ୍ରୋଲିଂ କରିବା ସହ କଡ଼ା ନଜର ରଖିବା ପାଇଁ ନିର୍ଦେଶ ଦେଇଥିଲେ । ବୁର୍ଡା ପଟରୁ ଆସୁଥିବା ଏକ ଏକ ସ୍କୁଟି ନଂ OD17 AE 5708 କୁ  ଅଟକାଇ ଯାଞ୍ଚ କରିବାରୁ ୨ ଟି ଧଳା ବ୍ୟାଗ ରେ ୭୨୦ ବୋତଲ କଫ ସିରଫ ବୋତଲ ସହିତ ଅଭିଯୁକ୍ତ ହେମାନନ୍ଦ ବେହେରା (୨୮) ବର୍ଷକୁ ପୋଲିସ ଧରିବାରେ ସଫଳ ହୋଇଥିବା ସାମ୍ବାଦିକ ସମ୍ମିଳନୀରେ ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାୟକ ଆଜି ସୂଚନା ଦେଇଛନ୍ତି । ଚୋରା କଫ ସିରଫ ର ଆନୁମାନିକ ମୂଲ୍ୟ ୩ ଲକ୍ଷ ୬୦ ହଜାର ରୁ ଉର୍ଦ୍ଧ୍ବ ହେବ ବୋଲି ସୂଚନା ମିଳିଛି । ଅଭିଯୁକ୍ତ ହେମାନନ୍ଦ ବରଗଡ଼ ଜିଲ୍ଲା ଗାଇସିଲେଟ ଥାନା ଅନ୍ତର୍ଗତ ମଲମୁଣ୍ଡା ଗ୍ରାମର ପୁସ୍ତମ ବେହେରା ଙ୍କ ପୁଅ ବୋଲି ସୂଚନା ମିଳିଛି । ଏ ନେଇ ସୋନପୁର ଥାନା ରେ ୨୨.୧୨.୨୫/ ୩୨୪ NDPS ଆକ୍ଟରେ ମାମଲା ରୁଜୁ ହୋଇଥିବା ବେଳେ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଛି ।