18-Jan-2021

କଣ୍ଟାବାଞ୍ଜି, (ପ୍ରେରଣା ଖବର) :ମେଲେରିଆ ପ୍ରବଣ ତୁରେକେଲା ବ୍ଲକସ୍ଥିତ ଗୋଷ୍ଠୀ ଉନ୍ନୟନ ଅଧିକାରୀଙ୍କ ସଭା ଗୃହରେ ତୁରେକେଲା ବ୍ଳକରେ କାର୍ଯ୍ୟରତ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ଏକ ବ୍ଳକ ସ୍ତରୀୟ ମଶାରୀ ବଣ୍ଟନ ସଚେତନତା ତାଲିମ ଶିବିର ଅନୁଷ୍ଠିତ ହୋଇଥିଲା।ଏହି ତାଲିମ କାର୍ଯ୍ୟକ୍ରମ ରେ ଶ୍ରୀ ଅନୁପ ସିଂ ମାଝୀ, ପବ୍ଳିକ ହେଲଥ ଏକ୍ସଟେନସନ ଅଫିସର, ଚୀରଶ୍ରୀ ଡାଙ୍ଗ, ମେଲେରିଆ ସୁପରଭାଇଜର ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଙ୍କୁ ମଶାରୀ ବଣ୍ଟନ ସମୟରେ ଅଙ୍ଗନବାଡି କର୍ମୀ, ଆଶା କର୍ମୀ ମାନଙ୍କୁ ସହଯୋଗ କରିବା ସହିତ ହିତାଧିକାରୀ ମାନଙ୍କୁ ମଶାରୀ କିପରି ବ୍ୟବହାର କରିବେ ତାହା ଡେମୋ କରି ଦେଖେଇବେ ବୋଲି କୁହାଯାଇଥିଲା।ଏହି କାର୍ଯ୍ୟକ୍ରମ ରେ ତିନିଗୋଟି ସେକ୍ଟର ଯଥା ଚଟୁଅନକା, ତୁରେକେଲା ଓ ବଡବାଙ୍କୀର ୧୪୪ ଜଣ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ତାଲିମ ଦିଆଯାଇଥିଲା।ଚଳିତ ମାସ ୨୩ ତାରିଖରୁ ପର୍ଯ୍ୟାୟ କ୍ରମେ ମଶାରୀ ବଣ୍ଟନ ହେବ ବୋଲି କହିଥିଲେ।ତାଲିମ କାର୍ଯ୍ୟକ୍ରମ ରେ ଶ୍ରୀ ରଘୁନାଥ ମହରା, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ, ଶିକ୍ଷକ ବିରଞ୍ଚି ନାରାୟଣ ଦାଶ,ପ୍ରେମରାଜ ପାଣିଗ୍ରାହୀ, ଭୀମସେନ ପଣ୍ଡା,ରାଜକିଶୋର ମେହେର, ସତ୍ୟ ପ୍ରକାଶ ସାହୁ,ସୁଧାଂଶୁ ଖମାରୀ ସମେତ ଅନ୍ୟାନ୍ୟ ଶିକ୍ଷକ ଉପସ୍ଥିତ ଥିଲେ।