08-Aug-2025

ଲୋଇସିଂହା, (ବିନୋଦ ଦୀପ) ଆଜି ସରକାରୀ ଉନ୍ନୀତି ଉଚ୍ଚ ବିଦ୍ୟାଳୟ ରତାଖଣ୍ଡି ରେ ସଂସ୍କୃତ ସପ୍ତାହ ପାଳନ କରାଗଲା l ଉକ୍ତ ଉତ୍ସବ ରେ ମୁଖ୍ୟଅତିଥି ଭାବରେ ବିଦ୍ୟାଳୟ ର ପଞ୍ଚଶଖା ସେତୁ ଯୋଜନା ର ଅଧ୍ୟକ୍ଷ ଶ୍ରୀଯୁକ୍ତ ଭାଗରଥୀ ମେହେର ଉପସ୍ଥିତ ରହି ପିଲାମାନଙ୍କୁ ସଂସ୍କୃତ ର ମହତ୍ୱ ବିଷୟରେ ମନ୍ତବ୍ୟ ଦେଇଥିଲେ l ସମ୍ମାନିତ ଅତିଥି ଭାବେ ବିଦ୍ୟାଳୟ ଏସଏମସି ସଭାପତି ଶ୍ରୀଯୁକ୍ତ ବସନ୍ତ ବରିହା ଯୋଗଦେଇ ପିଲାମାନଙ୍କୁ ସଂସ୍କୃତ ର ଆବଶ୍ୟକତା ବିଷୟରେ ଟିପ୍ପଣୀ ପ୍ରଦାନ କଲେ l ସଂସ୍କୃତ ତଥା ଆଞ୍ଚଳିକ ସାଧନାକେନ୍ଦ୍ର ର ସଂଯୋଜକ ସିଆରସିସି ଶ୍ରୀ ସରୋଜ ପଧାନ ମୁଖ୍ୟବକ୍ତା ଭାବରେ ଯୋଗଦେଇ ଛାତ୍ରଛାତ୍ରୀ ଙ୍କୁ  ସଂସ୍କୃତ ତଥା ଭାରତୀୟ ସଂସ୍କୃତି ବିଷୟରେ ଦିଗଦର୍ଶନ ଦେଇଥିଲେ l ସମ୍ମାନିତ ଅତିଥି ଭାବରେ ମହକ ଟିଭି ଲୋଇସିଂହା ପ୍ରତନିଧି ମହେଶ କର ଓ ପ୍ରେରଣା ଖବର ପ୍ରତିନିଧି ବିନୋଦ ଦୀପ ଉପସ୍ଥିତ ରହି ପିଲାମାନଙ୍କୁ ସଂସ୍କୃତ ର ମହତ୍ୱ, ବର୍ତ୍ତମାନ ସମୟରେ ସଂସ୍କୃତ ର ପ୍ରଚାର ଓ ପ୍ରସାର ବିଷୟରେ ଜଣାଇବା ସହ ଆଗାମୀ ଦିନରେ ସଂସ୍କୃତ ରେ ପିଲା ଙ୍କ ସଫଳତା କାମନା କରିଥିଲେ l

ସଭାର ସଭାପତି ଭାବରେ ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ସରୋଜ କୁମାର ବରିହା ସମସ୍ତ ଙ୍କୁ ସଂସ୍କୃତ ର ମହତ୍ୱ ଓ ଗାରିମା ବିଷୟରେ ଦିଗଦର୍ଶନ ଦେଇଥିଲେ l ବିଦ୍ୟାଳୟ ର ସଂସ୍କୃତ ଶିକ୍ଷକ ଶ୍ରୀଯୁକ୍ତ ଲୋକନାଥ ସାହୁ ସଭା ସଂଚାଳନ କରିଥିଲେ l ଶେଷରେ ଶ୍ରୀଯୁକ୍ତ ଗୋବର୍ଧନ ବେହେରା ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ l ଉତ୍ସବ କୁ ସୁଚାରୁ ସମ୍ପାଦନ ପାଇଁ ବିଦ୍ୟାଳୟ ର ଶିକ୍ଷକ ଶ୍ରୀ ରାମକୃଷ୍ଣ ପଣ୍ଡା, ଶ୍ରୀ ଲୋଚନ ସାହୁ, ଶ୍ରୀ ବୃନ୍ଦାବନ ଗଡ଼ତିଆ, ଶ୍ରୀ ବିଜୟ କୁମାର ପଧାନ, ସମାଜସେବୀ ଅନନ୍ତ କଲେତ, ସମାଜସେବୀ ତଥା ସହଯୋଗ ଶିକ୍ଷକ ଗୌତମ ମେହେର, ଶ୍ରୀ ଶମ୍ଭୁପ୍ରସାଦ ସାଏ ପଟେଲ, ସୁଶ୍ରୀ ସୁଭଦ୍ରା କୁମ୍ଭାର ସହଯୋଗ କରିଥିଲେ l ପରିଶେଷରେ ସଂକୃତ ବସ୍ତୁ ପ୍ରଦର୍ଶନୀ, ସଂସ୍କୃତ ଗୀତ, ଶ୍ଳୋକ ସଂସ୍କୃତିକ କାର୍ଯ୍ୟକ୍ରମ ଦ୍ୱାରା ଉତ୍ସବ ଟି ସମାପ୍ତ ହୋଇଥିଲା l