13-Nov-2025

ବିନିକା(ହିମାଂଶୁ ଶେଖର ପୁଟେଲ) ବିଲ,ଘାସବୁଦା ହେଉ କି ବଣ ଜଙ୍ଗଲରେ ଦେଖା ଯାଉଥିବା ଏକ କୀଟ ଯଦି କୌଣସି ବ୍ୟକ୍ତିକୁ କାମୁଡି ଦିଏ ତେବେ ପ୍ରଥମେ ତାକୁ ଜ୍ଵର ହେବାସହ ଧୀରେ ଧୀରେ ଜ୍ଵର ବଡିଥାଏ।ଜ୍ଵର ନ ଛାଡ଼ିବା ପରେ ବ୍ୟକ୍ତି ଜଣକ ନିକଟ ଡାକ୍ତରଖାନାରେ ସ୍ବାସ୍ଥ୍ୟ ପରୀକ୍ଷା ପରେ ଟାଇଫଡ଼ ବାହାରେ ।ଔଷଧ ଖାଇଲେ ମଧ୍ୟ କମେ ନାହିଁ ପୁନର୍ବାର ଚେକଅପ କଲେ ଟାଇଫଡ ରହିଥାଏ। ଏପରି ବିନିକା ସହରର ୪/୫ ଜଣ ବ୍ୟକ୍ତି ସ୍କ୍ରବ ଆକ୍ରାନ୍ତରେ ବିନିକା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ହୋଇଥିବା ଜଣାପଡିଛି ।ତେବେ ପ୍ରାଥମିକ ଚିକିତ୍ସା ପରେ ସେମାନଙ୍କ ସ୍ୱାସ୍ଥ୍ୟର ସୁବିଧା ନେଇ ସୁବର୍ଣ୍ଣପୁର ଜିଲ୍ଲା ଚିକିତ୍ସାଲୟ କିମ୍ବା ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।ତେବେ ସେମାନେ ସୁସ୍ଥ ଥିବା ସୂଚନା ମିଳିଛି ।ବର୍ତ୍ତମାନ ସ୍କ୍ରବ ଟାଇଫସ ଆକ୍ରାନ୍ତରେ ଜଣେ ଗର୍ଭବତୀ ମହିଳା ବିନିକା ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି  । ଆକ୍ରାନ୍ତ ମାନଙ୍କୁ ପ୍ରାଥମିକ ଚିକିତ୍ସା କରି ଔଷଧ,ଇଞ୍ଜେକସନ ଦିଆଯାଉଥିବା ମେଡିକାଲ ଅଫିସର ସୂଚନା ଦେଇଛନ୍ତି। ଏହି କୀଟ ପୋକର କାମୁଡ଼ାରେ ସହରର ଅନେକ ବ୍ୟକ୍ତି ବିଶେଷ ଆକ୍ରାନ୍ତ ହେଉଥିବା ଲୋକ ମୁଖରୁ ଶୁଣିବାକୁ ମିଳୁଛି। ଯାହା ଫଳରେ ପୋକର ପ୍ରାଦୁର୍ଭାବକୁ ନେଇ ସହରବାସୀଙ୍କ ଠାରେ ଭୟର ବାତାବରଣ ସୃଷ୍ଟି କରିଛି।ଉକ୍ତ ରୋଗରୁ ବର୍ତିବା ପାଇଁ ସ୍ବାସ୍ଥ୍ୟ ବିଭାଗ କର୍ମଚାରୀ ମାନେ ବିଭିନ୍ନ ସ୍ଥାନରେ କାର୍ଯ୍ୟକ୍ରମ ମାନ ଆୟୋଜନ କରି ଲୋକଙ୍କୁ ସଚେତନ କରୁଥିବା ଜଣାପଡିଛି।