28-Mar-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା  ଏନଏସି ଅଧିନସ୍ଥ  ନଅଗାଁ କଲୋନୀ ଠାରେ ଥିବା  ଦ ରୟାଲ ଇଣ୍ଟରନେସନାଲ ସ୍କୁଲର ବାର୍ଷିକ ଉତ୍ସବ  ଅନୁଷ୍ଠିତ ହୋଇଯାଇଛି l ଦ ଇଣ୍ଟରନେସନାଲ ସ୍କୁଲର ପରିଚାଳନା ନିର୍ଦେଶକ ଅଶ୍ୱିନୀ କୁମାର ସାହୁଙ୍କ ଅଧ୍ୟକ୍ଷତା ଓ ତତ୍ୱାବଧାନରେ ବାର୍ଷିକ ମହୋତ୍ସବ  ଅନୁଷ୍ଠିତ ହୋଇଥିବା ବେଳେ ତୁଷୁରା ତହସିଲଦାର ତଥା ଏନଏସି କାର୍ଯ୍ୟନିର୍ବାହୀ ଅଧିକାରୀ ଆର୍ତ୍ତତ୍ରାଣ ଥାଟି ମୁଖ୍ୟଅତିଥି ଭାବେ ଯୋଗଦେଇ ଶିକ୍ଷାର ମହତ୍ତ୍ୱ ଉପରେ ନିଜର ବକ୍ତବ୍ୟ ପ୍ରଦାନ କରିଥିଲେ l ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ୱାଳ ସମ୍ମାନିତ ଅତିଥି ଭାବେ ଯୋଗଦେଇ କହିଥିଲେ  ସମାଜ ତଥା ଦେଶର ଜଣେ ସୁସନ୍ତାନ ହେବାସାଙ୍ଗକୁ ଜଣେ ସୁପ୍ରତିଷ୍ଠିତ ବ୍ୟକ୍ତି ହେବାକୁ ଚେଷ୍ଟା କରିବାକୁ ଆହ୍ବାନ କରିଥିଲେ । କୌଣସି ଲାଭ ଉଦ୍ଦେଶ୍ୟରେ ନୁହେଁ ବରଂ ଅଞ୍ଚଳର ଛାତ୍ରଛାତ୍ରୀମାନେ କେମିତି ଉତ୍ତମ  ଓ ଗୁଣାତ୍ମକ ଶିକ୍ଷା ଅର୍ଜନ କରିପାରିବେ ସେହିଲକ୍ଷ୍ୟ ନେଇ ପରିଚାଳନା ନିର୍ଦେଶକ ଅଶ୍ଵିନୀ କୁମାର ସାହୁ ବିଦ୍ୟାଳୟ ସ୍ଥାପନ କରିଛନ୍ତି ବୋଲି ମତ ପ୍ରକାଶ କରିଥିଲେ l  ପ୍ରିନସିପାଲ ସୁଧାଂଶୁ ଭୂଷଣ ମେହେର ମୁଖ୍ୟବକ୍ତା ଭାବରେ ଯୋଗଦାନ କରି ଜୀବନରେ ଅଧ୍ୟବ୍ୟସାୟ, ସହନଶୀଳତା ଓ ନିଷ୍ଠାପର କାର୍ଯ୍ୟକଲେ ଜୀବନ ରେ ସଫଳତା ସୁନିଶ୍ଚିତ ବୋଲି ମଞ୍ଚରେ ବକ୍ତବ୍ୟ ରଖିଥଲେ l ବିଦ୍ୟାନିକେତନର ପରିଚାଳନା ନିର୍ଦେଶକ ସୁରେଶ ଚନ୍ଦ୍ର ସାହୁ ଯୋଗଦେଇ ଛାତ୍ରଛାତ୍ରୀ ଓ ଅଭିଭାବକମାନଙ୍କୁ ଏଜୁକେସନ ସମ୍ପର୍କରେ ନିଜର ବକ୍ତବ୍ୟ ଉପସ୍ଥାପନ କରିଥିଲେ l ସମାଜସେବୀ ନନ୍ଦଲାଲ ଜୟଶ୍ୱାଳ ମଞ୍ଚରେ ସମ୍ମାନିତ ଅତିଥି ଭାବେ ମଞ୍ଚାସିନା ଥିଲେ l ବିଦ୍ୟାଳୟର ବରିଷ୍ଠ ଶିକ୍ଷକ ମନ୍ମଥ ବାରିକ ମଞ୍ଚପରିଚାଳନା ଓ ଅତିଥି ପରିଚୟ ପ୍ରଦାନକରିଥିଲେ l ପ୍ରିନସିପାଲ ଇମାନୁଆଲ ଶିକ୍କା,ଶିକ୍ଷକ ଅଜିତ କୁମାର ନନ୍ଦ , ଦୀନେଶ ବିଶ୍ୱାଳ,ରଞ୍ଜିତ ସାହୁ,ସୁବ୍ରତ କୁମାର ଭୋଇ, ଦୀପକ ପାଇକ,ଅଙ୍କିତ କୁମାର ହରପାଳ, ପ୍ରଭାତୀ ନାୟକ, ପ୍ରଭାତୀ ଧରୁଆ ,ବନିତା ପ୍ରଧାନ,ସନ୍ତୋଷିନୀ ଷଡ଼ଙ୍ଗୀ,ଶୁଭଶ୍ରୀ ସୁନନ୍ଦା ଦାସ, ନିହାରିକା ସା, ବିଜୟ ସାହୁ, ପ୍ରଦୀପ କୁମାର ହରପାଳ ଆଦି ବିଦ୍ୟାଳୟର କର୍ମଚାରୀମାନେ ସହଯୋଗ କରିଥିଲେ ।  ଛାତ୍ରଛାତ୍ରୀ ମାନଙ୍କ ଦ୍ୱାରା ଓଡିଶୀ, ସମ୍ବଲପୁରୀ ସମେତ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ବିଭିନ୍ନ ପ୍ରତିଭା ଓ ବାର୍ଷିକ କ୍ରୀଡା ପ୍ରତିଯୋଗିତା ସଫଳତା ଲାଭକରିଥିବା ଛାତ୍ରଛାତ୍ରୀମାନଙ୍କୁ ଅତିଥିବୃନ୍ଦ ପୁରସ୍କାର ପ୍ରଦାନ କରିଥିଲେ l