24-Jan-2021

ମୋହନା (ପ୍ରେରଣା ଖବର) ::  ବ୍ରିଜରେ ଝୁଲିଛି ଯାତ୍ରୀବାହୀ ବସ । ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତିଲେ ୫୦ରୁ ଅଧିକ ଯାତ୍ରୀ । ଗଞ୍ଜାମ ଜିଲ୍ଲା ଖେମୁଣ୍ଡିଖୋଲ ନିକଟରେ ଘଟିଛି ଘଟଣା ।

ଖବର ଅନୁଯାୟୀ, ମହାବୀର ନାମକ ଯାତ୍ରୀବାହୀ ବସଟି ଆଜି ସକାଳେ ଗଜପତି ଜିଲ୍ଲା ଅନ୍ତରବାରୁ ବ୍ରହ୍ମପୁର ଯାଉଥିଲା । କିନ୍ତୁ ଖେମୁଣ୍ଡିଖୋଲ ନିକଟସ୍ଥ ଏକ ବ୍ରିଜକୁ ଧକ୍କା ଦେଇଥିଲା ବସ୍‌ । ଯାହାଫଳରେ ବସ୍‌ଟି ବ୍ରିଜର ଗାର୍ଡ ଓ୍ୱାଲ୍‌କୁ ଧକ୍କା ଦେଇ ଝୁଲି ରହିଛି ।

ବସରେ ଥିବା ୫୦ରୁ ଅଧିକ ଯାତ୍ରୀ ଅଳ୍ପକେ ବର୍ତିଯାଇଛନ୍ତି । ବସର ହେଲପେର ସାମାନ୍ୟ ଆହତ ହୋଇଥିବା ଜଣାପଡିଛି । ସେହିପରି ଅନ୍ୟ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବସ୍‌ରୁ ଉଦ୍ଧାର କରିଥିଲେ ସ୍ଥାନୀୟ ଲୋକେ । ଏହି ବ୍ରିଜଟି ତପ୍ତପାଣି ଘାଟିର ଶେଷ ଭାଗରେ ରହିଥିବା ବେଳେ ଅଣଓସାରୀଆ ଯୋଗୁ ସେହି ସ୍ଥାନରେ ଦୁର୍ଘଟଣା ଘଟିଥିବା ଜଣାପଡ଼ିଛି ।