07-Oct-2025

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ବ୍ଲକ ଅଧିନସ୍ଥ ମାଣ୍ଡିଆପଦର ସମଲେଇ ପୀଠ ରେ ମଁl ସମଲେଇ ପୂଜା ଅନୁଷ୍ଠିତ ହୋଇଥିଲା l ଏହି ସମଲେଇ ପୂଜା କାର୍ଯ୍ୟକ୍ରମ ମାର୍କଣ୍ଡ ପାଣ୍ଡେ ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଥିଲା l ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ହୀରାପୁର ସରପଞ୍ଚ ରମାକାନ୍ତ ବିଶ୍ୱାଳ, ସଂଜୀବ ପଧାନ ସମିତିସଭ୍ୟ ସକମା ରୋହିତ ସେଠ, ଲଳିତ ପଧାନ, ବୀରେନ୍ଦ୍ର ଗୁପ୍ତା ଯୋଗ ଦେଇଥିଲେ l ଆଜିର କାର୍ଯ୍ୟକ୍ରମ ରେ ମୁଖତଃ ଗୌଡ଼ ବାଡ଼ି, ପାରାୟଣ, ଦଣ୍ଡନୃତ୍ୟ ଦେଖିବାକୁ ମିଳିଥିଲା l ଏହି ସମଲେଇ ପୂଜା କାର୍ଯ୍ୟକ୍ରମ ଟି ଦୀର୍ଘ ଦଶବର୍ଷ ହେଲା ଚାଲି ଆସୁଅଛି l ପୂଜକ ଯାହାକା ପାଣ୍ଡେ, ଚମାର କାଣ୍ଡ, ନକୁଳ ପୋଢ଼, ବରୁଆ ଗଣ୍ଡାରମ ପୋଢ଼, ଚୂଡ଼ାମଣି ପାଣ୍ଡେ ପ୍ରମୁଖ l କାର୍ଯ୍ୟକ୍ରମ ରେ ସହଯୋଗ କରିଥିଲେ ମାଣ୍ଡିଆପଦର ଯାଦବ ସମାଜ ଗ୍ରାମବୃନ୍ଦ ପ୍ରମୁଖ l ଏହି ଯାତ୍ରାରେ ଅଖପାଖ ଗ୍ରାମ ର ସାହସ୍ରାଧିକ ଶ୍ରଦ୍ଧାଳୁ ଙ୍କ ସମାଗମ ଦେଖିବାକୁ ମିଳିଥିଲା l