18-Jan-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ   ଲୋଇସିଂହା ବିଧାୟକ  ଡ଼ ମୁକେଶ ମହାଲିଙ୍ଗ ସୋମବାର ଆସିଥିଲେ l ଅତିଥି ଏହି ଉପଲକ୍ଷେ ଟୀକାକରଣ କାର୍ଯ୍ୟ ଶୁଭାରମ୍ଭ କରିଥିଲେ l ଡା. ପ୍ରତିମା ସୋରେନ ସମେତ ଆଗଧାଡିର 100ଜଣ କୋବିଡ ଯୋଦ୍ଧl ଟୀକା ନେଇଛନ୍ତି, ଏହାପରେ ଡ଼. ବିଧାୟକ ମହାଲିଙ୍ଗ ସ୍ୱାସ୍ଥ୍ୟକେନ୍ଦ୍ର ପରିସରରେ ଚାଲିଥିବା ବିଭିନ୍ନ ଉନ୍ନୟନ କାମ ବୁଲି ଦେଖିଥିଲେ l  ଗୋଷ୍ଠୀ ପାଇଖାନା ନିର୍ମାଣର କମଦିନ ମଧ୍ୟରେ ବ୍ୟବହାର ଅନୁପଯୋଗୀ ହୋଇ ପଡ଼ିଥିବା ଜାଣିବାକୁ ପାଇଥିଲେ ବିଧାୟକ l ଏହାପରେ ବ୍ଲକ ପକ୍ଷରୁ କରାଯାଇଥିବା କେତେକ କାମର ଅନୁଦାନ ବିଷୟରେ ସଠିକ ତଥ୍ୟ ନ  ରଖିପାରିବାରୁ ବ୍ଲକ ସହକାରୀ ଯନ୍ତ୍ରୀ ପ୍ରକାଶ ସେଠି ଓ କାମ ତଦାରଖ ଦାୟିତ୍ୱରେ ଥିବା ରଜନୀକାନ୍ତ ବେହେରା ଯନ୍ତ୍ରୀଙ୍କ ଅନୁପସ୍ଥିତିକୁ ନେଇ ବିଧାୟକ କ୍ଷୋଭ ପ୍ରକାଶ କରିଥିଲେ, ସ୍ୱାସ୍ଥ୍ୟକେନ୍ଦ୍ରରେ ଗୋଟିଏ ମୁଖ୍ୟ ଫାଟକ ରଖିବାକୁ ବିଧାୟକ ନିର୍ଦେଶ ଦେଇଥିଲେ l