27-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ବିଜେପୁର ବିଜ୍ଞାପିତ ଅଞ୍ଚଳ ପରିଷଦର ଅନ୍ତର୍ଗତ କେଉଁଟିପାଲିରେ କିଛି ସରକାରୀ ଜମି ଅଛି ଯାହା କେଉଁଟିପାଲି ଜନସାଧାରଣ ପାଇଁ ବ୍ୟବହାର ଉପଯୋଗୀ। ବିଜେପୁର ଅଞ୍ଚଳ ରେ ଅନେକ ସରକାରୀ ଜମି ରହିଅଛି ହେଲେ ସରକାର ସେହି ସର୍ବସାଧାରଣ ଜାଗାକୁ ଭୂମିହୀନ ମାନଙ୍କୁ ଦେବାକୁ ସ୍ଥିର କରିଛନ୍ତି ଯାହା ଗ୍ରାମର ସାମୂହିକ କାର୍ଯ୍ୟ ପାଇଁ ସେହି ଜାଗାରେ ବ୍ୟବହାର ହେଉଅଛି ତେଣୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି। କେଉଁଟିପାଲି ଗ୍ରାମ ବିଜେପୁର ବିଜ୍ଞାପିତ ଅଞ୍ଚଳ ପରିଷଦର ଅନ୍ତର୍ଗତ ହୋଇଥିଲେ ହେଁ ଗୋଟିଏ ଗାଉଁଲି ପରିବେଶ ଓ ଅନେକ ଲୋକ ଗାଈଗୋରୁ ଓ ଗୃହପାଳିତ ପଶୁ ରଖିଛନ୍ତି ତେଣୁ ଆଉ କେତେକ ଜାଗାରେ ଗୋରୁ ଚରିବା ପାଇଁ ଉଦ୍ଦିଷ୍ଟ।ଆଉ କିଛି ଜାଗାରେ ଗ୍ରାମର ଯୁବପିଢିଙ୍କ ଖେଳ ପଡିଆ ହୋଇଛି। ତାହା ବହୁ ପୂର୍ବରୁ ବିଜେପୁର ତହସିଲଦାରଙ୍କୁ ଜଣାଇ ଆସୁଛନ୍ତି କେଉଁଟିପାଲି ଗ୍ରାମବାସୀ ବୃନ୍ଦ ତଥାପି ସତ୍ତ୍ୱେ ତହସିଲଦାର କଣ ପାଇଁ ସେହି ଜମିକୁ ଭୂମିହୀନଙ୍କ ପାଇଁ ଚିହ୍ନଟ କରିଛନ୍ତି।ଆଜି ସେହି ଜାଗା ବଣ୍ଟନ ପାଇଁ ଅତିରିକ୍ତ ତହସିଲଦାର ସହ ଅନେକ ପୋଲିସ କର୍ମଚାରୀ ଉପସ୍ଥିତ ଥିଲେ କିନ୍ତୁ ଗ୍ରାମବାସୀ ସମସ୍ତେ ଉତ୍ୟକ୍ତ ହୋଇ ଗ୍ରାମର ଆବଳ ବୃଦ୍ଧ ବନିତା ସହ ମାଆମାନେ ଧାରଣା ଦେଇଥିଲେ। ଖରା ପାଇଁ ଲୋକେ ହନ୍ତସନ୍ତ ହେଉଥିବା ବେଳେ ଗ୍ରାମର ସମସ୍ତେ ନିଜର ଅଧିକାର ଓ ସାମୂହିକ କାର୍ଯ୍ୟ ପାଇଁ ଖରାକୁ ମଧ୍ୟ ଭ୍ରୁକ୍ଷେପ ନକରି ଆନ୍ଦୋଳନରତ ଥିଲେ। ଅଞ୍ଚଳରବାସୀ ମାନଙ୍କର ମନରେ ପ୍ରଶ୍ନ ଉଙ୍କି ମାରୁଛି ବାରମ୍ବାର ତହସିଲଦାରଙ୍କୁ ଜଣାଇବା ସତ୍ତ୍ୱେ କାହିଁକି ସର୍ବସାଧାରଣ ଓ ସାମୂହିକ ଉନ୍ନତି ସାଧନ ସ୍ଥାନରେ ଜାଗା ଚିହ୍ନଟ କରିଛନ୍ତି କଣ ତାଙ୍କର ଲାଭ ଅଛି। ଏହି ପରିପ୍ରେକ୍ଷୀରେ କେଉଁଟିପାଲି ଗ୍ରାମବାସୀ ବୃନ୍ଦ ଆହୁରି ଉତ୍ୟକ୍ତ ହୋଇ କହୁଛନ୍ତି ଯଦି ତହସିଲଦାର ନ ମାନିଲେ ଆନ୍ଦୋଳନ ଆଗକୁ ତୀବ୍ର ରୂପ ଧାରଣ କରିବ ବୋଲି। ଏ ଅଞ୍ଚଳର ଜନସାଧାରଣ ମଧ୍ୟ କହୁଛନ୍ତି ଯେହେତୁ ବିଜେପୁରରେ ଅନେକ ଅଦରକାରୀ ଜାଗା ପଡ଼ିରହିଛି ସେଠି ଭୂମିହୀନଙ୍କୁ ଜାଗା ଯୋଗାଇ ଦେବାକଥା କିନ୍ତୁ ଏହି ସର୍ବସାଧାରଣ ସାମୂହିକ ଜାଗାରେ କାହିଁକି ଦେଉଛନ୍ତି ବୋଲି।