22-Oct-2025

ବିନିକା(ହିମାଂଶୁ ଶେଖର ପୁଟେଲ) ବିନିକା ସହର ସମେତ ବ୍ଲକ ଅଞ୍ଚଳର ବିଭିନ୍ନ ଗ୍ରାମରେ ଗିରିଗୋବର୍ଦ୍ଧନ ପୂଜା ମହାସମାରୋହରେ ପାଳିତ ହୋଇଯାଇଛି l ଏହି ପରିପେକ୍ଷିରେ ବିନିକା କଂସାରିପଡା ସ୍ଥିତ ପୂର୍ଣାମାସି ମନ୍ଦିରରୁ ରାଧାକୃଷ୍ଣ ଓ ଘୁଣ୍ଡୁ ଗୋପାଳଙ୍କୁ ବାହାର କରାଯାଇ ପୂଜାର୍ଚ୍ଚନା କରାଯାଇଥିଲା ପରେ ଯୁବକ ସଂଘ   ସଭାପତି ମନୋଜ ଦାସ ଓ ସମ୍ପାଦକ ରଞ୍ଜନ ଦାସଙ୍କ ନେତୃତ୍ୱରେ ସମସ୍ତ ସଦସ୍ୟ ବିରାଟ ଶୋଭାଯାତ୍ରାରେ ଘଣ୍ଟ, ଶଙ୍ଖ ର ତାଲେ ତାଳେ ରାଧାକୃଷ୍ଣ ଘୁଣ୍ଡୁ ଗୋପାଳଙ୍କୁ ନିକଟସ୍ଥ ଯୋଗେଶ୍ୱର ମନ୍ଦିରକୁ ନିଆଯାଇଥିଲା l  ସେଠାରେ ପୂଜକ ସର୍ବେଶ୍ଵର ପୁରୋହିତ ଓ ସହଯୋଗୀ ମାନଭଞ୍ଜନ ପୂଜାରୀଙ୍କ ଦ୍ଵାରା  ପାରମ୍ପରିକ ରୀତିରେ ପୂଜାର୍ଚ୍ଚନା କରାଯାଇଥିଲା ।ଏହି ଅବସରରେ କମିଟି ସଦସ୍ୟ ମାନେ ଭଜନ, କିର୍ତନ୍ୟ କରି ମଣ୍ଡଳୀ ଚାରିପାଖେ ଘୁରି ପ୍ରଭୁଙ୍କ ସ୍ୱରଣ କରିଥିଲେ ।ପରେ ଶ୍ରଦ୍ଧାଳୁ ଭକ୍ତଙ୍କୁ ପ୍ରସାଦ ବଣ୍ଟନ କରାଯାଇଥିଲା l ଐତିହାସିକ ଘଟଣା ଅନୁସାରେ ଗୋପପୁର ବାସୀ ଇନ୍ଦ୍ର ଦେବତାଙ୍କୁ ପୂଜା କରୁଥିଲେ  । ପ୍ରଭୁ ଶ୍ରୀକୃଷ୍ଣ ପୂଜା ନକରିବା ପାଇଁ କହିବାରୁ ଇନ୍ଦ୍ର ଦେବତାଙ୍କ ପୂଜା ହୋଇ ନଥିଲା ଯାହା ଫଳରେ ଇନ୍ଦ୍ର ଦେବତାଙ୍କ କ୍ରୋଧରେ ସାରା ଗୋପପୁରେ ଘଡଘଡି ସହ ପ୍ରବଳ ବର୍ଷା ଲାଗି ରହିଲା। ମୁଣ୍ଡ ଗୁଞ୍ଜିବାକୁ ସ୍ଥାନ ବି ନଥିଲା ।ଲୋକେ ବର୍ଷାରେ ଜୀବନ ବିକଳରେ ତ୍ରାହି ତ୍ରାହି ହୋଇ ପ୍ରଭୁଙ୍କୁ ଡାକିଥିଲେ। ଠିକ ଏହି ସମୟରେ ପ୍ରଭୁ ଶ୍ରୀକୃଷ୍ଣ ସମସ୍ତ ଗୋପପୁର ବାସୀଙ୍କୁ ବଞ୍ଚାଇବା ପାଇଁ ଗିରି ଗୋବର୍ଦ୍ଧନ ପର୍ବତକୁ ହାତରେ ଟେକି ରକ୍ଷା କରିଥିଲେ ।ଯେହେତୁ ଇନ୍ଦ୍ର ଦେବତା ଆମ ଉପରେ ରାଗିଲେ ତେଣୁ ଇନ୍ଦ୍ରଙ୍କୁ ପୂଜା ନକରି ବୃକ୍ଷ,ପାହାଡ,ନଦୀ,ଗୋମାତାଙ୍କୁ ପୂଜା କରିବା ପାଇଁ ଗୋପପୁର ବାସୀଙ୍କୁ ପରାମର୍ଶ ଦେଇଥିଲେ।ସେହିଦିନ ଠାରୁ ପ୍ରଭୁଙ୍କ ଆଦେଶରେ ଗିରି ଗୋବର୍ଦ୍ଧନ ପୂଜା ପାଳିତ ହୋଇଆସୁଛି ।ସେହିପରି ଅନ୍ୟ ପକ୍ଷରେ ଗୁଲୁଣ୍ତା,ଜାମଛାପର,ଘାଟି ଜାମପାଲି,ତେଲିପାଲି,ଅଏଁଲାମୁଣ୍ଡା,ନାରାଣଟିକିରା ପ୍ରଭୃତି ସ୍ଥାନରେ ଗିରି ଗୋବର୍ଦ୍ଧନ ପୂଜା ମହାସମାରୋହରେ ପାଳିତ ହୋଇଯାଇଛି l