28-May-2025

ବରୀ(ରଞ୍ଜିତ ମହାନ୍ତ): | ଅଭିମନ୍ୟୁ ବାଲିଆ, ରାତି ପାହିଲେ ପାଳିଥାନ୍ତେ ସାବିତ୍ରୀବ୍ରତ। ସ୍ବାମୀର ଦୀର୍ଘଜୀବନ ପାଇଁ ସାବିତ୍ରୀ ବ୍ରତ କରିବାକୁ ସବୁ ପ୍ରସ୍ତୁତ ହେଉଥିବାବେଳେ ହଠାତ ପହଞ୍ଚିଥିଲା ସ୍ବାମୀଙ୍କ ମୃତ୍ୟୁ ଖବର। ସୁଦୂର ଗୁଜରାଟରେ କାମ କରିବାକୁ ଯାଇଥିବା ବାଲିବିଲ ଗ୍ରାମର ୩୪ ବର୍ଷୀୟ ଯୁବକ ଦଶରଥଙ୍କର ଏକ ବାଇକ୍ ଦୁର୍ଘଟଣାରେ ମୃତ୍ୟୁ ଘଟିଛି। ଦୁର୍ଘଟଣାରେ ସେ ଗୁରୁତର ହୋଇଥିଲେ। ସଙ୍ଗେସଙ୍ଗେ ତାଙ୍କୁ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ସେ ଆଖିବୁଜିଥିଲେ। ମଙ୍ଗଳବାର ସକାଳେ ତାଙ୍କ ମରଶରୀର ଜନ୍ମମାଟିରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି | ପତ୍ନୀ ଓ କୁନିଝିଅ ସହିତ ବିଧବା ମା'ଙ୍କର ଆକୁଳ କ୍ରନ୍ଦନରେ ଫାଟି ପଡୁଥିଲା ତାଙ୍କ ଘର। ଗ୍ରାମବାସୀ ଓ ବହୁ ବିଶିଷ୍ଟ ବ୍ୟକ୍ତି ପହଞ୍ଚି ଶେଷଦର୍ଶନ କରିଥିଲେ | ଗ୍ରାମ ଶ୍ମଶାନରେ ଶେଷକୃତ୍ୟ କରାଯାଇଛି। ଶବ ଯାତ୍ରାରେ ସାମାଜିକ କର୍ମୀ ଶିଶିର କୁମାର ମଲିକ, ମାନଗୋବିନ୍ଦ ସାମଲ, ରବୀନ୍ଦ୍ର ସ୍ବାଇଁ, ବିଷ୍ଣୁ ଚରଣ ସାମଲଙ୍କ ସମେତ ସ୍ଥାନୀୟ ଲୋକମାନେ ଉପସ୍ଥିତ ଥିଲେ