30-Apr-2025

ବଲାଙ୍ଗୀର(ପ୍ରେରଣା ଖବର): ବୁଧବାର ସଦର ମହକୁମା ଲର୍କିପାଲି ଗାଁରେ ୮୪ ଘର ଅଘରିଆ ସମାଜ ବଲାଙ୍ଗୀର ଜିଲ୍ଳା ତରଫରୁ ପବିତ୍ର ଅକ୍ଷୟ ତୃତୀୟା ଅବସରରେ ଅଖିମୁଠି ଅନୁକୂଳ କରାଯାଇ ଭୂଦେଵୀ ଓ ଶ୍ରୀଦେବୀଙ୍କୁ ପୂଜା କରି ଧାନ ବୁଣା ଶୁଭାରମ୍ଭ କରାଯାଇଥିଲା। କେନ୍ଦ୍ର ସଭାପତି ଶୁଭ୍ରାଂଶୁ ଶେଖର ପଟେଲ ଓ କୃଷକ ମଞ୍ଚ ସଭାପତି ଉଦୟ ନାଏକଙ୍କ ଉଦ୍ୟମ କ୍ରମେ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ ବଲାଙ୍ଗୀର ଉପଜିଲ୍ଲାପାଳ ଆଲୋକ କୁମାର ରାଉତ। ଏକ ଟ୍ରାକ୍ଟର ରାଲି ଓ କୀର୍ତ୍ତନ୍ୟ ଶୋଭାଯାତ୍ରାରେ ପୂଜାସ୍ଥଳୀ କୁ ମୁଖ୍ୟ ଅତିଥି ଯାଇ ଅଖିମୁଠି ଅନୁକୂଳ କରି ସମାଜର ଶୃଙ୍ଖଳିତ କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ବରିଷ୍ଠ ଉପଦେଷ୍ଟା ଚିତ୍ତରଞ୍ଜନ ପଟେଲ,ଗାଁ ଗୌନ୍ତିଆ ମନମୋହନ ରାଉତ ପୂଜାର୍ଚନା କରି ବିରଞ୍ଚି ରାଉତଙ୍କ ହଲିଆ ଗୀତର ତାଳେ ତାଳେ ଧାନ ବୁଣା କାର୍ଯ୍ୟ ହୋଇଥିଲା । ପରେ ଏକ ସଭାର ଆୟୋଜନ କରାଯାଇ  ସମାଜ ସଂସ୍କାର ଉପରେ ଆଲୋଚନା ହୋଇଥିଲା । ସଭାପତି ଶୁଭ୍ରାଂଶୁ ଶେଖର ପଟେଲ,ବଲାଙ୍ଗୀର ମଣ୍ଡଳ ସଭାପତି ଗୋବିନ୍ଦଚନ୍ଦ୍ର ପଟେଲ ଓ କୃଷକ ମଞ୍ଚ ସଭାପତି ବକ୍ତବ୍ୟ ରଖିଥିଲେ । ଉପଦେଷ୍ଟା ଦ୍ୱାରିକା ନାଥ ପଟେଲ ଚିତ୍ତରଞ୍ଜନ ପଟେଲ,ପୂର୍ଣଚନ୍ଦ୍ର ରାଉତ ,ରାଜ କୁମାର ପଟେଲ,ଭାଲେର ମଣ୍ଡଳ ସଭାପତି ରାଜ କିଶୋର ନାଏକ, ସଦାଇପାଲି ଗୁଡ଼ି ସଭାପତି ରାମେଶ୍ୱର ନାଏକ,ମହିଳା ମଞ୍ଚ ସଭାପତି ମିତା ରାଉତ,ଭଇଷା ମଣ୍ଡଳ ଉପ ସଭାପତି

ବିରଞ୍ଚି ରାଉତ ମଞ୍ଚାସୀନ  ଥିଲେ। କାର୍ଯ୍ୟକ୍ରମରେ ୧୮ ଗୁଡ଼ି ସଭାପତି ଓ କର୍ମକର୍ତ୍ତା,ମଣ୍ଡଳ କର୍ମକର୍ତ୍ତା, କେନ୍ଦ୍ର କର୍ମକର୍ତ୍ତା, ମହିଳାମଞ୍ଚ, ଯୁବା ମଞ୍ଚ, କୃଷକ ମଞ୍ଚ, ପୁସ୍ତକ କମିଟି, ଶିକ୍ଷା କମିଟି,ନିର୍ମାଣ କମିଟିର ସମସ୍ତ କର୍ମକର୍ତ୍ତା,ନିର୍ବାଚନ ଅଧିକାରୀ ଓ ସମୀକ୍ଷକ ମଣ୍ଡଳୀ   ଯୋଗଦେଇ ଉତ୍ସାହିତ କରିଥିଲେ । ବିଶେଷ କରି ଲର୍କିପାଲି ଗାଁ ର ସହଯୋଗ ଦ୍ୱାରା କାର୍ଯ୍ୟକ୍ରମ ସଫଳ ହୋଇଥିଲା। କାର୍ଯ୍ୟକ୍ରମକୁ ସଂଯୋଜନା ସହ ଧନ୍ୟବାଦ ଅର୍ପଣ କାର୍ଯ୍ୟ ସାଧାରଣ ସମ୍ପାଦକ ଦିଗାମ୍ବର ନାଏକଙ୍କ ଦ୍ୱାରା ସମାହିତ ହୋଇଥିଲା ।