26-Apr-2025

 ଅତାବିରା(ଆକାଶ ମିଶ୍ର) ଗୋଡଭଗା ଶ୍ରୀ ଜଗନ୍ନାଥ ମନ୍ଦିର ପ୍ରତିଷ୍ଠା ମହୋତ୍ସବ ର ଆଜି ତୃତୀୟ ସନ୍ଧ୍ୟାରେ କାଳ ବୈଶାଖୀ ର ତାଣ୍ଡବ ଲୀଳା ର ପ୍ରକୋପ କୁ ଡେଖି ଶ୍ରଦ୍ଧାଳୁ ଭକ୍ତ ,କଳାକାର ତଥା ଆୟୋଜକ ମାନଙ୍କ ମନରେ କିଛି କ୍ଷଣ ପାଇଁ  ନୈରାଶ୍ୟ ଭାବନା ଦେଖାଦେଇଥିଲା  କାର୍ଯ୍ୟକ୍ରମର ସଫଳତା ଓ ରୀତିନୀତି ସମ୍ପନ୍ନକୁ ନେଇ।କିନ୍ତୁ ଭାବର ଜଗନ୍ନାଥ ଭକ୍ତଙ୍କ ଭାବନା କୁ ବୁଝିପାରି ସତେ ଯେମିତି କାଳବୈଶାଖୀକୁ ଶାନ୍ତ  କରିଦେଲେ ।ପୁଣି ଥରେ ସମସ୍ତେ ଉତ୍ଫୁଳିତ ହୋଇ   ଜୟ ଜଗନ୍ନାଥ ଧ୍ବନିରେ ଉଛୁଳି ପଡ଼ିଥିଲା  ମହୋତ୍ସବ ଅଞ୍ଚଳ।   ଗୋଡଭଗା ନିକଟସ୍ଥ ଗଡତିଆ ପାଲି ତଥା ଆଖପାଖ ଅଂଚଳର ଜୁଗାର ଯାତ୍ରା  ଶତାଧିକ ପୁରୁଷ ମହିଳା ଶ୍ରଦ୍ଧାଳୁ ବାଜା,ଘଣ୍ଟ,ଶଙ୍ଖ  ରୋଶଣୀ ସହ  ବିଶାଳ ଶୋଭାଯାତ୍ରା  ଯଜ୍ଞ ମଣ୍ଡପ  ପର୍ଯ୍ୟନ୍ତ ପହଞ୍ଚିଥିଲା।  ଆଜି  ତୃତୀୟ ଦିବସରେ ପ୍ରାତଃ ଦେବା ଦେବୀଙ୍କ ପୂଜନ ପରେ , ମୁଖ୍ୟ ଦେବତାଙ୍କ  ଷୋଡଶ  ପୁଜା ,ଦେବତା ମହା ସ୍ନାନ, ବୈଦିକ ସୁକ୍ତ ଓ ଗୋପାଳ ସହସ୍ର ନାମ ସହ ରୁଦ୍ରାଜାଗ ହୋମ ଆଦି ପୂଜା କାର୍ଯ୍ୟକ୍ରମ ପରେ ସନ୍ଧ୍ୟାରେ  ମହାପ୍ରଭୂ ଙ୍କୁ  ଯୁଗାର ଅର୍ପଣ ଓ ଯଞ୍ଜମଣ୍ଡପ ବେଢା ପରିକ୍ରମା  ସହ  ନୂତନ ମନ୍ଦିର ପରିକ୍ରମା କରିଥିଲେ । ସାଂସ୍କୃତିକ କାର୍ଯ୍ୟକ୍ରମ ମୁରାସୂର୍ ବଧ ର ଦ୍ଵିତୀୟ ସନ୍ଧ୍ୟାରେ ମୁରାସୁର   ଦରବାର  ଚାଲିଥିଲା ।ଏହା ବ୍ୟତୀତ  ଢେଙ୍କାନାଳ ର ମା ମଙ୍ଗଳା ପାଲା ପରିଷଦ(ମହିଳା) ର ପାଲା ଓ ବରଗଡ କଲାଜିବି  ଡାନ୍ସ ଗ୍ରୁପ  ଦ୍ଵାରା ରଙ୍ଗାରଙ୍ଗ କାର୍ଯ୍ୟକ୍ରମ ହୋଇଥିଲା ।ଆଜି ବରଗଡ ସାଂସଦ ପ୍ରଦୀପ ପୁରୋହିତ ଏହି ମହୋତ୍ସବରେ ଯୋଗ ଦେଇ ଜଗନ୍ନାଥ ସଂସ୍କୃତି ଓ ତାର ମହାନତା ଉପରେ ନିଜର ବକ୍ତବ୍ୟ ରଖିବା ସହ ଜଗନ୍ନାଥଙ୍କ  ଭକ୍ତିରେ ଗଦଗଦ ହୋଇ ପଡ଼ିଥିଲେ ।