21-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ବିକାଶ ମଞ୍ଚ ତରଫରୁ ସଭାପତି ସର୍ଦ୍ଦାର ପ୍ରୀତମ ସିଂଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଦେବାନନ୍ଦ ସାହୁଙ୍କ ସହିତ ସାକ୍ଷାତ କରି ସହରରେ ବୁଲା ଗୋରୁଗାଈ ଓ ବୁଲାକୁକୁର ସମସ୍ଯା ତଥା ସହରର ଥାନା ଛକ୍ ପାଖ ମୁଖ୍ଯ ରାସ୍ତାକୁ ଅବରୋଧ କରି ପନି ପରିବା ବିକ୍ରି କରୁଥିବା ଦୋକାନୀ ମାନଙ୍କ ରାସ୍ତା ସମସ୍ୟା ଦୂର କରି ଅନ୍ୟ  ସ୍ଥାନକୁ ଥଇଥାନ କରିବା ସହ ତାଙ୍କ ପାଇଁ ବିଭିନ୍ନ "ଭେଣ୍ଡିଙ୍ଗ ଯୋନ" ନିର୍ମାଣ କରି ତାଙ୍କ ପାଇଁ ସ୍ଥାୟୀ ବ୍ୟବସ୍ଥା ବିଷୟରେ ଆଲୋଚନା ଚର୍ଚ୍ଚା ହେଲା। ଶ୍ରୀ ସାହୁ ଉକ୍ତ ସମସ୍ୟା କୁ ଶୁଣି ଏହାର ଶୀଘ୍ର ସମାଧାନ କରାଯିବ ବୋଲି କହିଥିଲେ। ଉକ୍ତ ଚର୍ଚ୍ଚା ସମୟରେ ପ୍ରମୁଖ ସଦସ୍ୟ ଶ୍ରୀ ମନୋରଞ୍ଜନ ପୂଜାରୀ, ଶ୍ରୀ ରାମକୃଷ୍ଣ ମେହେର,   ଶ୍ରୀ ତୁଳସୀ ଚରଣ ଦାଶ,ଶ୍ରୀ ଗୋବିନ୍ଦ ଦାଶ ଶ୍ରୀ ଆଶୁତୋଷ ରଥ,
 ଶ୍ରୀ ନବକୃଷ୍ଣ ମିଶ୍ର ଓ ଶ୍ରୀ ଅଶୋକ ମହାପାତ୍ର ଆଲୋଚନାରେ ଅଂଶ ଗ୍ରହଣ କରିଥିଲେ।