17-Jul-2025

(ଡୋଲେଶ୍ୱର ବାଗ)
ନୂଆପଡ଼ା ଜିଲ୍ଲା ର ପାଞ୍ଚ ଗୋଟି ବ୍ଲକ ଏବଂ ତିନି ଗୋଟି ବିଜ୍ଞାପିତ ଅଞ୍ଚଳ ପରିଷଦ ରେ ଶାନ୍ତିପୂର୍ଣ୍ଣ ବନ୍ଦ ପାଳିତ ହୋଇଯାଇଅଛି। ପ୍ରଦେଶ କଂଗ୍ରେସ୍ କମିଟି ଆହ୍ବାନ କ୍ରମେ ଖଡିଆଳ ଠାରେ ବନ୍ଦ ପାଳନ୍ କୁ କମଲ ଚରଣ ତାଣ୍ଡି ନେତୃତ୍ୱ ନେଇଥିବା ବେଳେ ନୂଆପଡ଼ା ଠାରେ ଜିଲ୍ଲା ସଭାପତି ସୁରେଶ ଆଜାଦ୍ ଏବଂ ଜିଲ୍ଲା ସଂଯୋଜକ ଘାସିରାମ ମାଝୀ ନେତୃତ୍ୱ ନେଇଛନ୍ତି।  ଜିଲ୍ଲା ଦେଇ ଯାଇଥିବା ୩୫୩ ନମ୍ୱର୍ ଜାତୀୟ ରାଜପଥ କୁ ବିଭିନ୍ନ ସ୍ଥାନ ରେ ଅବରୋଧ ହୋଇଥିବା ବେଳେ ବିଜୁ ଏକ୍ସପ୍ରେସ ୱେ କୁ ମଧ୍ୟ ବିଭିନ୍ନ ସ୍ଥାନ ରେ ଅବରୋଧ କରିଛନ୍ତି। ବାଇକ୍ ଶୋଭାଯାତ୍ରା ଖଡିଆଳ ନଗର ପରିକ୍ରମା କରି ବନ୍ଦ ଡାକରା କୁ ସଫଳ କରିଥିଲେ। ଏହି ବନ୍ଦ ପାଳନ ରେ ଦୋକାନ ବଜାର, ଶିକ୍ଷା ଅନୁଷ୍ଠାନ, ବ୍ୟବସାୟିକ ପ୍ରତିଷ୍ଠାନ, ସରକାରୀ କାର୍ଯ୍ୟାଳୟ, ବେସରକାରୀ ଅନୁଷ୍ଠାନ ସମେତ ସମସ୍ତ ବ୍ୟାଙ୍କ୍ ବନ୍ଦ ରହିଥିଲା। ଆତ୍ମାହୁତି ଦେଇଥିବା ଛାତ୍ରୀଙ୍କ ପ୍ରତି ଉପଯୁକ୍ତ ନ୍ୟାୟ ପ୍ରଦାନ ଦାବୀ କରିଥିବା ବେଳେ ଆସନ୍ତା ଦିନରେ ଆନ୍ଦୋଳନ ତୀବ୍ରତର ହେବ ବୋଲି ପ୍ରକାଶ କରିଛନ୍ତି। ନୂଆପଡ଼ା ଠାରେ ଆଲୋକ ଗୁରୁ, ଭରତ ଲାଲ ରାଉତ, ଅଭୟ ଯୋଷୀ, ମୂରଲୀଧର ନାଏକ, ହୀରା ମାଝୀ ଦେବଦତ୍ତ ଦୀକ୍ଷିତ, ହେମୁ ନିଆଲ ଯୋଗ ଦେଇଥିଲେ।