27-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଖଟଖଟିଆ ପଞ୍ଚାୟତ ର କେଉଟିପାଲି ଠାରେ ସୋନପୁର ଜିଲ୍ଲାର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଗ୍ରାମଉତଥାନ ଦ୍ଵାରା ଯୁବ ବିକାଶ କାର୍ଯ୍ୟକ୍ରମର ପ୍ରଥମ  ମହଲ୍ଲା ସଭା ଅନୁଷ୍ଠିତ ହୋଇଯାଇଛି । ଦୀର୍ଘ ନଅ ମାସ ହେବ ଯୁବ ବିକାଶ କାର୍ଯ୍ୟକ୍ରମ ଚାଲି ଆସୁଅଛି । ଏହି କାର୍ଯ୍ୟକ୍ରମ ଦି କମ୍ୟୁନିଟି ୟୁଥ କଲେକ୍ଟିଭ, ଦିଲ୍ଲୀ  ର ସହାୟତାରେ କରାଯାଉଅଛି । ଏହି ମହଲ୍ଲା ସଭାକୁ ଯୁବ ବିକାଶ କାର୍ଯ୍ୟକ୍ରମର ପରିଚାଳକ କ୍ଷିରେନ୍ଦ୍ର ରଣା ପରିଚାଳନା କରିଥିବାବେଳେ  ମିତା ଦେହୁରୀ  ଓ ବର୍ଷା ଦନ୍ତା ତାଙ୍କୁ ସହଯୋଗ କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଯୋଗିନ୍ଦ୍ରପୁର ଗ୍ରାମପଞ୍ଚାୟତର ସରପଞ୍ଚ ନମିନୀ ମୀନକେତନ ପଧାନ ମୁଖ୍ୟଅତିଥି ଓ ସମ୍ମାନିତ ଅତିଥି ଭାବେ ଗ୍ରାମଉତଥାନ୍ ର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀଯୁକ୍ତ ପ୍ରତାପ କୁମାର ପଧାନ,ଜୟକୃଷ୍ଣ ଉଚ୍ଚ ମାଧ୍ୟମିକ ବିଦ୍ୟାଳୟ ଦମମୁଣ୍ଡା ଇତିହାସ ଅଧ୍ୟାପକ ସଚିତାନନ୍ଦ କର୍ଣ୍ଣ,କେଉଟିପାଲି ୱାର୍ଡ ମେମ୍ବର ଗୀତାଞ୍ଜଳି ସେଠୀ, କଳିଙ୍ଗ ଟିଭି ବୌଦ୍ଧ ଜିଲ୍ଲା ପ୍ରତିନିଧି ଭାର୍ଜନ କୁମାର ପଧାନ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଯୁବକ ଓ ଯୁବତୀମାନେ ମିଶି ଏକ ପଥପ୍ରାନ୍ତ ନାଟକ ମୃତ୍ତିକା ପ୍ରଦୂଷଣ ପରିବେଷଣ କରିଥିଲେ । ତାପରେ ଅତିଥିମାନେ, ଗ୍ରାମବାସୀ, ଯୁବଗୋଷ୍ଠୀ, ଅଭିଭାବକ ଓ ଅଭିଭାବିକାମାନେ ମୃତ୍ତିକା ପ୍ରଦୂଷଣକୁ ରୋକିପାରିବା ତାହାର ସମସ୍ଯାର ସମାଧାନ ବିଷୟରେ ଆଲୋଚନା କରାଯାଇଥିଲା। ରାସାୟନିକ ସାର ବଦଳରେ ଜୈବିକ ସାରର ମହତ୍ଵ ବିଷୟରେ ମତବ୍ୟକ୍ତ କରାଯାଇଥିଲା । ଶେଷରେ ଗ୍ରାମଉତଥାନର ସଦସ୍ୟ ରଶ୍ମିତା ପାଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ଓ ସୁବଳ ମେହେର ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ୪୦ ଜଣ ଯୁବକ ଯୁବତୀ ଅଂଶଗ୍ରହଣ କରିଥିବାବେଳେ କେଉଟିପାଲି ଗ୍ରାମବାସୀ ଯୋଗଦାନ କରିଥିଲେ ।