05-Sep-2025

ତୁଷୁରା( ପଞ୍ଚାନନ ନାଏକ )ବଲାଙ୍ଗିର ଜିଲ୍ଲା ଗୁଡ଼ଭେଲାବ୍ଳକ ଅନ୍ତର୍ଗତ ଲୁର୍କୀ ଗ୍ରାମରେ ମହାସମାରୋହରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହେଇଯାଇଛି । ଗଣେଶ ପୁଜା କମିଟିର ସଭାପତି ରମେଶ ଚନ୍ଦ୍ର ପ୍ରଧାନଙ୍କ ସଭାପତିତ୍ବରେ ଏକ ସଭା ଅନୁଷ୍ଠିତ ହୋଇ ଥିଲା।  ସମରା ଗ୍ରାମପଞ୍ଚାୟତର ସରପଞ୍ଚ ଗୁଲାପ ସେଠ ମୁଖ୍ଯ ଅତିଥି ଭାବେ ଯୋଗ ଦେଇ ଥିବା ବେଳେ ସମ୍ମାନିତ ଅତିଥି ଭାବେ ସମାଜସେବୀ ବିନୋଦ ବଗର୍ତ୍ତୀ ଯୋଗ ଦେଇ ଥିଲେ । ବିଦେଶୀ ବିଶ୍ୱାଳ ଓ ଭବାନୀ ସାହୁ ମଞ୍ଚାସିନ ଥିଲେ । ଏହି ଅବସରରେ ମ୍ୟୁଜିକ ଚେୟାର,ମାଢିଆ ଫଟା,ଝୋଟି,ବଳ ଫିଙ୍କା, ବକୃତା, ରଚନା, ସାଧାରଣ ଜ୍ଞନ, ଡେନ୍ସ, ଗୀତ ଆଦି ପ୍ରତିଯୋଗିତାମାନ ଅନୁଷ୍ଠିତ ହୋଇ ଥିବା ବେଳେ ୭୫ ଜଣ  ଭାଗ ନେଇ ଥିଲେ । କୃତ ପ୍ରତିଯୋଗୀ ମାନଙ୍କୁ  ମୁଖ୍ୟ ଅତିଥି ପୂରସ୍କୃତ କରିଥିଲେ ।  ପ୍ରଥମ ରୁ ଗ୍ରାଜୁଏସନ ପ୍ରର୍ଯ୍ୟନ୍ତ ପ୍ରଥମ ହୋଇ ଥିବା ସମସ୍ତଙ୍କୁ ସମ୍ମାନିତ କରାଯାଇ ଥିଲା। ଶେଷରେ ପୂଜା କମିଟି ସମ୍ପାଦକ ଜଗଦୀଶ ମେହେର ଧନ୍ୟବାଦ ଅର୍ପଣ କରିଥିଲେ l