28-May-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଲୁହୁରାମୁଣ୍ଡା ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସର ମଧ୍ୟରେ ପଞ୍ଚାୟତ ସ୍ତରୀୟ ଜନ ଶୁଣାଣି କାର୍ଯ୍ୟକ୍ରମ୍ ଅନୁଷ୍ଠିତ ହୋଇ ଯାଇଛି l ଉକ୍ତ କାର୍ଯ୍ୟକ୍ରମ ରେ ସରପଞ୍ଚ ଲୀନାକ୍ଷୀ ନାୟକ ଙ୍କ ଅଧ୍ୟକ୍ଷତାରେ ଶିବିର ପରିଚାଳନା ହୋଇଥିଲା l ଶିବିର ରେ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଯୋଗ ଦେଇଥିଲେ l ଆଜିର ଶିବିରରେ 12 ଟି ଅଭିଯୋଗ ପଞ୍ଜିକୃତ ହୋଇଥିଲା l ଏଥିରେ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ପାନୀୟ ଉପରେ ଅଭିଯୋଗ ଆସିଥିଲା l ଏହାସହ ଭତ୍ତା , ଜମି ଉନ୍ନତି କରଣ, ହରିଶ୍ଚନ୍ଦ୍ର ଯୋଜନା , ରାସ୍ତା ନିର୍ମାଣ ପ୍ରଭୁତି ଉନ୍ନତି ମୂଳକ କାର୍ଯ୍ୟ ଉପରେ ଶୁଣାଣି ହୋଇଥିଲା l ପଂଚାୟତ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଗୁଣନିଧି  ଦଣ୍ଡସେନା ଙ୍କ ତତ୍ତ୍ଵାବଧାନରେ  ଶିବିର ପରିଚାଳିତ ହୋଇଥିଲା l ଉକ୍ତ ଗ୍ରାମ ପଞ୍ଚାୟତକୁ ବ୍ଲକ ସ୍ତରରେ ପ୍ରଥମ ସ୍ଥାନ ମିଳିବା ସହିତ ପୁରସ୍କୃତ ମଧ୍ୟ କରା ଯାଇଥିବା ସୂଚନା ମିଳିଛି। ପଞ୍ଚାୟତ ରେ ସମସ୍ତ ପ୍ରକାର ଉଲ୍ଲେଖନୀୟ କାର୍ଯ୍ୟରେ ସଫଳତା ପାଇଁ ଏହି ପୁରସ୍କାର ପ୍ରଦାନ କରା ଯାଇଥିବା ଜଣା ପଡିଛି l ବ୍ଲକ ରୁ ଆଜିର ଏହି ଜନ ଶୁଣାଣୀ ଶିବିର କୁ ଜ୍ଞାନ ରଞ୍ଜନ ସ। , ଅଂଶୁମାନ ଦେବ ବାବୁ , ସୁଶାନ୍ତ ମହାକୁର , ବିଭୂତି ସାମଲ , ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପଧାନ୍,ଧୁବଳ କିଶୋର ମଲ୍ଲିକ , ସୁନୀଲ ସାହୁ ,ଅଭି ରାମ ସାହୁ , ଅତିରିକ୍ତ ଶିକ୍ଷା ଅଧିକାରୀ ରଜନୀ କାନ୍ତ ସାହୁ ଓ ଗ୍ରାମ ପଞ୍ଚାୟତ ର କର୍ମଚାରୀ ମାନେ ଉପସ୍ଥିତ ରହି ସହଯୋଗ କରିଥିଲେ l